Lucas 20:23 - Nuevo Testamento Toba Sur

²³ Qalaxayi so Jesús ÿauattooteguet da qauem lhuennataxac somayipi, nachi 'eeta': –¿Tá'ainco' yi chochi aÿim qauayiñiitac?

Nuevo Testamento Toba Sombrero Negro

²³ Qalaĝaja ñe'me yayate'n da'me lelnataĝaco ja 'noe'n, qama'le enaac:

La'aqtaqa Ñim Lo'onatac 'Enauacna 2013

²³ Qalaxaye So Jesús ỹauattooteguet da qauem lhuennataxac soomaye, nache 'eeta': –¿Ta'ainco' ye choche Aỹem qavi'iguiñiitac?

Lucas 20:23 Referans Kwoze

1 Corintios 3:19

Cha'ayi da naÿajnec mayi lma'na, damayi 'eeta'am da chochi 'oopashic naq'en ñi Dios. Cha'ayi naua ñiyigui'shi l'aqtaqa ñi Dios 'eeta': “Ñi Dios maichi lqoinguishic naq'en na ÿajnaxanaxaicpi naua maichi lqoinaxanaxaco.”

Hebreos 4:13

Qaq sa ishit da huo'o ca 'oonolec nam l'onatacpi ñi Dios da huo'otaq ishit da nqañoxochiisop ñimayi. Cha'ayi 'enauac namayipi ÿataqta yi'oqta qataq ÿaateec naq'en da ilotalec ñim huo'o ca na'a'q qaq ñachaataxau'a da sa'axataxam ca qad'onataxanaxac.

1 Corintios 10:9

Nataq'en sa ishit da chochi sayinaqtac so qadataxala', 'eeta'am da 'eetec somayipi da huo'o na yi'iguenataxan. Qaq ÿoqo'oyi huo'o na ileu somayipi co'ollaq detoxongui na n'adaxanaqpi.

Lucas 20:20

Nachi qaÿauo'o so qanamaxai'pi chochi npi'itaxanaxanec. Somayipi chochi n'enaqchin da 'eetega no'on shiÿaxauapi, da yaqto' isomaxanaqchi't naua l'aqtaqa somayi, nachi ishit da huo'o ca qaÿachigoxotchigui ca lasouaxashit, nachi qoÿaneu'a so nta'a.

Lucas 6:8

Qalaxayi somayi sogote da ÿaÿateetac da lhuennataxa somayipi. Nachi 'enapego' som shiÿaxaua mayi daqaqta na lhuaq, 'eeta': –Qoñishiguem qome. Ime, qaq 'angui na laiñi. Nachi so shiÿaxaua nachajñi, nachi tangui na laiñi so shiÿaxauapi.

Lucas 5:22

Qalaxayi so Jesús ÿaÿaten da lhuennataxa somayipi, nachi 'enapeco': –¿Tá'ainco' yi qadhuennataxaqui dam da'?

Mateo 22:18

Qalaxayi so Jesús ÿataqta ÿauattooteguet dam qauem lhuennataxac somayipi. Nachi 'enapega, 'eeta': –Qami' mayi qoñiitega da qami' 'eesoda, ¿tá'ainco' yi aÿim qavi'iguiñiitac?

Mateo 16:1

Na fariseopi qataq na saduceopi nqo'ona so Jesús da ÿauotaique da ÿauo'o ca ÿachigoxotchigui lasouaxashit naq'en somayi. Nachi qaiÿaxanot somayi, da yaqto' i'ot ca n'anec sa qaÿauanapega da chigoqo'ot naq'en na piguem.

Lucas 20:22

Qaq qomi' 'au'aqtaxanema qome: ¿peta'a ÿaÿamaqchiguiñi da qaishiiten ñim nta'a mayi ilo'ogue nam nta'alpi, loqo' chaq sa ishit?

Lucas 20:24

'Ego', ñaq aÿim qauachaxañiÿa acam lcatole. ¿Négue't lashic ñim huetalec? qataq ¿négue't l'enaxat yim huetalec? Nachi somayipi 'enapeco': –Qomyi nachiñi ñim ilotague' nam nta'alpi.

Hechos 13:10

Nachi 'enapego', 'eeta': –¡'Am tenataxanaxaic, qataq 'am 'itaxaloxoic, 'am llalec so shiÿaxaua mayi lma'na, qataq ÿataqta 'anpa'aguenaxaua 'enauac na ÿaÿamaqchiguiñisat! ¿Tá'ainco' yi sa i'atai' da 'auashaxaadeec naua ÿaÿamaqchiyiñi 'eetapegueco ñi Dios?

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.