Lucas 1:53 - Nuevo Testamento Toba Sur

⁵³ Qataq nam deuenaxaatac, qalaq ÿanem da qaica ca iuen naq'en, qaq nam sallaxanecpi, qalaq ÿataqta qui'itchiguilo naq'en naua lhua'q da ÿamaqhuec.

Nuevo Testamento Toba Sombrero Negro

⁵³ En nedañi da'me nachiquiyaĝa'j gaa'me 'uo da'me louenaĝanaĝa'j nataq'aen en ochichiguilo naa'me loua' gaa'me neuoyaĝadi da'me yamaĝadegue.

La'aqtaqa Ñim Lo'onatac 'Enauacna 2013

⁵³ Qataq ỹanem da qaica ca iuena'a, nam huo'o da lhuenaxanaxa. Qaq nam sallaxanecpi qalaq ỹataqta qui'itchiguilo naqa'en naua lhua'q da ỹamaqauec.

Lucas 1:53 Referans Kwoze

Lucas 6:21

Nataq'en ÿataqta qauamaichiguiñi qami' mayi qoviitaigui nagui da qauqouachi, cha'ayi ÿataqta huo'o qome da qadcomadaqai. Nataq'en ÿataqta qauamaichiguiñi qami' mayi qanoÿiñiitac nagui, cha'ayi ÿataqta huo'o qome da qadaÿalliguiyiqui.

Lucas 6:24

Qalaxayi choxodaxasodo' qami' mayi qami' sallaxanecpi nagui, cha'ayi mashi huo'o da qadamaiqui.

Mateo 5:6

Qataq ÿataqta machiguiñi qome nam 'eeta'am da huo'o na lqouaxa qataq na laquip da nshitaique da i'ot cam 'eetapeguec ñi Dios, cha'ayi ñimayi itauanec qome namayipi, da yaqto' ishit da i'ot.

1 Corintios 1:26

Qami' ÿaqaÿa't, qami' tachigui qadvilli da 'eetec co'ollaq qami' iÿaxanalo ñi Dios, nai'ctaxa da saqalligueme da qoñiita na huo'o da laÿajnec nam huetalecna, qataq saq 'amaqtaq na nalau'a da nta'a, huo'otaq na chigaqaigui nam 'amaqtaqaicpi.

Juan 6:35

Nachi so Jesús 'enapeco': –Nachaÿim mayi aÿim pan mayi chigaqaigui da nca'alaxa. Ca aÿim nau'a, nachi sa nauane' qome na lqouaxa; qataq ca aÿim i'amaqten, nachi sa nauane' qome na laquip.

1 Corintios 4:8

Qami' 'eeta'am da mashi qami' sallaxanqa, qataq qami' hueto'oto 'enauac nam qauviñiitac. 'Eeta'am da mashi qami' nta'al, qaq qomi' nachi qomi' qauasaqaitreec. ¡'Onaxaico' da ÿataqta 'eesa da qami' nta'al, yaqto' qami' ñiuanaqhua'alo da qomi' nta'al nataq'en!

Lucas 1:54

Qataq itauan nam llalaqpi so Israel mayi l-latac, qaq sa ishit da icoua'ai da lchoxonnataxanaxac somayi.