Lucas 13:19 - Nuevo Testamento Toba Sur

¹⁹ Damayi 'eeta'am peta'a aca ala ana l'enaxat mostaza da ca shiÿaxaua ÿacona, ime, qaq ÿaalec ca n'alhua, ime, qaq ñaxat, ivitta'a da 'eeta'am aca qo'ipaq ÿataqta late'edai. Ime, qaq anac nam maÿopi, nachi i'ot na lpata'cpi naiguilo naua lcoue.

Nuevo Testamento Toba Sombrero Negro

¹⁹ yataqachiñe ena'am jaga'me mostaza jala jo'ne ga'me jiyaĝaua yaalegue ga'me lanaĝanaqa', nataq'aen nale nichiquetajeguem chayovida'a ena'am jaga'me epaq lat'edai, qama'le ga'me mayodipi yauo'oe naa'me pataque'te jo'ne yanayelo gaa'me lepeel.”

La'aqtaqa Ñim Lo'onatac 'Enauacna 2013

¹⁹ Damaye, 'eeta'am aca ala ana le'enaxat mostaza da ca shiỹaxaua ỹacona, ime, qaq ỹaalec ca na'alhua, ime, qaq ñaxat, ivitta'a da 'eeta'am aca qo'oipaq ỹataqta late'erai. Ime, qaq anac nam maỹopi, nache ỹo'ot na lpata'cpi ỹanaguilo naua lcoue.

Lucas 13:19 Referans Kwoze

Hechos 4:4

Qalaxayi ÿataqta qalota na shiÿaxauapi nam n'axaÿaxaatega se'eso n'aqtaxanaxac na da'amqajnataxan. Qaq yim lcata so dalaxaic da'amqajnataxan huac da ivi' ca cinco mil ndoteec na ÿallippi.

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

Hechos 21:20

Qaq can ime da qai'aqchigui 'enauac de'eda, nachi ÿataqta qaÿi'oxodeetac ñi Dios. Ime, nachi qoÿiitega so Pablo, qoÿiita': –Hua', 'am qadqaÿa, qalaxayi 'am mashi 'auaÿaten da na judiopi ÿataqta qalota na da'amqajnataxan. Qaq namayipi ÿataqta ipactega da qaipactelec da qanayiigue 'enauac nam lqataxacpi so Moisés.

Mateo 17:20

Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Apocalipsis 11:15

Nachi so pa'ateec soua siete namaxa'shi, somayi ÿashiiyigui aso lashiide. Nachi qai'axaÿa so lta'adaic nvilÿaxacpi mayi chimqot na piguem, 'eeta': Da l'onataxanaxac na nta'alpi da ilo'ogue nam huetalec ana 'alhua, damayi nagui lalamaxat ñi qadataxala' qataq som namaq nta'a qadca'alaxaqui; nachi somayi chochi tateec nagui da ilo'ogue 'enauac namayipi.

Romanos 15:19

qataq da l'añaxac na n'anecpi qataq nam sa qaÿauanapegapi qataq da l'añaxac so Espíritu Santo. Qaq 'eda da 'eetec da aÿim sematta da sa'axat da n'aqtac mayi n'aqtaguec so Cristo dam chigaqaigui da nca'alaxa, sachigoqchiguiña yi Jerusalén qataq 'enauaque naua 'ale'u, chochi sovitta'a yi Iliria.

Lucas 17:6

Nachi so qadataxala' 'enapegalo' soomayi, 'eeta': –Qami' da huo'o ca qadpi'iÿaxaqui, nai'ctaxa da 'ico' lcata'amole aca ala ana l'enaxat mostaza, qalaxayi qoñiÿapega ada'ada qo'ipaq late'edai, qoñiita': “Qoca'ai ne'ena qonetaña, ime, qaq qonangui aso auaxai,” qaq ada'ada qo'ipaq ishit da qami' ÿalaxagueta.

Marcos 4:30

So Jesús nataq'en 'enapeco': –¿Negue'tom ca 'eeta'am ñaq'enaq da l'onataxanaxac ñi Dios da ilo'ogue 'enauacna? qataq ¿negue'tom ca ishit da saloqnaxanaxa?