Lucas 20:47 - Nuevo Testamento Toba Sur

⁴⁷ Nataq'en namayipi ÿataqta iÿalaxat na huetañalo naua lma'te nam pa'aipi, nachi namayipi chochi nqañoxotoigui da i'ot da ÿataqta logodaic naq'en da nqouagaxaunaxac. Qaq ÿataqta ÿacteec qome da nhuaxanaguec namayipi.

Nuevo Testamento Toba Sombrero Negro

⁴⁷ Nataq'aen doĝotaĝaneque ga'me jo'ne yiyamaqa'tama jogaa'me p'ail, nataq'aen nale nequepaĝatedelegue da'me dojo' qama'le yauo'oe gaa'me netamenaĝaco jo'ne jalo'li. Jogaa'me yataqachiñe let'adaic ga'me ne'uaĝanague'j jo'ne qoyanema qom'te.”

La'aqtaqa Ñim Lo'onatac 'Enauacna 2013

⁴⁷ Namayepi decachigui na nma' ana pa'aipi, ime, nache ỹo'ot da nqouagaxaunaxac ỹataqta logoraic naqa'en yaqto' na qalota shiỹaxauapi ipi'itaxana da no'on shiỹaxauapi. Qalaxaye Ñim Lo'onatac 'Enauacna ỹauo'o da nhuaxanaguec ỹataqta ỹactec, saq 'ena'am na laỹepi shiỹaxauapi.

Lucas 20:47 Referans Kwoze

Marcos 12:40

Qaq na mayipi ÿataqta iÿalaxa't naua lma'te ana pa'ai, qa nachi chochi nqañoxotoigui da ÿataqta logodaic naq'en da natamnaxac. Qaq namayipi qome nachina na ÿataqta ÿacteec da nhuaxanaguec.

Santiago 3:1

Qami' ÿaqaÿadolqa, sa ishito' qome da saqalota na dapaxaguenataxanapec da qoñiita, cha'ayi mashi qauaÿajñi da qomi' mayi sapaxaguenataxanaqtac, qomi' naÿalguete ca saq llalcolec qanhuaxanaguec, saq shinaqa'am na qadaÿipi.

Tito 1:16

Namayipi 'eetega da ÿauatton ñi Dios, qalaxayi da lataxac ÿataqta sa natenguet. Cha'ayi ÿataqta sa qaishiteguet, souaxat da sa ÿalaq qataq saq taiguet ca camachaqca n'onataxanaxac ÿaÿamaqchiguiñi.

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Mateo 23:13

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq qami' fariseopi mayi qoñiitega da qami' 'eesoda! Cha'ayi qami' qauapoigui ñi lasom dam l'onataxanaxac ñi Dios mayi neta'ague da piguem, da yaqto' sa ishit da huo'o ca inoxoneuo. Qalaxayi qami' sa ishit da qaunoxoñiiuo, qataq sa ishit da qauashiñiim da inoxoneuo nam nshitaique da inoxoneuo.

1 Ts 2:5

Cha'ayi qami' qauaÿajñiita da qomi' sa ishit da chochi samaicna'q naua qadtaxaÿaxaco, qataq sa ishit da chochi ñapoqtaña ca qadatenataxanaxac da ñaqataq añi plata. Qaq damayi ÿaÿateeta ñi Dios.

Mateo 23:14

¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Cha'ayi qami' ÿataqta qauqui'itaxachiite' naua lma'te ana pa'aipi, nachi qami' chochi qanqañoxochiÿoigui da qau'ochi da logodaic qanatamnaxaqui. Qaq ÿoqo'oyi qami' ÿataqta lta'adaic qome da qanhuaxanaguiiqui.

Lucas 20:46

–Maxatchoxo' qome, qadvichiÿa'a nam dapaxaguenataxaatapeguec na nqataxacpi. Cha'ayi namayipi nqopita da ÿaatrañi naua logodaiqa anogo mayi ÿi'oxoda'q, qataq nqopita da qaiyaata da qaiquin da huaña ca naponqa', qataq namayipi nmitta'ai anam so'onaxaqui mayi ÿataqta ÿi'oxodaq anam naponaxaquipi qataq nam ÿataqta no'on nqui'aqa'pi.

Lucas 21:1

Qaq co'ollaq ñaq hueta'a aso n'onaxanaxaqui late'edai so Jesús, nachi imeteetac nam sallaxanecpi mayi ÿasaqtapiguiñi ana lachitaqtaxanaqte.