Lucas 15:24 - Nuevo Testamento Toba Sur

²⁴ Cha'ayi de'eda ÿalcolec damayi mashi saqca, qalaxayi qaltaq nca'aleec. Damayi daqat, qalaxayi mashi sanataxa.” Nachi qai'ot se'eso n'ashaxac.

Nuevo Testamento Toba Sombrero Negro

²⁴ Qa'a jenjo' yalec ena'am ta'le yeleu mañaĝa qama'te 'niyelaĝa da'me lec'alaĝa; te'me yejomac mañaĝa, qalaĝaja yitaĝa jauanaĝa.» Qama'le jogaa'me yauote ga'me neualaĝayaĝac.

La'aqtaqa Ñim Lo'onatac 'Enauacna 2013

²⁴ Cha'aye de'era ỹalcolec, damaye mashe saqca, qalaxaye qaltaq nca'alec. Damaye deqat, qalaxaye mashe sanataxa.› Nache qaỹo'ot se'eso tonaxac.

Lucas 15:24 Referans Kwoze

Efesios 2:5

nachi qomi' ÿanema da qadca'alaxaua naq'en so Cristo, nai'ctaxa da ñaq souaqtaigui co'ollaxa da 'ico' qomi' leuaxaiqa souaxat na qadasouaxashitpi. Qaq damayi maichi chigoqchigui da lqouagaxanaqtaic ñi Dios da huo'o mshi qami' nca'alaxatreec.

Colosenses 2:13

Cha'ayi qami' co'ollaxa soua ÿoxoguelo vi'iyi, qalaq 'eeta'am da qami' leuaxaiqa, souaxat na qadasouaxashichi, qataq souaxat da sa ishit da qaÿauo'o ca qan'anaxachi. Qalaxayi nagui ñi Dios qami' ÿanema da qadca'alaxauai naq'en so Cristo, qaq nachi ÿapalaxat 'enauac na qadasouaxashichi.

Lucas 19:10

Cha'ayi ne'ena shiÿaxaua llalec, namayi anac da nmitaique qataq nca'alaxateec nam shiÿaxauapi mayi isomtac.

Efesios 2:1

Ñi Dios qami' ÿanema da qadca'alaxauai naq'en so Cristo co'ollaq qami' ñaq qoviitaigui da 'ico' qadleuaqai, souaxat nam sa ÿaÿamaxañisat qataq nam qadasouaxashichi

Lucas 15:4

–Da huo'o ca 'oonolec da qoñiita da huo'o aca cien lalopi qagueta, qaq isomapec aca 'oonole acamayipi, qaq ¿peta'a sa ishito' da n'onaxatchigui aca noventa y nueve da n'onaxatalec ca n'onaxa, ime, qaq nmitaique aso isomapec, chochi ivitta'a da ÿanata?

Lucas 15:32

Qalaxayi nagui no'on da so'otaq ca qadqui'axac da ñitonaqpigui'. Cha'ayi ñi 'adqaÿa, ñimayi mashi saqca, qalaxayi qaltaq nca'aleec; ñimayi daqat, qalaxayi mashi sanataxa.”

Romanos 6:11

Qaq ÿoqo'oyi nataq'en da qoñiita qoquiÿa'ai qome na nasouaxashitpi, nachi 'eeta'am qanqashiñi da 'ico' mashi qami' leuaxaiqa. Cha'ayi da qanachaalataxaqui lalamaxat qanqashiñi ñi Dios, cha'ayi mashi qoviito'ot so Cristo Jesús som qadataxala'.

Romanos 8:2

Cha'ayi dam l'añaxac so Espíritu mayi ÿan da achaalataxac, damayi aÿim huesoueguesop naq'en da l'añaxac da ñi'itaxaloxo qataq da nleuaxa, chigoqchigui naq'en da mashi qan'attau'a so Cristo Jesús.

Romanos 12:15

Qataq qauamaitapegue' cam matapec, qataq qannoinaxauai cam noÿiitapec.

Juan 11:25

Nachi so Jesús 'enapego' asomayi, 'eeta': –Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec.

Efesios 5:14

Qaq ÿoqo'oyi dam n'aqtac 'eeta': 'Am mayi 'au'ochita, ña 'anlouec; qoñishiguem, qoca'ai nam leuaxaicpi, qaq so Cristo nachi 'am icoÿadelec.

