Lucas 18:32 - Nuevo Testamento Toba Sur

³² Qaq namayi qome qoÿanoigui nam chigaqauec shiÿaxauapi, da yaqto' i'enai', ishiueetac, qataq nqaigoqot.

Nuevo Testamento Toba Sombrero Negro

³² Qa'a jayem qoyanouelo qomle gaa'me Roma laje', qama'le jayem qoye'uetac, nataq'aen qoyejouetac nataq'aen qonatoĝolegue.

La'aqtaqa Ñim Lo'onatac 'Enauacna 2013

³² Qataq Aỹem qoỹanoigui qome nam chegaqauec shiỹaxauapi, da yaqto' Aỹem ỹe'enai', qataq Aỹem isheueetac, qataq Aỹem nqaigoqto'ot.

Lucas 18:32 Referans Kwoze

Lucas 23:11

Nachi so nta'a Herodes qataq so nallippi ÿataqta qaÿi'inai' so Jesús, nachi qalapaxalec so npo' ÿataqta qaica ca 'en'am da lyac, 'eeta'am qanqoÿin ca nta'a. Qaq co'ollaq ime, qaltaq qaÿi'iguelaxata so Pilato.

Hechos 3:13

Qalaxayi ñim nDios so hua'au qadta'a Abraham, qataq so Isaac, qataq so Jacob, ñimayi nachiñi ñi ÿanem da lta'adaic l'amaqchic so llalec Jesús, som qami' qai'añiu'a co'ollaxa na nta'alpi. Nachi so nta'a Pilato co'ollaq nshitaique da ÿaxaneec, qalaq qami' sa qauaÿamaxayiñi.

Marcos 14:65

Huaña, nachi huo'o na nqaigoqot somayi, qataq qaÿauo'o so laxataxat na lashic, nachi qaiuaxaatac, qoÿiitega, qoÿiita': –¡Ña 'au'axat chaq négue't na 'am iuaxaatac! Nachi na huataxanaqpi iuaxaatapigui na lashic somayi.

Mateo 26:67

Nachi qanqaigoxoigui na lashic somayi, qataq qaiuaxaatac. Qataq huo'o na iuaxanoigui na lashic.

Mateo 16:21

Qaq huaña, nachi so Jesús ÿataqta da'aqtaxaatema soua lapaxaguenataqa, 'eeta': –Aÿim saigue da Jerusalén. Qaq huaña qome yimayi, nachi na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na lqataxacpi so Moisés, namayipi ÿataqta qalota qome naq'en da ñique'ejnaxac, qataq aÿim qaÿalauat. Qalaxayi qom mashi inoxoodeec caua tres na'axa'te, nachi qaltaq ñica'aleec.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Juan 18:35

Nachi so Pilato 'enapeco': –¿Peta'a aÿimo' judío l'ec? Yi nam maichi 'adhuo' l'ecpi qataq nam lataxala'pi na ntaxaÿaxanaxanecpi, nachina na 'am nañaneu'a aÿim. Qaq ¿chaq négue'to' cam 'au'ot sa ÿaÿamaxañi?

Juan 18:30

Nachi somayipi 'enapeco': –Damayi da sa ishíttaxa da qauemaic, nachi sa ishit da 'am sanaxau'a.

Juan 18:22

Nachi so Jesús co'ollaq 'enapec de'eda, nachi som 'oonolec nam huataxanaqpi mayi ilotague' aso n'onaxanaxaqui mayi ÿalectauo, somayi iuaxanoigui na lashic so Jesús. Nachi 'eetega, 'eeta': –¿Nachi qoneteco' de'eda da 'au'aqtaxanem ñim lataxala' na ntaxaÿaxanaxanecpi da qaitaxaÿapegue' ñi Dios?

Lucas 23:35

Qaq 'enauac na shiÿaxauapi imeteetac somayi qataq ivida'a nam nta'alpi ÿi'iitac, 'eeta': –Nca'alaxateecnaxa ca lÿa. Qaq nagui, qaq no'on da maichi nca'alaxajla't, qom ÿoqta 'eesa nachiñi ñi nta'a nca'alaxaqui mayi lca'aguishic ñi Dios.

Lucas 23:1

Nachi 'enauac ñishiguem somayipi, nachi qaÿauegueu'a so Jesús so nta'a Pilato.

Mateo 27:2

Nachi qaÿauec somayi, qoÿaxatta'a't naua lhua'q, da qoÿaneu'a so nta'a Poncio Pilato.

Juan 18:28

Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto.

Marcos 15:1

Qaq co'ollaq mashi yi'oxoñi, nachi lapona't som lataxala'pi na ntaxaÿaxanaxanecpi, qataq so nquedoxonecpi qataq som dapaxaguenataxaatapeguec na nqataxacpi, qataq 'enauac nam nta'alpi mayi loicnatac na lataxaguesat. Nachi namayipi ÿauec so Jesús, ÿaxatta'a't na lhua'q, da qoÿaneu'a so Pilato.

Mateo 20:19

qataq da ÿaneu'a nam ÿaqa'a ca chigaqa'ague, da yaqto' ÿi'enai' namayi, qataq da iuaxaatac, ime, qaq iuaxaneuo. Qalaxayi qom mashi ivi' caua tres na'axa'te, nachi namayi qaltaq nca'aleec.

Mateo 22:6

qataq so laÿipi ÿaconeu'a so lamaxashicpi so nta'a, nachi iuaxaatac, chochi ivitta'a da ÿalauat.

Lucas 18:33

Qataq qaiuaxaatac qome. Qaq qom ime, nachi qaÿalauat. Qalaxayi qom mashi ivi' naua tres na'axa'te, nachi qaltaq nca'aleec.

Juan 18:32

Huaña, nachi ÿataqta ipacchigui da 'enapec so Jesús co'ollaq i'axata'a da 'eetec qome da nalaataguec.