Lucas 11:9 - Nuevo Testamento Toba Sur

⁹ Qaq ÿoqo'oyi qami' shinapegalo nagui: Qauÿaxañi, qaq yi ñi Dios qami' ÿanema cam qauÿaxañiitaique; qaumitaxañi, yaqto' qauanachiÿa cam qanmichiitaique; qautoqñiu'a ca lasom, yaqto' qami' qanauategueta.

Nuevo Testamento Toba Sombrero Negro

⁹ “Chane'eja ami ja'aĝatema: auajelaĝañiyot ñe'me Dios, qama'le ami qoyanema qomle; anec'achiya joñe'me qaedi anemichiyaque ga'me auoviñetaque, qama'le auejomiyalegue qomle; auajoyiya'uet ga'me jom da'me aviyaĝañiya'uo, qama'le ami qo'youategueta qomle.

La'aqtaqa Ñim Lo'onatac 'Enauacna 2013

⁹ Ỹoqo'oye qami' shenapegalo nagui: Qauỹaxañiỹot Ñim Lo'onatac 'Enauacna, qaq Ñimaye qami' ỹanema cam qauỹaxañiitaique, qautaqỹapegue' Ñimaye, nache qauanachiỹa cam qanmichiitaique, qautoqñiiua'a ca lasom, yaqto' qami' qanauategueta.

Lucas 11:9 Referans Kwoze

Marcos 11:24

Qaq ÿoqo'oyi qami' shinapegalo da 'enauac nam qauÿaxañiÿaique da qanqouagaxauñiitac, da huo'otaq ÿataqta qau'amaqchiñi da qauacoñiiguet, nachi ishit da ipacchigui.

Mateo 21:22

Qataq 'enauac nam qami' qauÿaxañiÿaique da qanqouagaxauñiitac, da ÿataqta qau'amaqchiñi, nachi ishit da qauacoñiiguet.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 15:7

Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Juan 14:13

Qaq 'enauac qome nam qauÿaxañiÿaique da qoviilec da i'enaxat, nachi aÿim so'ot, yaqto' ne'ena llalec ñi Dios ishit da ÿachaxan da lli'oxoyic ñi lta'a.

1 Juan 3:22

Qaq ñimayi ishit da qomi' ÿanema 'enauac cam seÿaxanqaique, cha'ayi ÿataqta salaxasoxoguet nam lamaxasoxonaxacpi, qataq so'otaq cam ÿaÿamaxadeeta ñimayi.

Santiago 1:5

Da huo'o ca 'oonolec da qoñiita iuen ca laÿajnec, no'on da iÿaxanot ñi Dios. Qaq ñimayi ÿami', ÿataqta sa naloqnañi. Cha'ayi ñimayi sa ishit da shimataqaic, qataq sa ÿauota'a l'aloxo ca shiÿaxaua.

Hebreos 11:6

Qaq ÿoqo'oyi sa ishit da huo'o ca chochi ÿaÿamaxadeeta ñi Dios da huo'otaq qaica ca lpi'iÿaxac. Cha'ayi da qanquigueu'a ñimayi, qalaq ñi 'oonolec iuen da ÿataqta i'amaqten ñi Dios da ÿataqta 'eesa da huo'o, qataq i'amaqten da ñimayi ishit da ishiiten cam nmitaique ñimayi.

Santiago 5:15

Qaq da ÿataqta huelec da lpi'iÿaxac namayipi da nqouagaxauen, nachi de'eda nqouagaxaunaxac nca'alaxateec ca dalolaxaic. Qaq ñi qadataxala' Dios nachaalataxaañi. Qaq da huo'otaq huo'o ca lasouaxashit camayi, nachi qaÿapalaxat.

Hebreos 4:16

Qaq ÿoqo'oyi ÿataqta qaica qome ca shi'oqtaique da ñoqochinaxau'a ca nso'onqa' ñim qadta'a Dios mayi soxodaic, yaqto' ñimayi ishit da qomi' ichoxode'n, qataq qomi' nqouagueque da qomi' itaua'n da huo'o ca souaqaigui qadhuenaxanaxa.

Juan 4:10

Nachi so Jesús 'enapeco': –Nashíctaxa da 'am 'auauatton cam ÿan ñi Dios, qataq nam 'am iÿaxaatacot ca laquip, nachi yi'oqtáctaxa da 'am ishit da aÿim 'auÿaxanot, nachi aÿímctaxa 'am sanem ca 'etaxat mayi npaxaatashiguem.

Mateo 6:29

Qaq qami' shinapegalo da so nta'a Salomón co'ollaxa qaica ca 'en'am lyac na n'otaxatpi, qalaq sa ishit da 'en'am da n'otaxac anamayipi.

2 Corintios 6:2

Cha'ayi ñimayi nam l'aqtaqa mayi nanettrañi 'eeta': So na'a'q mayi ichoxonnataxanaxaqui, qalaq 'am sa'aqtega; qataq so na'a'q mayi huetoigui da seca'alaqtaxan, qalaq 'am setauan. Qaq nachina na na'a'q nchoxonnataxanaxaqui; qataq nachina na na'a'q nca'alaqtaxanaxaqui.

Marcos 13:37

Qaq de'eda i'aqtac mayi qami' shinapegalo, damayi nachi taÿauga 'enauac na shiÿaxauapi, 'eeta': Ÿataqta qanloiteec qome.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Mateo 21:31

Qaq ¿chaq négue't se'esoua dos ñalqa cam i'ot da 'eetapeguec so lta'a? Nachi somayipi 'enapeco': –Qomyi som hua'auchiguiñi. Nachi so Jesús 'enapeco': –Ÿoqta 'eesa de'eda qami' sa'axatema da nam ÿacootapeeguet ana nshiitenaqte ca nta'a qataq anam quishiguetaxaipi, namayipi l'auaxanec da inoxoneu'a da l'onataxanaxac ñi Dios da ilo'ogue 'enauacna.

Apocalipsis 2:24

Qalaxayi qami' mayi qoñiitaña na Tiatira mayi sa ishit da qoquiigue de'eda napaxaguenataxanaxac qataq sa ishit da qavichiÿa da qauauattoñi dam qoÿiitega saq cha'a lataxac so Satanás, qaq aÿim qami' shinapegalo da sa ishit da qaltaq sauo'o ca lÿa qami' sachilguete.

Lucas 11:10

Cha'ayi cam deÿaxan, qaq ÿaconguet cam iÿaxanaique. Qaq cam demitaxan, qalaq ÿanata cam nmittaique. Qaq cam itoqneu'a cam lasom, qalaq qanauateguet.