Lucas 20:14 - Nuevo Testamento Toba Sur

¹⁴ Qalaxayi som 'onataxanaxaicpi co'ollaq qaila'aguet somayi, nachi detaxaÿapega't, 'eeta': “'Ena qome na talec qanqoÿin de'eda nsallaxa. Salauataq nagui namayi, yaqto' qomi' ishit qome da qadalamaxat damayi.”

Nuevo Testamento Toba Sombrero Negro

¹⁴ Qalaĝaja ca'li yauata gaa'me onataĝanaĝayaqa, qama'le enapega'ajalo: «Nach'ena jenjo' jo'ne yaconeguet qomle da'me neuoyaĝac; jalataq nayi, qaedi ga'me te'me loĝot male qo'mi ua'ajopa qomle.»

La'aqtaqa Ñim Lo'onatac 'Enauacna 2013

¹⁴ Qalaxaye som 'onataxanaxaicpi co'ollaq ila'aguet somaye, nache detaxaỹapega't, 'eeta': «'Ena qome na talec qanqa'en ne'ena nanaxanaqa' qom ileu cam lta'a. Salauataq nagui namaye, yaqto' qomi' ishet qome da qaralamaxat namaye.»

Lucas 20:14 Referans Kwoze

Romanos 8:17

Qaq nagui da mashi qomi' llalqa ñi Dios, nachi nataq'en ishit da saconaxaguet cam qomi' ÿachaxanapeguema ñimayi. Qalaxayi ÿataqta ñiuanaqte' so Cristo, qaq lamaaxa nagui da ÿataqta qanque'ejnaxaua somayi, da yaqto' ishit qome da ñiuanaqhua'a cam lli'oxoyic somayi.

Hebreos 1:2

Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Lucas 22:2

Nachi so lataxala'pi na ntaxaÿaxanaxanecpi da qaitaxaÿapegue' ñi Dios qataq som dapaxaguenataxaatapeguec na nqataxacpi, somayipi nmittaique ca ÿachigoxotchigui da ishit da ÿalauat so Jesús, qalaxayi somayipi ÿataqta ñi'iÿa so shiÿaxauapi.

Lucas 20:19

Nachi so lataxala'pi nam ntaxaÿaxanaxanecpi da qaitaxaÿapegue' ñi Dios qataq so dapaxaguenataxaatapeguec na nqataxacpi, somayipi nshitaique da nachi ÿaconeu'a se'eso na'a'q so Jesús, cha'ayi ÿaÿaten da nachiso somayipi ÿalamaqchigui de'eda qaÿaloqnaxaatega. Qalaxayi qañi'itega som shiÿaxauapi.

Lucas 20:5

Nachi somayipi maichi ncotatega't, 'eeta': –¿Chaq huá'ague ca shinaqtec? Da shinaqpec da nachiñi ñi Dios da ÿamaxalec, qaq ÿoqta qome da 'eeta': “Qalaq ¿tá'ainco' qone' yi sa qau'amaqchiñi?”

Lucas 19:47

Nachi 'enauaque se'esoua na'axa'te so Jesús dapaxaguenataxaatac, huetaigui aso n'onaxanaxaqui late'edai. Qalaxayi nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq nam lta'alpi na shiÿaxauapi, namayipi ilotaique ca lataxac da ishit da ÿalauat so Jesús.

Mateo 21:25

Da inataxanaxac 'eeta': ¿Chaq négue't ca ÿamaxalec so Juan da dachilaxanataxan? ¿Peta'a nachiñi ñi Dios, huo'otaq ca chochi shiÿaxaua? Nachi somayipi maichi nqalligottega't, 'eeta': –Da qomi' shinaqpec da nachiñi ñi Dios da ÿamaxalec somayi da dachilaxanataxan, qaq ÿoqta qome da 'eeta': “¿Tá'ainco' qone' yi sa qau'amaqchiñi?”

Mateo 16:7

Nachi soua lapaxaguenataqa deuennataxaata'pe co'ollaxa, 'eetra': –Peta'a souaxat da qomi' sa ishit da ñachoq aca pan.

Mateo 21:34

Qaq co'ollaq mashi ivita so laloqo' da qanqat ana ala na nanguishic, nachi somayi namaq so l-latacpi, da yaqto' iÿaxanot se'eso 'onataxanaxaicpi, da yaqto' icolaxateuga cam talec somayi qanqoÿin.

Lucas 20:13

Nachi som lalamaxat se'eso 'alhua nachi 'enapeco': “Qaq nagui ¿chaq huá'ago' ca shiitec? Nagui aÿim samaq ñim ÿauotaxat ÿalec, yaqto' qom qaila'a, qaq ÿoqta qome da qailo'oguet.”

Lucas 20:15

Nachi qanqateeguesop somayi se'eso nanaxanqa'. Ime, nachi qaÿalauat. Nachi so Jesús denataxan, 'eeta': –Qaq ¿chaq huá'ague ca 'eetec se'eso lalamaxat so 'alhua?