Lucas 17:10 - Nuevo Testamento Toba Sur

¹⁰ Qaq nachi 'eetec nataq'en qami', qom mashi ivita da qaumachi 'enauac nam qami' ÿamaxalguete ñi Dios, nachi qoñiita': “Qomi' mayi qomi' nlataqa, ÿataqta qaica ca shinaxac, cha'ayi nam so'otaqtac, nachinatac na maichi qad'onatacpi.”

Nuevo Testamento Toba Sombrero Negro

¹⁰ Qama'le nach'e naq'aeta da'me ami, qom joote auomachi da'me oqui'teguelo yema ga'me jo'ne Dios ami yamaĝalo'te, 'noota ta'le aueñiyaac: «Qo'mi onataĝanaĝayaqa jo'ne qolanaqayaqa; qa'a nach'edata da'me je'etaq ga'me jo'ne qo'mi qoyamaĝalo'te.»”

La'aqtaqa Ñim Lo'onatac 'Enauacna 2013

¹⁰ Qaq nache 'eetec qami' da qaumache 'enauac nam qami' ỹamaxaleguete Ñim Lo'onatac 'Enauacna, nache saishet da qauacheetaique da qami' ỹanema ca na'achec. Nachaqrata da qoñiita': «Qomi' choche qomi' namaxa'she, nachaqrata da so'otaq qataq sepagaqtelec dam qanamaxasaguec.»

Lucas 17:10 Referans Kwoze

Romanos 11:35

Qataq ¿negue'tom ca ishit da hua'auñi da ÿauo'o ca ÿanem ñi qadataxala', da yaqto' ñimayi ishit da ÿi'iguelaxateguet camayi da ÿauo'o ca ÿanem?”

Romanos 3:12

'Enauac namayipi isomtac, qataq 'enauac daqat. Sa ishit da huo'o ca i'ot ca ÿaÿamaqchiguiñi, ÿataqta imauec da qaica.

Mateo 25:30

Qaq dam da' nlatac mayi qaica ca taiguet, damayi qauasaqaiuga na napalaxa da pa'auec. Huaña qome, nachi noÿiitac, qataq ÿataqta inaga't naua lhue da nqui'ic.”

Filemón 1:11

Ne'ena Onésimo soua lÿa't na'axa'te namayi chochi 'adlatacolec qaica ca taiguet, qalaxayi nagui namayi ÿataqta ipe'et nataq'en 'am.

Lucas 17:9

Qaq ¿peta'a ishit da 'ai'anem da 'an'achic que'eca 'adlatac qom mashi imat cam 'auamaxalec? 'A'i, sa ishit.

Lucas 17:11

Qaq co'ollaq mashi jec so Jesús da taigue da Jerusalén, nachi tajlec yim 'alhua mayi huaigui yi Samaria qataq yi Galilea.