Lucas 15:29 - Nuevo Testamento Toba Sur

²⁹ Nachi 'eetega so lta'a, 'eeta': “'Am 'auaÿateeta da mashi qalote' naua vi'iyi da 'am so'onataxaatacot, qataq sa ÿauango' da huo'otaq 'am sa salaxaguet. Qalaq sa ÿauango' da huo'otaq chochi 'oonolec ca aÿim 'ai'ami' quetaq llalec da yaqto' so'ot ca iqui'axac, da yaqto' ñiuana'ai' na ñauochaxauapi.

Nuevo Testamento Toba Sombrero Negro

²⁹ qalaĝaja 'yamaqaten, nataq'aen enapega joñe'me let'a: «Am yataqachiñe auayaten queda'me qayoĝode' gaa'me 'uoidi da'me am jo'onataĝatape'uo, qama'le nach'e eta't da'me am joqoch'a, qama'te qaya'te ua'a ta'le maqachaĝa ch'e quetaq c'oĝot ga'me jayem auanem taqae'me qaedi 'uo ga'me jalic nach'e ena'am gaa'me ñaigaĝa'u.

La'aqtaqa Ñim Lo'onatac 'Enauacna 2013

²⁹ Nache somaye 'eetega so lta'a, 'eeta': ‹'Am 'auaỹateeta da mashe qalote' naua vi'iye da 'am so'onataxaatacot, qataq sa ỹauano' da huo'otaq 'am sa salaxaguet. Qalaq sa ỹauano' da huo'otaq choche 'oonolec ca aỹem 'aỹa'anem quetaq llalec, da yaqto' so'ot ca iquia'axac da ñeuana'ai' na ñauochaxauapi.

Lucas 15:29 Referans Kwoze

Apocalipsis 3:17

Cha'ayi 'am qonetega da 'am sallaxanec qataq ÿataqta 'auaÿamaqchiguiñi, qaica ca 'aueetac. Qaq sa ishit da 'aula'a da 'am ÿataqta qaica ca 'adama'. 'Am choxodaicolec, qaica ca yi, 'am qanamaic, qataq qouetauec.

Apocalipsis 2:17

Qaq ÿoqo'oyi ca ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi aÿim sanem da chic ca nallic saq cha'a mayi chigoqo'ot ñi Dios, qataq nataq'en sami' ca coma' lapagaxaic. Qaq que'eca coma' nanettalec ca dalaxaic l'enaxat mayi sa ishit da huo'o ca ÿaÿaten, chaqcata cam ÿaconguet mayi ÿaÿaten.”

Romanos 10:3

Cha'ayi namayipi sa ishit da ÿaÿaten ca 'eetec ca lataxac da ñi Dios ishit da ÿaÿamaxadeeta ca shiÿaxaua. Chaqdata da namayipi ipactega da maichi 'eetapeguec, da yaqto' ishit da ÿaÿamaxadeeta ñimayi, qaq sa ishit da nañaneu'a dam lataxac mayi lapaxañi ñi Dios.

Romanos 7:9

Cha'ayi huo'o co'ollaxa so na'a'q da aÿim chochi ñica'altauec, qaq sa ishit da sauatton na nqataxacpi. Qalaxayi co'ollaq sauatton de'eda namaxasoxonaxac, nachi de'eda ñi'itaxaloxo nca'aleec, qaq aÿim qalaq 'ico' seleu.

Lucas 19:21

cha'ayi aÿim huo'o da icolanaxa da qoneta, cha'ayi ÿataqta 'am saqadamchigui da 'auacona ca sa 'adalamaxat, qataq da 'anqat na ala cam saq 'anguishic.”

Lucas 18:9

Qaq souaxat nam ipi'itaxaatega da no'on shiÿaxauapi qataq i'otan ca lÿa, nachi so Jesús qaltaq ÿauo'o da daloqnaxana, 'eeta':

Lucas 17:10

Qaq nachi 'eetec nataq'en qami', qom mashi ivita da qaumachi 'enauac nam qami' ÿamaxalguete ñi Dios, nachi qoñiita': “Qomi' mayi qomi' nlataqa, ÿataqta qaica ca shinaxac, cha'ayi nam so'otaqtac, nachinatac na maichi qad'onatacpi.”

Lucas 15:7

Qaq aÿim shinapec da nachi 'eetec nataq'en na hueto'ot na piguem ÿataqta huo'o qome ca lta'adaic ntonaxac, qom huo'otaq ÿaxaadeec naua n'onataxaco ca shiÿaxaua 'itaxaloxoic, qaq saq 'en'am cam noventa y nueve no'on shiÿaxauapi mayi sa iuen da ca'aisalo naua n'onataxaco.

Mateo 20:12

qoÿiita': “Se'eso pa'ateecpi chochi cada'acolec da do'onataxan, qalaq 'am 'eeta'am 'anqa'en añi qadashiue da 'aushiiten. Qamaq qomi' imauec so na'a'q da ñique'etaxanaqchigui so ntap da so'onataxanaqtac.”

Romanos 3:27

Qaq ÿoqo'oyi ¿huá'ague ca taigue que'eca n'amqajnaxac na shiÿaxauapi? Qomyi camayi qaipa'axanauec. Qaq ¿chaq tá'ainco' yi qaipa'axanauec? Cha'ayi da qaipacchigui na 'enapecpi na nqataxacpi, nachi i'ot da 'amqajnaxac, qaq dam npi'iÿaxac qalaxayi sa ishit.

Romanos 3:20

Cha'ayi qaica ca ishit da ÿaÿamaxadeeta ñi Dios souaxat da i'ottac nam damaxasoxoolec na nqataxacpi, cha'ayi ne'ena nqataxacpi, namayipi chaqdata da i'ot da qomi' ÿaÿajnaxanaxanque da qomi' huo'o cam qadasouaxashit.

Lucas 15:28

Qalaxayi som lqaÿa ÿi dalemata, nachi sa ishit da pa'auo. Qaq ÿoqo'oyi so lta'a nachi nqo'oneuga, nachoxodeetacot da pa'auo.

Lucas 15:30

Qaq nagui da nvi' da 'ai'alec mayi chochi ÿaqataqchit aso 'om souaxat ana quishiguetaxai, nachi 'aualaataxanem, 'aualauat so huaca llalec mayi chaxadaic.”