1 Corintios 12:26

Qaq ÿoqo'oyi da huo'o ca pa'aigue ne'ena nogoxoshitpi da huo'o ca iuet, nachi 'enauac na laÿipi daÿalli. Qaq da huo'o ca pa'aigue da ÿataqta qaÿi'oxoden, nachi 'enauac na laÿipi ntootapigui'.

1 Timoteo 5:6

Qalaxayi aca pa'ai da nañanguet da sa ntel-la't, 'eeso'yi da ña nca'altauec, qalaxayi mashi 'ico' da ileu.

Romanos 11:15

Cha'ayi de'eda 'eetec na judiopi da qaimaqhuec, nachi chigoqchigui da ishit da 'enauac nam shiÿaxauapi mayi huetalec ana 'alhua ishit da nmane' ñi Dios, qaq ¡táloxochiyictoxo' da saq ÿacteec qom ivita da qaÿaconguet namayipi! Ÿataqta 'eeta'am ca nca'aleec da chigoqtoigui na leuaxaicpi.

Romanos 6:13

Qataq sa ishit qome da qai'añiim da qad'oquiaxaqui dam 'onataxac da yaqto' i'onataxanaxanec cam sa ÿaÿamaxañi. Chaqdata da qami' qanañañiÿot ñi Dios, qalaxayi qoñiita'am ca shiÿaxaua da mashi ileu qaltaq ÿi'iguelaxalec da nca'aleec. Qaq qai'añiÿot qome ñi Dios 'enauac da qad'oquiaxaqui, da yaqto' ñimayi do'onataxana da i'ot ca ÿaÿamaqchiguiñi.

Juan 5:21

Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Marcos 8:22

Qaq co'ollaq ivilda yi Betsaida, nachi qanauegueu'a so Jesús so qanamaic, nachi qanachoxodeetot somayi, da yaqto' ÿashil-lec.

Apocalipsis 3:1

Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Sardes. Qoneta': “'Eeta' da l'aqtac nam lasoqta'a so siete saq cha'api mayi chigoqo'ot ñi Dios qataq soua siete huaqajñi: Aÿim saÿaten 'enauac nam 'au'ottacpi, qataq saÿaten da 'am leuaxaic, nai'ctaxa da huo'o da 'an'aqtaguec da 'am 'anca'altauec.

Judas 1:12

Namayipi ÿataqta i'ot da n'agaxa da ÿalectaigui na qadqui'axaqui da ñi 'oonolec da qoñiita nhuana'ai' ca lqaÿa. Nachi namayipi ÿalectauo da deque'etac qataq nÿomtac, ÿataqta machiguiñi qataq ÿataqta qaica ca l'agaxa. Namayipi 'eeta'am ca nataxala' da maichi nteltapeguela't, qataq 'eeta'am ca l'oc mayi saq chigoxoigui ca 'etaxat, chochi ÿachitac na l'at, qataq 'eeta'am aca qo'ipaq mayi qaca ana ala da ivita ca laloqo', ÿataqta daqaqta da ivita da qanqat.

Lucas 10:19

Aÿim qami' sanema da n'añaxac, da yaqto' qauapiigui na n'adaxanaqpi qataq na pelaqtoitpi, qataq yaqto' ishit da qanaloÿa'aguet 'enauac da l'añaxac ca depa'aguenataxaatac, qaq sa ishit da qami' qaique'emaqchi't.

Mateo 8:22

Nachi so Jesús 'enapeco': –Aÿim 'auca'ategue, 'au'axaÿa'a nam 'ico' leuaxaicpi da ña ilayiñi nam lqatacpi.

Lucas 9:60

Qalaxayi so Jesús 'enapeco': –Ña 'au'axaÿa'a nam 'ico' leuaxaicpi da ilayiñi nam lqatacpi. 'Am, qalaxayi qojec, 'au'axateec da ñi Dios nachiñi ñi ilo'ogue 'enauacna.

Lucas 15:23

Ime, qaq qanaviquiiuo ca ÿataqta chaxadaic huaca llalec, nachi qaualauachi. Ime, qaq ¡sequi'aq, so'otaq ca qad'ashaxac!

Lucas 15:25

Qaq ñaq huetauga na n'onaxa so ÿi llalec, qaq co'ollaq mashi ñi'iguelaxauo, nachi mashi nayiitau'a so lma', nachi hua'axaÿapegueu'a aso nviquepi qataq so dasottega'tpi.