Lucas 18:23 - Nuevo Testamento Toba Sur

²³ Qalaxayi se'eso shiÿaxaua co'ollaq hua'axaÿa de'eda, nachi ÿataqta daquicota, cha'ayi somayi ÿataqta sallaxanec.

Nuevo Testamento Toba Sombrero Negro

²³ Qalaĝaja ñe'me jiyaĝaua ca'li domachiya da'me dojo' qama'le totelegue, qa'a ñe'me yataqachiñe neuoyaq.

La'aqtaqa Ñim Lo'onatac 'Enauacna 2013

²³ Qalaxaye se'eso ỹale co'ollaq hua'axaỹa de'era, nache ỹataqta daquicota, cha'aye somaye ỹataqta sallaxanec.

Lucas 18:23 Referans Kwoze

1 Juan 2:15

Qaq sa ishit qome da qauauochiic ana 'alhua qataq nam 'onataxacpi mayi huetalec anamayi. Cha'ayi da huo'o ca ÿauotec ana 'alhua, nachi camayi sa ishit da ÿauotec ñi qadta'a Dios.

Lucas 21:34

Qalaxayi maxatchaxa, sa ishit qome da qadamchiguilo naua qadquiyaqchilli' souaxat ca qanamañi, qataq da qadomiilec na lataxa qataq nam laÿi nhuenecpi yi na'a'q, yaqto' que'eca na'a'q sa ishit da qami' ique'elaxa't,

Lucas 12:15

Nataq'en 'enapeco': –Maxatchaxa, qadvichiÿa'a qome 'enauac na nqopitaxanaqtaiguesat, cha'ayi da nachaalataxac ca shiÿaxaua sa ishit da ÿachigoxotagui nam saqalota lsallaxa mayi hueto'ot.

Lucas 8:14

Qaq asom nanguishi mayi tajlec som 'alhua mayi huo'o ana ÿaxat, qalaq naigui ca shiÿaxaua mayi n'axaÿaxaatega da n'aqtac. Ime, qaq jec, qaÿata'ague nachi qaÿapolec da n'aqtac souaxat da lqochoxo nam huetalec ana 'alhua, qataq dam nsallaxa, qataq dam lqopitaxanaqtaic 'enauac na chochina qauem. Qanachi sa ishit da huo'o ca alaÿaxac naq'en da n'aqtac.

Marcos 10:22

Qalaxayi somayi co'ollaq hua'axaÿa de'eda, nachi sa ÿamaqchit, nachi jec, daquigoigue, cha'ayi ÿataqta sallaxanec.

Mateo 19:22

Qalaxayi co'ollaq hua'axaÿa de'eda so nsoq, nachi ÿataqta daquico, cha'ayi somayi ÿataqta sallaxanec.

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

Efesios 5:5

Cha'ayi qami' mashi qauaÿajñi da sa ishit da inoxoneu'a ca l'onataxanaxac so Cristo qataq ñi Dios da ilo'ogue 'enauacna ca shiÿaxaua mayi ncachitapegue' aca sa ishit da lhua, huo'otaq cam i'ottac ca deshipaxanaqtaxan, huo'otaq cam quetague' da nqopitega ca ÿaqa'a (mayi 'eeta'am da qanatameetacot ca nqolac).

Lucas 19:8

Nachi so Zaqueo nachajñi, nachi 'enapega so qadataxala', 'eeta': –'Am ÿataxala', aÿim qome secolaxatchiguingui na laiñi da isallaxa. Ime, qaq sanem nam choxodaqpi. Qaq da huo'otaq huo'o ca chochi sayin co'ollaxa da secachiÿa ca 'oonolec logoxot, nachi camayi shi'iguelaxatoto caua cuatro.

Lucas 18:22

Nachi co'ollaq hua'aqchigui de'eda so Jesús, nachi 'eeta': –Huo'o da 'oonolec ña daqaptauec, 'eeta': 'Aumen qome 'enauac na 'am hueto'ot, ime, qaq 'ai'anoigui nam choxodaqpi, yaqto' huo'o ca 'adsallaxa hua'ague da piguem. Qaq qom ime, nachi 'auanac, aÿim 'auca'ategue.

Lucas 18:24

Nachi so Jesús co'ollaq ila'a somayi da ÿataqta daquicota, nachi 'enapeco': –¡Ÿataqta huo'o da lta'adaic lqalaic na sallaxanecpi da inoxoneu'a dam l'onataxanaxac ñi Dios da ilo'ogue 'enauacna!