Lucas 19:28 - Nuevo Testamento Toba Sur

²⁸ Qaq co'ollaq ime da nasaxauec de'eda so Jesús, nachi jec da tata'ague da Jerusalén.

Nuevo Testamento Toba Sombrero Negro

²⁸ Mane'e ca'li da'me nenaĝategue da'me dojo', Jesús yitaĝa yalemaĝaye da'me dajoyi di'me Jerusalén.

La'aqtaqa Ñim Lo'onatac 'Enauacna 2013

²⁸ Qaq co'ollaq ime da nasaxauec de'era So Jesús, nache jec da taigue da Jerusalén.

Lucas 19:28 Referans Kwoze

Lucas 9:51

Qaq co'ollaq mashi sa qaÿapeque so laloqo' da taigue da piguem so Jesús, nachi huesoteec yi lavilÿaxac da taigue da Jerusalén.

1 Pedro 4:1

Qaq ÿoqo'oyi de'eda 'eetec da so Cristo huo'o da nque'ejnaxac da l'oquiaxac, qami' nataq'en sa ishit da huo'o ca qai'iquiitega da qanque'etaxañi. Cha'ayi cam huo'o da nque'ejnaxac da l'oquiaxac, camayi ca'ai da ñi'itaxaloxo,

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Lucas 18:31

Nachi so Jesús iÿaxana so doce lapaxaguenatacpi da iÿotauga, nachi 'enapega, 'eeta': –Nagui qomi' saxague da Jerusalén, nachi huaña qome yimayi da ipacchigui 'enauac dam n'aqtaguec na shiÿaxaua llalec dam ÿiyiñi co'olloxochiyi som l'aqtaxanaxanecpi ñi Dios.

Lucas 12:50

Qalaxayi aÿim saigui qome da ñique'ejnaxac, 'eeta'am ca qanachilaxan, qaq ÿoqo'oyi ¡ÿataqta huo'o da ÿaquicoxo da iyaxa da nal'en nachi ime!

Juan 18:11

Qalaxayi so Jesús 'enapego' so Pedro, 'eeta': –'Avi'iguelaxajñi na 'ainec, 'anshijñi. Ñi ita'a, da aÿim ipagaqna'aguet da ñique'ejnaxac mayi 'eeta'am da qanÿomgui ca deshinataxan, qaq ¿peta'a sa ishito' da saigui damaxa?

Lucas 10:30

Nachi so Jesús 'enapeco': –Huo'o so shiÿaxaua chigoqtashiguema yi Jerusalén, quetague' so nqa'aic mayi taÿa'a yi Jericó. Nachi qaique'elaxat da qanhuo', nhuo't soua cachaxaiqa. Somayi qanqa't soua alogo, qaiuaxaatac, qataq qaicopchaqchit.