Lucas 18:13 - Nuevo Testamento Toba Sur

¹³ Qaq som ÿacootapeeguet ana nshiitenaqte ca nta'a, qalaq nachi qaÿata'a ca hueta'a, qataq sa ishit da ÿamato'ot na piguem. Chaqdata da iuaxaalec ana ltogue, nachi 'eeta': “¡'Am ita'a Dios, aÿim 'auchoxoden qome, cha'ayi aÿim huo'oi naua sasouaxa't!”

Nuevo Testamento Toba Sombrero Negro

¹³ Qalaĝaja ñe'me lo'o da'me qoyejeten di'me Roma nach'e ua'a ga'me qaya'ta, ja nepetapela't ta'le nalo'taguet da'me yeloje'mec di'me piyem, dite da'me ye'uaĝalegue jaga'me letogue, qama'le enaac: «¡Degueja da'me yachoĝodec am Dios, 'noota qom jayem avichoĝoden, jo'ne jayem loeco lo'o!»

La'aqtaqa Ñim Lo'onatac 'Enauacna 2013

¹³ Qaq som ỹacootapeeguet ana nsheetenaqte ca nta'a, somaye qaỹata'a ca hueta'a, qataq saishet da ỹamato'ot na piguem. Chaqrata da naqchiguiñi, nache 'eeta': ‹¡'Am maye 'Aro'onatac 'Enauacna, aỹem 'auchoxoren, cha'aye aỹem huo'oi naua sasouaxa't!›

Lucas 18:13 Referans Kwoze

1 Timoteo 1:15

Qaq de'eda ÿataqta 'eesa, sa ishit da qaÿoqolguet, cha'ayi so Cristo Jesús naÿa ana 'alhua da nca'alaxateec na shiÿaxauapi 'itaxaloxoicpi. Qaq aÿim, mayi aÿim ÿacteec da aÿim 'itaxaloxoic.

Lucas 23:48

Qaq 'enauac so shiÿaxauapi mayi ÿauaachigui de'eda huaigui somayi nachi nlagaxatapec, qalaxayi ÿataqta iuaxaalguete naua ltogue da nqui'ic.

Hebreos 8:12

Qataq sapalaxat na qauemsat mayi i'ot namayipi, qataq sa ishit da seuennatapega na lasouaxashitpi.

Hechos 2:37

Nachi so shiÿaxauapi co'ollaq hua'axaÿa de'eda, nachi ÿataqta daÿalli' naua lquiyaqte. Nachi qainattac so Pedro qataq soua lÿa't namaxa'shi, qoÿiita': –Qami' qadqaÿa't, qaq nagui ¿chaq huá'ague ca shinaqtec?

Hebreos 4:16

Qaq ÿoqo'oyi ÿataqta qaica qome ca shi'oqtaique da ñoqochinaxau'a ca nso'onqa' ñim qadta'a Dios mayi soxodaic, yaqto' ñimayi ishit da qomi' ichoxode'n, qataq qomi' nqouagueque da qomi' itaua'n da huo'o ca souaqaigui qadhuenaxanaxa.

Romanos 5:8

Qalaxayi da ÿoqta ichoxot da ñi Dios qomi' ÿauoteque 'eeta': So Cristo qomi' ileualguete naq'en, nai'ctaxa da qomi' ñaq souaqtaigui da qayi'itaxaloxo.

Lucas 5:8

Qaq co'ollaq noma de'eda so Simón, nachi i'adoto naua l-llicte so Jesús. Nachi 'enapega, 'eeta': –Aÿim 'auÿojlec qome, 'am ÿataxala', cha'ayi aÿim ÿataqta aÿim ÿale 'itaxaloxoic.

2 Corintios 7:11

Qaq qami' huo'o da qadaquicoqoi mayi ÿaÿamaxadeeta ñi Dios, qaq ¡ña qauloÿa nagui dam naigui! Damayi i'ot da ÿataqta sa qauasaguiyiitac, qataq qau'axachi da naigui dam qau'ochi, qataq qami' inogoqchi't, qataq ÿauo'o da qadcolanqai. Ime, qaq ca huo'o ca qadyaqai da aÿim qanauañi'. Huaña, nachi qami' qanasapachiitelec da qauauo'oi da nhuaxanaguec cam i'ot ca qauem. Qaq 'enauac de'eda ichoxot da qami' ÿataqta qaica ca qadasouaxashichi.

Mateo 9:13

Qauesomiÿa qome, nachi qanapaxaguiñiÿa cam naigui naua ñiyigui'shi l'aqtaqa ñi Dios mayi 'eeta': “Aÿim ñishitaique da qami' qauchoxonnataxañi. Qaq sa ishit da nachida da qai'añiiuo da qaÿavigaxat ca shiguiÿac da qadachitaqtaxanaqchi.” Cha'ayi aÿim sa ishit da ñanac da seÿaxanaique nam no'on da lataxac, chaqnata nam 'itaxaloxoicpi, da yaqto' ÿaxaadeec naua n'onataxaco.

Lucas 17:12

Qaq co'ollaq ivita som naña som saq 'amaqtaq shiÿaxauapiolec, nachi i'axasoxooteguet somayi som diez shiÿaxauapi mayi nchiga na l'oc, qalaxayi nachi qaÿata'aguet somayi

Mateo 6:5

Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.

Mateo 10:3

qataq so Felipe, Bartolomé, Tomás qataq so Mateo som ÿacootapeeguet co'ollaxa ana nshiitenaqte ca nta'a; Santiago som llalec so Alfeo; qataq Alfeo da lÿa l'enaxat Tadeo;

Marcos 11:25

Qaq da huo'otaq qanqouagaxauñiitac, nachi da huo'otaq huo'o ca qanasouaxachiÿa'ai' qadÿai, qalaq camayi qauchoxoyiñi, yaqto' nataq'en ñim qadta'ai mayi neto'ot na piguem, ñimayi ishit da ÿapalaxat ca qadasouaxashichi.

Lucas 22:41

Nachi so Jesús ca'aisalo soomayi, taÿa cam qaÿata'a. Ime, nachi i'alyiñi naua l-llicte da nqouagaxauen.