Biblia Todo Logo
Bib sou entènèt

- Piblisite -




Lucas 13:34 - Nuevo Testamento Toba Sur

34 ¡Aicoue qami' mayi qoñiitaña yi Jerusalén mayi qaualauachi som l'aqtaxanaxanecpi ñi Dios, qataq qauasaqaitalec na coma' som lamaxashicpi mayi qami' namaxalo! ¡Ÿataqta da iyaxacnaxa da llaÿona't na 'ai'alaqpi, da shiita'am aca 'olgaxa da nqapaxaalec ca llalaqpiolec, qalaq qami' sa ishit da qanashiñi!

Gade chapit la Kopi

Nuevo Testamento Toba Sombrero Negro

34 “¡Ami Jerusalén laje', jo'ne aualachi' dia'me Dios 'laqataĝanaĝanaqa nataq'aen auajaĝayique ga'me qadipi dia'me aqataĝanaĝayaqa jo'ne Dios ami namaĝalo! ¡Nach'eda da'me jetaque ami jemata'a't, ena'am jaga'me olegaĝa yapetetapega't gaa'me c'oqo'tolqa yacho'oto ga'me laua, qalaĝaja ami ja a'uamaqachiñe!

Gade chapit la Kopi

La'aqtaqa Ñim Lo'onatac 'Enauacna 2013

34 ¡Ỹataqta qauem da qauo'oche qami' maye qoñiitaña ye Jerusalén, cha'aye qaualauache som la'aqtaxanaxanecpi Ñim Lo'onatac 'Enauacna, qataq qauasaqaitalec na coma' som lamaxashecpi maye qami' namaxalo Ñimaye! ¡Ỹataqta huo'o naxa da iyaxa da llaỹona't na 'aỹa'alaqpi, da sheeta'am aca 'olgaxa da nqapaxaalec ca llalaqpiolec, qalaq qami' saishet da qanashiñi!

Gade chapit la Kopi




Lucas 13:34
46 Referans Kwoze  

Cha'ayi ¿chaq négue'to' cam l'aqtaxanaxanec ñi Dios da huo'otaq sa iuaxan som hua'au qadta'aipi? Cha'ayi somayipi nachi ÿalauat co'ollaxa som hua'auchiguiñi da i'axatta'aguet da lvidaxac som shiÿaxaua mayi no'on da lataxac. Qaq somayi co'ollaq nvi', nachi qami' qauacoñiu'a, nachi qaualauachi.


Nachi so Jesús nqoileeguet asomayipi, nachi 'enapega, 'eeta': –Qami' 'alpi mayi qadmayi na Jerusalén, sa ishit qome da aÿim qanoÿiñiilec. Chaqdata qome da maichi qanoÿiñiila't, qataq qanoÿiñiilec na qai'alquiipi.


Nachi qami' ÿamaxagueta ana 'alhua. Ime, qaq ÿalauat nam netalec na qadmayi, qataq sa ishit da huo'o ca nachattañi naq'en na coma'pi, cha'ayi qami' sa qauauattoñi na laloxoqui da qami' namaqtegalo ñi Dios.


qataq so laÿipi ÿaconeu'a so lamaxashicpi so nta'a, nachi iuaxaatac, chochi ivitta'a da ÿalauat.


Nachi ÿamaq so lamaxashicpi da icoyiguen 'enauac so lqui'axauapi. Qalaxayi somayipi sa ishit da huo'o ca anac.


Nachi da l'oquiaxa'c soomayi qaÿachitrangui na laiñi so nqa'aic yim lta'adaic la ciudad mayi huaña co'ollaq qaiuaxanguet so qo'ipaq so qadataxala', yim chochi qaÿamata'ac da l'enaxat Sodoma qataq Egipto.


Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.


Qaq co'ollaq ña qaÿasaqtalec so Esteban, nachi somayi nqouagaxaueetac, 'eeta': –'Am ÿataxala' Jesús, 'auaconguet qome ñi shicapegue' iqui'i.


Qalaxayi som lqaÿa ÿi dalemata, nachi sa ishit da pa'auo. Qaq ÿoqo'oyi so lta'a nachi nqo'oneuga, nachoxodeetacot da pa'auo.


Swiv nou:

Piblisite


Piblisite