Lucas 1:75 - Nuevo Testamento Toba Sur

⁷⁵ nataq'en da yaqto' qomi' ÿaÿamaxadeete' da ñañanqot ñimayi da qomi' qui'itte' 'enauaque naua na'axa'te da qanachaalataxac.

Nuevo Testamento Toba Sombrero Negro

⁷⁵ Qaedi yataqachiñe jenaĝa ja 'nalo'te gaa'me qat'onataqa nataq'aen qo'mi chimadichidiñe Da'me ñauegaĝala't da'me qo'mi uetauelo, da'me cha'li 'uo da'me qanejiyaĝauayaĝac.

La'aqtaqa Ñim Lo'onatac 'Enauacna 2013

⁷⁵ qataq nachaqñita Ñimaye da sonaqto'ot, da so'otaqtac ca ỹaỹamaqchiguiñi 'enauaque naua na'axa'te da qanachaalataxac.

Lucas 1:75 Referans Kwoze

Efesios 4:24

Qataq qai'añiiñi da dalaxaic achaalataxac mayi maichi chigoqchigui da l'onatac ñi Dios mayi ÿataqta ichoxot da no'on nataxac qataq qui'itta.

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

2 Timoteo 1:9

Ñim Dios mayi qomi' nca'alaxatreec, qataq iÿaxana da qanachaalataxac da yaqto' sanqot. Qaq de'eda qomi' i'oteque, damayi nachi 'eetai' da lhuennataxa. Sa ishit da huo'otaq chochi nqopita'a ca qadataxac no'on. Mayi souaxat da qomi' ÿauoteque, cha'ayi mashi ñi'adaqtau'a so Cristo Jesús. Qataq nal'eno' da qomi' ÿauoteque co'ollaq saxanaqaca ana 'alhua.

Efesios 1:4

Ñi Dios nal'ena da qomi' lca'agui'shi, ÿachigoxotchigui so Cristo co'ollaq saxanaqaca ana 'alhua, da yaqto' nachi 'eetai' da souaqto'ot ñimayi da qui'itta da qanachaalataxac qataq da qaica ca qadasouaxashit.

1 Ts 4:7

Cha'ayi ñi Dios qomi' iÿaxanalo da qui'itta naq'en da qanachaalataxac. Ÿoqo'oyi sa ishit da soqolaxague ca ishipaxanaqchit da qanachaalataxac.

2 Ts 2:13

Qami' qadqaÿa't, mayi qami' nauochaxa'u so qadataxala', qomi' soqolaqtot da sanaqtacot da qan'achiquiaxac ñi Dios souaxat da qoñiita, cha'ayi ñimayi qami' lca'au'alo co'ollaq saxanaqaca ana 'alhua da qami' nca'alaxatreec. Qaq de'eda nca'alaxa chigoqo'ot so Espíritu mayi chigoqchigui da qami' lalamqa'te naq'en ñi Dios, nataq'en chigaqaigui da 'eesa lataxac mayi qau'amaqchiñi.

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

Mateo 1:21

Qaq añimayi huo'o qome ca llalec. Qaq 'am nachi 'ai'anagui da l'enaxat Jesús. Camayi l'enaxat de'eda, cha'ayi nca'alaxateeguesop qome na lalamaxatpi na lasouaxashitpi.

Lucas 1:74

da qomi' nca'alaxateeguesopa nam qomi' ipa'agueeta'pe, yaqto' sa ishit da huo'o ca shi'oqtaique da shi'oxodenaqtac ñimayi,