Lucas 1:48 - Nuevo Testamento Toba Sur

⁴⁸ Cha'ayi ñi Dios tachigui lauel ana qaica ca l'amaqchic l-lata, qaq nagui nachi chigoqchiguiña da 'enauac na shiÿaxauapi aÿim ÿamata'ac da ÿataqta samachiguiñi.

Nuevo Testamento Toba Sombrero Negro

⁴⁸ qa'a jayem yachalegue da'me lec'atenaĝanaĝac jayem nelochi'ña, jayem jo'ne jayem lalemaĝajete, jo'ne joĝodaic jena'me yeuel. Qama'le chiyoqotelegue nayi da'me jayem qoyinapi'ya 'uo da'me yamaic,

La'aqtaqa Ñim Lo'onatac 'Enauacna 2013

⁴⁸ Qataq Ñim Lo'onatac 'Enauacna tatelec aỹem da lmeenaxanaxac, aỹem l-lata maye qaica ca ỹa'amaqchec. Qaq nagui nache 'enauac na shiỹaxauapi qom aỹem iỹaxana qalaq, 'eeta': ‹¡María, da lqouagaxanaqtaic Ñim Lo'onatac 'Enauacna 'am huetalec!›

Lucas 1:48 Referans Kwoze

Lucas 11:27

Qaq co'ollaq ña i'axattac de'eda so Jesús, nachi huo'o aso 'alo mayi huetaigui se'eso shiÿaxauapi. Asomayi i'alaq, 'eeta': –¡Ÿataqta machiguiñi acam 'alo mayi 'am deco'oic, qataq 'am ÿaqchit co'ollaxa!

Lucas 1:42

Nachi asomayi ÿataqta nlamaxaden, 'eeta': –Ñi Dios 'am ÿanem da lqouagaxanaqtaic, qaq sa ishit da qoneta'am 'enauac na laÿipi 'alpi. Nataq'en ca 'ai'alec ÿanem da lqouagaxanaqtaic.

Lucas 1:28

Nachi so lamaxashic ñi Dios pa'aigui so lma' mayi netaigui asomayi. Nachi iquin, 'eeta': –¡'Am mayi nachi'am nqouaguec ñi Dios! Ñi qadataxala' 'am hueta'aguet. Ñimayi 'am ÿanem da lqouagaxanaqtaic, qaq sa ishit da qoneta'am 'enauac na 'adaÿipi 'alpi.

Lucas 1:45

Qaq ÿataqta 'auamachiguiñi, cha'ayi 'au'amaqten de'eda qoÿinapec, cha'ayi ÿataqta ipacchigui qome da 'enapec ñi qadataxala'.

Lucas 1:49

Cha'ayi ñi Dios mayi qaica ca ÿaqalanapec ÿataqta lta'adaic da aÿim i'otec; da l'enaxat ñimayi ÿataqta qui'itta.