Lucas 14:24 - Nuevo Testamento Toba Sur

²⁴ Cha'ayi aÿim shinapec da sa ishit qome da huo'o ca chic da anoq 'enauac nam hua'auchiguiñi secoyiguenpi mayi sauotaique da ñiuaxanaxaua.”

Nuevo Testamento Toba Sombrero Negro

²⁴ Qa'a ami ja'aĝatema queda'me qaya'te onolec ga'me te'me 'uaediñe qonepoda'tape ta'le yaqanate't uedaue ga'me niqui'yaĝac.»

La'aqtaqa Ñim Lo'onatac 'Enauacna 2013

²⁴ Qalaxaye saishet da iquia'axaua 'enauac nam hua'auchiguiñi da secoyeguenpi.»

Lucas 14:24 Referans Kwoze

Mateo 21:43

Qaq ÿoqo'oyi qami' shinapegalo da de'eda l'onataxanaxac ñi Dios da ilo'ogue 'enauacna, damayi qami' qanqateeguesopa qome. Nachi damayi qoÿami' ca shiÿaxauapi mayi ÿoqta ipacchigui cam alaÿaxac mayi taiguet de'eda l'onataxanaxac.

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Mateo 22:8

Ime, nachi somayi 'enapega so lamaxashicpi, 'eeta': “Da nadonaxac mashi sogote da 'enauac imetai', qalaxayi nam temaq huanaxauapi saq taiguet da ÿalectauo.

Juan 8:24

Qaq ÿoqo'oyi aÿim shinapec da qami' qaulliviitañito qome naua qadasouaxashi'chilli'. Cha'ayi da sa ishit da qau'amaqchiñi da aÿim mayi nachaÿimta, nachi qami' qaulliviitañito naua qadasouaxashi'chilli'.

Juan 3:19

Nam sa ishit da da'amqajnataxan, nachi qaÿauo'o ca nhuaxanaguec. Cha'ayi co'ollaq anac som yi'oqchiguiñi da anaÿa ana 'alhua, qalaq namayipi ÿagaqnauec da lqopichi na napalaxa, cha'ayi namayipi i'otta'pe naua qauema.

Juan 8:21

So Jesús qaltaq ÿi'iguelaxalec da detaqa, 'eeta': –Aÿim ashic, qaq qami' qome aÿim qanmichiitaique, qalaxayi qami' qaulliviitañito qome naua qadasouaxashi'chilli'. Cha'ayi cam aÿim sataigue, qalaq qami' sa ishit da qauañoxochi da qaviyiÿa'a.

Lucas 14:23

Nachi so 'aco' 'enapega so l-latac, 'eeta': “Qojec, 'anqo'oneugalo qome naua nqa'aico lta'al qataq naua nqa'aicolqa. Ime, qaq 'anauecauo na laÿipi da yaqto' nnoxoneuo, yaqto' ishit da nlaqchigui na ima'.

Lucas 14:25

Qaq ÿataqta qalota so shiÿaxauapi mayi quetague' so Jesús, nachi somayi nqoileeguet somayipi. Nachi 'enapega, 'eeta':