Lucas 10:39 - Nuevo Testamento Toba Sur

³⁹ Qaq aso Marta huo'o aso lqaÿa l'enaxat María. Qaq asomayi nso'ootañi, neto'oto naua lchil so Jesús, nachi n'axaÿaxaatega 'enauac nam i'axattac somayi.

Nuevo Testamento Toba Sombrero Negro

³⁹ Marta 'uo jañe'me la'nole jo'ne lenaĝat María, nach'aga cha'li na'ña ga'me peta'ña ñe'me Jesús qaedi naquiaĝana yema ga'me 'laqatac ñe'me.

La'aqtaqa Ñim Lo'onatac 'Enauacna 2013

³⁹ Qaq se'eso nma', nache hueta'a aso María, asomaye lqaỹa aso Marta. Qaq asomaye nso'ootañi, datato'ot So Jesús, nache na'axaỹaxaatega 'enauac nam ỹa'axattac Somaye.

Lucas 10:39 Referans Kwoze

Lucas 8:35

Nachi 'enauac nam shiÿaxauapi demejnaxaneuga cam huaña de'eda. Qaq co'ollaq qaivita ca hueta'a so Jesús, nachi qailalec so shiÿaxaua mayi chigaqaigui se'eso n'ec leguemaxaicpi. Somayi nso'ootañi, neto'oto naua lchil so Jesús, ÿaatrañi soua alogo, qataq mashi ntoueeta. Nachi ÿataqta huo'o da ncolanaxa.

Juan 12:3

Nachi aso María ndouo so ivi' na medio litro na codaxat mayi l'enaxat nardo. Somayi ÿataqta qaÿoqteu'a. Nachi icodelguete naua lapia'te so Jesús. Ime, nachi deÿoxona na laue da ÿaqaxaÿaxa't. Qaq 'enauac se'eso noÿic ÿataqta ÿi'iguelaxaÿi na laita so codaxat.

Hechos 22:3

–Aÿim judío l'ec. Ÿañoqo' yi Tarso mayi huaigui yi 'alhua Cilicia. Qalaxayi aÿim ñañaxatalec na Jerusalén, qaq aÿim lapaxaguenatac so Gamaliel. Aÿim ÿataqta shicteguelo naua nqataxaco som hua'au qadta'alpi. Qaq ÿoqo'oyi nachi 'eetai' da ÿataqta huo'o da iuogoxo da so'onataxaatacot ñi Dios, ÿataqta semato'ot da iquiyaqteÿaxac. Qaq nachi shiita'am 'enauac da qoñiita nagui.

Lucas 2:46

Qaq co'ollaq mashi inoxoodeec soua tres na'axa'te, nachi qaÿanata somayi, huetaigui aso n'onaxanaxaqui late'edai, nso'ootañi, datataigui som dapaxaguenataxaatapeguec na nqataxacpi, n'axaÿaxaatega qataq huo'o na nnataxanaxacpi.

Juan 11:1

Qaq huo'o so shiÿaxaua l'enaxat Lázaro, somayi sa no'on. Qaq somayi lma' yi Betania yim npueblo aso María, qataq aso lqaÿa Marta.

Lucas 10:42

Qalaxayi 'oonolec dam ÿacteec da qaiuen. Añi María ÿataqta 'onaxaic dam tateu'a, qaq damayi qaica ca ishit da nqat.

Juan 11:19

Qaq ÿataqta qalota na judiopi na nqo'ona aso Marta qataq aso María da qai'añaqchitta'pe soomayi, souaxat yi lqaÿa't mayi saqca.