Lucas 17:6 - Nuevo Testamento Toba Sur

⁶ Nachi so qadataxala' 'enapegalo' soomayi, 'eeta': –Qami' da huo'o ca qadpi'iÿaxaqui, nai'ctaxa da 'ico' lcata'amole aca ala ana l'enaxat mostaza, qalaxayi qoñiÿapega ada'ada qo'ipaq late'edai, qoñiita': “Qoca'ai ne'ena qonetaña, ime, qaq qonangui aso auaxai,” qaq ada'ada qo'ipaq ishit da qami' ÿalaxagueta.

Nuevo Testamento Toba Sombrero Negro

⁶ Joñe'me Jaliaĝanec 'yategueta jogaa'me: —Qom ami ue'tajopa da'me adepi'i, jo'ne ena'am jaga'me mostaza jala, qama'le auaqanachichi ta'le aueñiyapega jaga'me epaq: «¡Oca'e na'me oneta'ña qama'le anejoe'ña di'me noĝop let'adaic!», qama'le ami yoqocha'alo.

La'aqtaqa Ñim Lo'onatac 'Enauacna 2013

⁶ Nache So Qarataxala' 'enapegalo' soomaye, 'eeta': –Qami' da huo'o ca qarpi'iỹaxaqui, na'aictaxa da lcatam acatai' ala maye ỹataqta qapio'ole ana le'enaxat mostaza, qalaxaye ishet da qoñiỹapega ara'ara qo'oipaq late'erai, qoñiita': «Qoca'ai ne'ena qonetaña, ime, qaq qonangui aso auaxai», qaq ara'ara qo'oipaq ishet da qami' ỹalaxagueta.

Lucas 17:6 Referans Kwoze

Mateo 17:20

Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Mateo 21:21

Nachi so Jesús 'enapeco': –Ÿataqta 'eesa de'eda qami' sa'axatema, da ÿoqta 'eesa da huo'o ca qadpi'iÿaxaqui qataq sa ishit da qauqoleguetaxañi, qaq sa ishit da chaqdata de'eda so'otec ada higo da ishit da qau'ochi. Cha'ayi nataq'en ishit da qoñiÿapega aca qaÿoqotchiguemec 'alhua, qoñiita': “Qoca'ai ne'ena qonetaña, ime, qaq 'angui aso auaxai,” qaq de'eda qad'aqtaqui ÿataqta ipacchigui.

Marcos 9:23

Nachi so Jesús 'enapego' somayi, 'eeta': –Da 'aushit da 'au'amqajnataxan, cha'ayi cam da'amqajnataxan, nachi sa ishit da huo'o ca alaq.

Lucas 13:19

Damayi 'eeta'am peta'a aca ala ana l'enaxat mostaza da ca shiÿaxaua ÿacona, ime, qaq ÿaalec ca n'alhua, ime, qaq ñaxat, ivitta'a da 'eeta'am aca qo'ipaq ÿataqta late'edai. Ime, qaq anac nam maÿopi, nachi i'ot na lpata'cpi naiguilo naua lcoue.

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

Lucas 19:4

Nachi somayi hua'au nqalgoqta, cha'ayi nshitaique da ÿauatton somayi. Ime, qaq quishiguemec aso qo'ipaq late'edai mayi nangui som nqa'aic mayi huotaique da tateuga so Jesús.

Marcos 4:31

Damayi 'eeta'am aca ala ana mostaza mayi qoÿanoigui na 'alhua. Acamayi ÿataqta qapi'ole aca ala, saq 'en'am 'enauac ana laÿi nanguishi mayi huetalec ana 'alhua.

Lucas 7:13

Nachi so Jesús co'ollaq ila'a asomayi, nachi ÿataqta huo'o da lchoxonnataxanaxa, nachi 'enapega, 'eeta': –Sa ishit qome da 'anÿiitac.

Lucas 7:19

Ime, nachi ÿamaxalo so Jesús da ina't da huo'otaq somayi ÿataqta 'eesa da nachiso so nta'a mayi nca'alaxaqui mayi qaiuattaique, loqo' chaq ña qaiuattaique ca lÿa.

Lucas 17:7

Da huo'o ca 'oonolec da qoñiita da huo'o ca l-latac, qaq camayi da huo'otaq chigaqauga na n'onaxa da huo'otaq mashi imat da n'attapiguishiguem na 'alhua, huo'otaq da ilotague' cam 'atetpi, qaq ¿'am peta'a ishit da qonapega da qoneta': “'Ayala, 'anso'ooñi, ime, qaq 'auque'e?”

Mateo 14:29

Nachi so Jesús 'enapeco': –Aja', 'ayala. Nachi so Pedro huenoteeguesop aso barco, nachi petalec na 'etaxat da nqo'oneuga so Jesús.