Lucas 2:11 - Nuevo Testamento Toba Sur

¹¹ Qaq damayi 'eeta': nagui lañoqo' yi npueblo so David cam qaÿauotaique da qadca'alaxaquii l'enaxat da Cristo cam qadataxala'.

Nuevo Testamento Toba Sombrero Negro

¹¹ Nayi niyi'ña di'me David 'lachaqa' ñe'me adec'alaĝaiqui, nach'eñe Jaliaĝanec jo'ne Dios Liquiyac.

La'aqtaqa Ñim Lo'onatac 'Enauacna 2013

¹¹ ¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!

Lucas 2:11 Referans Kwoze

Mateo 1:21

Qaq añimayi huo'o qome ca llalec. Qaq 'am nachi 'ai'anagui da l'enaxat Jesús. Camayi l'enaxat de'eda, cha'ayi nca'alaxateeguesop qome na lalamaxatpi na lasouaxashitpi.

Hechos 2:36

Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.

Mateo 16:16

Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Lucas 1:43

Qaq ¿négue't aÿim da huo'otaq aÿim namaqtega adam late'e ñi ÿataxala'?

1 Juan 5:1

Qaq 'enauac nam huo'o da lpi'iÿaxac so Jesús da nachiso so nta'a mayi qadca'alaxaqui, namayipi llalaqpi ñi Dios. Qaq ca ÿauotec ñi qadta'a, qaq nataq'en ÿauotec na llalaqpi ñimayi.

Filipenses 2:11

qataq yaqto' 'enauac qai'axat da ÿoqta 'eesa da so Jesucristo nachiso so qadataxala', nachi ÿataqta qaÿi'oxoden ñi qadta'a Dios.

Juan 4:42

Nachi qoÿiitega aso 'alo, qoÿiita': –Nagui sa ishit da chaqdata da 'ad'aqtaxanaxac da sa'amaqtenaq, cha'ayi qomi' nataq'en maichi ñi'axaÿaxanaqtega somayi, qataq saÿajnaqta da somayi ÿoqta 'eesa da nachiso so nta'a som lca'alaxaqui nam shiÿaxauapi mayi huetalec ana 'alhua.

Lucas 2:4

Qaq ÿoqo'oyi so José chigoqchiguiña yi pueblo l'enaxat Nazaret, huaigui yi 'alhua Galilea, da nqo'ona yi pueblo l'enaxat Belén huaigui yim 'alhua l'enaxat Judea yim lañoqo' so David, cha'ayi so José maichi chigoxoguet so David.

Mateo 1:16

Qaq so Jacob nachi llalec so José som lhua aso María mayi late'e so Jesús som l'enaxat nta'a nca'alaxaqui.

1 Corintios 15:47

So hua'auchiguiñi shiÿaxaua qaÿachigoxotaigui ana 'alhua, qaq somayi 'alhua l'ec. Qalaxayi so ÿaqa'aguet shiÿaxaua som qadataxala', somayi chigoqo'ot na piguem.

Hechos 10:36

Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

1 Juan 4:14

Qataq qomi' nataq'en ÿataqta sauanaqchigui ñi qadta'a Dios qataq sa'axataqtac da ñimayi namaq so llalec, da yaqto' nca'alaxateec 'enauac nam huetalec ana 'alhua.

Juan 1:45

Nachi so Felipe jec da nmitaique so Natanael. Nachi da'aqtaxanem, 'eeta': –Qomi' mashi ñauanaxai' ñim shiÿaxaua mayi ÿiyiñi co'ollaxa so Moisés naua lqataxaco mayi nanettrañi ana lede, ñim nataq'en ÿiyiñi co'ollaxa so l'aqtaxanaxanecpi ñi Dios. Ñimayi nachiñi ñi Jesús, ñim llalec so José mayi lma' yi pueblo Nazaret.

Hechos 17:3

Qaq ÿacona ana huetalguete naua ñiyigui'shi l'aqtaqa ñi Dios, nachi i'axattac da ca nta'a nca'alaxaqui mayi qaiuattaique, camayi qome ÿataqta huo'o da nque'ejnaxac. Qaq qom ime, nachi qaÿalauat, nachi camayi qaltaq nca'aleec. Nachi 'enapeco': –Qaq ÿoqo'oyi se'eso Jesús mayi qami' sa'axattapeguema, somayi nachiso som nta'a mayi qadca'alaxaqui.

Hechos 5:31

Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Juan 1:41

Qaq so Andrés co'ollaxa ÿataqta i'auaxaachiguiñi da nqo'ona so lqaÿa Simón, nachi 'enapega, 'eeta': –Qomi' ñauanaxai' ñim qoÿiitega Mesías –de'eda n'enaxat naigui da Cristo, nta'a nca'alaxaqui.

Mateo 16:20

Nachi so Jesús huaqattapeguelguete soua lapaxaguenataqa, da yaqto' sa ishit da huo'o ca da'aqtaxaadem da somayi nachiso so nta'a mayi nca'alaxaqui.

Colosenses 2:6

Qaq ÿoqo'oyi de'eda 'eetec co'ollaq qauacoñiiguet so qadataxala' Jesucristo, qaq nachida qome qoviita'a da qan'ayiitau'a somayi,

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

Juan 11:27

Nachi asomayi 'enapeco': –Aja', sa'amaqten, 'am ÿataxala', da nachi'am nta'a nca'alaxaqui, mayi 'am llalec ñi Dios, mayi 'am qai'axatta'aguet co'ollaxa da 'auanaÿa'a ana 'alhua.

Juan 7:41

Qataq huo'o na laÿipi 'eeta': –Damayi nachida da nta'a nca'alaxaqui. Qalaxayi huo'o na laÿipi 'eeta': –¿Táloxochiyo' da chigoqchiguiña yi Galilea cam nta'a nca'alaxaqui?

Lucas 2:26

qataq da'aqtaxanem da sa ishit da imeuo da nachaalataxac qome huo'otaq saxanaxa da ilogui ca nta'a mayi qadca'alaxaqui cam namaq ñi qadataxala'.

Lucas 1:69

Ñimayi qomi' ÿanema cam ÿataqta 'añaxaic nca'alaxaqui, chigoqtoigui naq'en na llalaqpi som l-latac l'enaxat David.

Juan 4:25

Nachi aso 'alo 'enapeco': –Aÿim saÿaten da anac qome ca Mesías –mayi naigui da Cristo, nta'a nca'alaxaqui–. Qaq qom ivita da nvi', nachi camayi qomi' da'aqtaxanema qome 'enauac na lataxaguesat.

Hechos 13:23

Qaq huo'o so 'oonolec nam llalaqpi se'eso David, somayi nachiso so Jesús som ÿanagui ñi Dios da lca'alaxaqui naq'en na llalaqpi so Israel, cha'ayi ñimayi nachi ÿachaxanapec co'ollaxa damayi da ÿan.