Lucas 12:31 - Nuevo Testamento Toba Sur

³¹ Qalaxayi qami' qauamachiu'a qome da l'onataxanaxac ñi Dios da ilo'ogue 'enauacna, yaqto' ishit da qami' taÿoto 'enauac namayipi.

Nuevo Testamento Toba Sombrero Negro

³¹ P'ajaye 'noota, aueloyitaque da'me lejaliaĝa joñe'me, qama'le nach'e ena'am ami qoyanema ena'uaque naajo' uo'oe.

La'aqtaqa Ñim Lo'onatac 'Enauacna 2013

³¹ Qalaxaye dam ỹataqta ỹaỹamaqchiguiñi 'eeta': qauauattoñiita da Ñim Lo'onatac 'Enauacna nacheñita 'oonolec Nta'a. Qaq 'enauac na laỹepi maye qaviñiitac Ñimaye qami' ỹanema da ivita ca laloqo' naqa'en.

Lucas 12:31 Referans Kwoze

Mateo 6:33

Qaq ÿoqo'oyi qami' ÿataqta ÿacteec qome da qadqochoqoi dam l'onataxanaxac ñi Dios da ilo'ogue 'enauacna, qataq da qau'ochi cam 'eetapeguec ñimayi, nachi ishit da qauacoñiiguet nataq'en 'enauac ne'enapi.

Hebreos 13:5

Qataq sa ishit qome da qanmichiita'ai añi plata; chaqdata da qantoñiitapeguec cam huo'o. Cha'ayi ñi Dios 'eeta': “Sa ishit da 'am seÿoteec, qataq sa ishit da 'am salat.”

1 Timoteo 4:8

Cha'ayi ca shiÿaxaua da ñi'igueeteguela't da sa desalli naq'en na l'oc, nataq'en cada'acolec da huo'o da naigui. Qalaxayi da qanpa'ataxadeelec da qad'amqajnataxanaxac ñi Dios, ÿataqta huo'o naq naigui. Cha'ayi ÿataqta naigui da 'achiquiaxac da achaalataxac nagui, nataq'en cam ñaq natauo.

Juan 6:27

Sa ishit qome da qau'onataxañiitapeguelec cam nallic mayi taÿa'a da imeuo, chaqcata cam nallic mayi sa ishit da imeuo, qataq chigaqaigui ca nca'alaxa mayi chochaq tateec. Qaq 'eca cam nallic mayi qami' ÿanema qome na shiÿaxaua llalec. Cha'ayi ñi lta'a Dios nachina na ÿicchigui da ÿaÿamaxadeeta.

Romanos 8:31

Qaq ÿoqo'oyi ¿chaq huá'ague ca 'eetec ca qad'aqtac de'eda? Da huo'otaq qomi' hueta'agueta ñi Dios, nachi ¿négue't ca ishit da qomi' npa'agueneto? ¡Qomyi qaica!

Lucas 10:42

Qalaxayi 'oonolec dam ÿacteec da qaiuen. Añi María ÿataqta 'onaxaic dam tateu'a, qaq damayi qaica ca ishit da nqat.

Lucas 12:30

Cha'ayi nam shiÿaxauapi mayi huetalec ana 'alhua, nachina 'enauac nam nmittaique. Qalaxayi qami' huo'o ñi qadta'ai, qaq ñimayi ÿaÿaten da qaviñiitac 'enauac namayipi.