Lucas 20:34 - Nuevo Testamento Toba Sur

³⁴ Nachi so Jesús 'enapeco': –Ne'ena 'alhua mayi souaqta'a na shiÿaxauapi qataq nam 'alpi ishit da huadona't.

Nuevo Testamento Toba Sombrero Negro

³⁴ Jesús 'yategueta jogaa'me: —Da'me 'noyaĝac jo'ne 'uo nayi, ga'me jiyaĝadipi cha'li 'uotapega't;

La'aqtaqa Ñim Lo'onatac 'Enauacna 2013

³⁴ Nache So Jesús 'enapeco': –Ana'ana 'alhua maye hueta'a na shiỹaxauapi ishet da huarona't.

Lucas 20:34 Referans Kwoze

Lucas 16:8

Huaña, nachi so 'aco' sa ishit da ÿoqolguet da se'eso lhuataxanaxanec mayi qauem, somayi ÿataqta sa nqalaat da huo'o ca i'ot. Qaq 'eda da 'eetec nam ÿauotec nam huetalec ana 'alhua, namayipi ÿataqta sa nqalaat da huo'o ca i'otec ca lÿa, qaq saq 'en'am nam huetaigui na yi'oqchiguiñi.

Lucas 17:27

Somayipi deque'etac qataq nÿomtac, qataq huadootega't qataq huetapegue' da ladonaxac na llalpi, chochi ivitta'a so na'a'q co'ollaq so Noé inoxonoigui aso nnotaxaqui. Nachi anac so auot, huaña, nachi ileu 'enauac somayipi.

Hebreos 13:4

Qataq iuen da ÿataqta qantela'a qome 'enauac da nhuaÿaxac, qataq caua namoxo'u iuen da ÿataqta nde'n, cha'ayi ñi Dios ÿauo'o qome da nhuaxanaguec na quishiguetaxaicpi qataq na lauatapiguiñi' aca sa lhua.

Efesios 5:31

“Qaq ÿoqo'oyi ca shiÿaxaua ca'ai ca lta'a qataq aca late'e da huadon, nachi lmayaxaua aca lhua. Ime, nachi que'ecaua dos 'eeta'am da 'oonolec.”

Mateo 12:32

Qataq camachaqca shiÿaxaua, da huo'otaq ishiuen na shiÿaxaua llalec, qalaq camayi ishit da qaichoxoden. Qalaxayi ca nasaxauec ca l'aqtac, da huo'otaq npa'aguene' naq'en so Espíritu Santo, nachi camayi sa ishit da huo'o ca nchoxonnataguec qanqoÿin, da huo'otaq ñaq huetalec ana 'alhua qataq cam ñaq natauo.

Lucas 20:33

Nachi da qaltaq ivita da qanca'alaxateec na leuaxaicpi, qaq ¿chaq négue't cam ÿoqta 'eesa da lhua asomayi?, cha'ayi 'enauac som siete nqaÿañicpi huadonguet asomayi.