Lucas 14:11 - Nuevo Testamento Toba Sur

¹¹ Cha'ayi ca nshitaique da n'amaqten, qaq nachica ca saq 'amaqtaq qanqoÿin, qaq cam sa n'amaqten, qaq nachica ca 'amaqtaq qanqoÿin.

Nuevo Testamento Toba Sombrero Negro

¹¹ Qa'a ga'me jo'ne mach'ega da'me ni'yoĝodela't, nach'ega qamqa'me qaya'te ni'yoĝodenataguec qom'te; nataq'aen ga'me jo'ne ja ni'yoĝodela't, nach'ega jo'ne Dios yi'yoĝoden qom'te.

La'aqtaqa Ñim Lo'onatac 'Enauacna 2013

¹¹ Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Lucas 14:11 Referans Kwoze

Lucas 18:14

Qaq aÿim shinapec da se'eso shiÿaxaua co'ollaq ÿi'iguelaxa ca lma', qalaq ÿataqta ÿaÿamaxadeeta ñi Dios, qaq sa ishit da 'eeta'am so fariseo. Cha'ayi ca maichi n'amaqten, qaq nachica cam qaica ca l'amaqchic qanqoÿin; qaq cam sa n'amaqten, qalaq nachica cam 'amaqtaq qanqoÿin.

Mateo 23:12

Cha'ayi cam maichi n'amaqteetac, qaq nachica qome ca qaica ca l'amaqchic qanqoÿin. Cha'ayi cam sa n'amaqten, qaq nachica qome ca 'amaqtaq qanqoÿin.

Santiago 4:6

Qalaxayi ñi Dios ÿacteec da lqouagaxanaqtaic da qomi' itaua'n. Cha'ayi ana'ana ñiyiguishi 'eeta': “Ñi Dios nachaata'aguet ca n'amqajnaxaic, qalaxayi nqouaguec da itauan ca ÿataqta sa n'amaqten.”

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

Santiago 4:10

Sa ishit da qan'amaqchiñiito'ot ñi qadataxala' Dios, yaqto' ñimayi qami' nauaxaÿaxaayishigue'm da qami' ÿi'oxoda'q naq'en.

Lucas 1:51

Qataq ñimayi ÿataqta qaica ca 'en'am da l'amaqchic da i'ot, cha'ayi loxonec 'enauac na ñi'oxonnaxaicpi.

Lucas 1:52

Qataq nam 'añaxaicpi ca'aisalo naq'en naua l'onataxanaxaco, qaq nam choxodaqpi qalaq nauaxaÿaxaashiguem.

Lucas 14:12

Nataq'en 'enapega som shiÿaxaua mayi dequi'axanataxan, 'eeta': –Da ivita da huo'o ca 'ai'an nallic huo'otaq camachaqca npetaxanaxatolec, qalaq sa ishit qome da 'auqui'axan ca 'anauochaxaua qataq ca 'adqaÿa huo'otaq ca camachaqca 'adhuo' l'ec huo'otaq na 'adhuodeuapi sallaxanecpi, cha'ayi namayipi ishit da qaltaq 'am qaÿi'iguelaxateguet da 'am qaiqui'axan, huaña, qaq huo'o da 'anshiitenaguec.

Santiago 1:9

Ca qadqaÿa da huo'otaq choxodaq, camayi no'on da ÿataqta machiguiñi qom ivita ca na'a'q da Dios nauaxaÿaxaashiguem.

1 Pedro 5:6

Qaq ÿoqo'oyi sa ishit qome da qan'amaqchiñi, ÿataqta qanañañiÿot da lhuaqÿaxac ñi Dios mayi qaica ca ÿaqalanapec, da yaqto' ñimayi qami' nauaxaÿaxaayishigue'm qom ivita ca na'a'q mayi laloqnec.