Lucas 12:17 - Nuevo Testamento Toba Sur

¹⁷ Nachi so sallaxanec deuennataxaatac, 'eeta': “¿Chaq huá'ago' nagui ca shiitec?, yi aÿim qaica cam sacha'ague da saÿamaxat nam ñaqat ala na ÿanguishic.”

Nuevo Testamento Toba Sombrero Negro

¹⁷ Joñe'me neuoyaq male ya'uo da'me lelnataĝac: «¿Jach'e ga'me 'noota ta'le ja'uo? Qa'a qaya'te 'lachaqa' ta'le jiyamaĝat da'me yaqataĝanaĝac.»

La'aqtaqa Ñim Lo'onatac 'Enauacna 2013

¹⁷ Nache so sallaxanec deuennataxaatac, 'eeta': ‹¿Chaq hua'ago' nagui ca sheetec? Ye aỹem qaica cam sacha'ague da saỹamaxat nam ñeqat ala na ỹañiguishec.›

Lucas 12:17 Referans Kwoze

Mateo 5:42

Qataq da huo'o ca 'am iÿaxanot, qalaq 'ai'anem cam iÿaxanaique. Qataq sa ishit da 'avi'iguelaxatteec da huo'otaq huo'o ca 'am da'aalaxaatacot.

1 Juan 3:16

Qaq saÿajnaqta da 'eetec da nauotaxanaqtaic, cha'ayi so Jesucristo qomi' ÿapaxaguenque co'ollaq ÿan da nachaalataxac da qomi' ileualguete. Qaq ÿoqo'oyi nataq'en qomi' sanaq da qanachaalataxac da ñañanaxalec na qadqaÿañicpi.

Romanos 12:13

Qataq qautauañi ca qad'amqajnataxanaxauai da huo'o ca lhuenaxanaxa, qataq ÿataqta qauloÿiguet ca qanamaxasoxoiqui.

Hechos 16:30

Ime, nachi nqatreec soomayi, nachi inatta'pe, 'eeta': –Qami' ÿaqaÿa't, ¿chaq huá'ague ca shiitec, da yaqto' aÿim qanca'alaxateec?

Lucas 19:17

Nachi so nta'a 'enapeco': “Aja', no'on, ÿaÿamaqchiguiñi, ÿataqta 'am no'on nlatac. Qaq cha'ayi ÿataqta 'aupactelec da 'au'ot dam saq 'amaqtaq mayi 'am qaipataxalec, qaq nagui sanagui da 'am nta'a da 'aulo'oguelo caua diez puebloyi.”

Lucas 18:22

Nachi co'ollaq hua'aqchigui de'eda so Jesús, nachi 'eeta': –Huo'o da 'oonolec ña daqaptauec, 'eeta': 'Aumen qome 'enauac na 'am hueto'ot, ime, qaq 'ai'anoigui nam choxodaqpi, yaqto' huo'o ca 'adsallaxa hua'ague da piguem. Qaq qom ime, nachi 'auanac, aÿim 'auca'ategue.

Lucas 16:9

Qaq ÿoqo'oyi qami' saqatalo da qau'onataxañiÿa dam lsallaxa na shiÿaxauapi mayi i'otta'pe naua qauema, da yaqto' huo'o ca qanauochaxauai, yaqto' qom ivita da imeuo da nsallaxa, qa nachi ishit da huo'o ca qami' ÿacongueta cam nma' mayi chochaq tateec da piguem.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

Hechos 2:37

Nachi so shiÿaxauapi co'ollaq hua'axaÿa de'eda, nachi ÿataqta daÿalli' naua lquiyaqte. Nachi qainattac so Pedro qataq soua lÿa't namaxa'shi, qoÿiita': –Qami' qadqaÿa't, qaq nagui ¿chaq huá'ague ca shinaqtec?

Lucas 16:3

Nachi se'eso ilotague' so nma' deuennataxaatac, 'eeta': “¿Chaq hua'agom ca shiitec nagui, cha'ayi ñi ñi'aco' sa ishit da ÿauo'o ca i'onatac? Yi aÿim qaica ca i'añaxac da so'onataxan na 'alhua, qataq ÿataqta huo'o da icoxo da chochi sashilaxaatac.

Lucas 12:33

Qaq qaumiñi qome na qami' hueto'oto. Ime, qaq qai'añiim nam deuenaxaatapigui'. Ime, qaq qau'ochi cam qadchoxonaxaquii mayi sa ishit da lto qataq ca nsallaxa hueta'ague da piguem mayi sa ishit da imeuo, qataq sa ishit da inoxoneu'a cam cachaxaic, qataq sa ishit da chic ca lalaxat.

Lucas 12:29

Qaq ÿoqo'oyi sa ishit qome da qami' ÿaquicoqchi't da huo'otaq qanmichiitaique cam qonoqoi qataq cam qanÿomiigui.

Lucas 12:22

Qaq co'ollaq ime, nachi so Jesús 'enapega som lapaxaguenatacpi, 'eeta': –Nagui qami' shinapegalo: Sa ishit qome da qami' ÿaquicoqchi't cam qonoqoi qataq cam qanapoiña.

Lucas 11:41

Qaq ÿoqo'oyi qami' da qauachitaqtaxañi, qalaq qai'añi cam huetangui ca qadqui'axaquii, qaq yaqto' 'enauac da qui'itta camayi.

Lucas 10:25

Nachi nachajñi som dapaxaguenataxaatapeguec na nqataxacpi da nqo'oneu'a so Jesús da detaxaÿapegue' da chochi ÿi'iguen. Nachi inat, 'eeta': –'Am mayi 'auapaxaguenataxaatac, ¿chaq huá'ague ca shiitec da yaqto' ishit da senoxoneu'a cam nca'alaxa mayi chochi tateec?

Lucas 3:11

Nachi so Juan 'enapeco': –Qomyi ca dos caua l-lomaxaqui', qalaq ÿanem ca 'oonolec cam qaica ca l-lomaxaqui, qataq cam huo'o ca aloq, qalaq ÿachit cam qaica ca aloq.

Mateo 16:7

Nachi soua lapaxaguenataqa deuennataxaata'pe co'ollaxa, 'eetra': –Peta'a souaxat da qomi' sa ishit da ñachoq aca pan.

Lucas 12:16

Huaña, nachi huo'o da daloqnaxana, 'eeta': –Huo'o so shiÿaxaua ÿataqta sallaxanec, so do'onataxaatapeguelec 'alhua ÿataqta saqalota naq'en ana ala so languishic co'ollaq nqat.

Lucas 12:18

Qaq deuennataxaatac, nachi 'eeta': “Shiita' nagui da 'eetec dam so'ot. Nagui aÿim ñilaxajñi ñim laponaxaqui na ala na ÿanguishic, da yaqto' so'ot ca lÿa ÿacteec da lta'adaic ñaqshin. Qaq qom ime, qaq soxotoigui 'enauac nam ala na ÿanguishic mayi ñaqat, nataq'en 'enauac nam aÿim hueto'ot.