Lucas 1:20 - Nuevo Testamento Toba Sur

²⁰ Qalaxayi 'am, yi sa ishit da 'au'amaqten da shinapec, qaq nagui sa ishit qome da huo'oi naua 'ad'aqtaqa. Sa ishit da 'autaqa, to' qom mashi ivita da ñiguiñi ca 'ai'alec. Qaq damayi ipacchigui qome qom ivita ca laloqo'.

Nuevo Testamento Toba Sombrero Negro

²⁰ Qalaĝaja nayi, queda'me ja a'uamaqaten jaĝa'te da'me am ja'aĝatem, qama'le nayi cha'li ja auomachiyac qomle nataq'aen ja auoje; ja auaqanatet ta'le 'uo ga'me at'aqatac chayovida'a qom yenoĝodegue gaa'me noloqo'ote da'me male yepaquichigui da'me dojo'.

La'aqtaqa Ñim Lo'onatac 'Enauacna 2013

²⁰ Qalaxaye 'am ye saishet da aỹem 'aua'amaqten, qaq nagui qaicaua naua 'ara'aqtaqa. Nato' qom mashe ivita da ipacchigui de'era 'am sa'aqtaxaateguem.

Lucas 1:20 Referans Kwoze

Apocalipsis 3:19

Cha'ayi aÿim ÿataqta sevidaxato'ot, qataq saÿamaxajñi ca lasouaxashit cam ÿataqta sauotec. Qaq ÿoqo'oyi 'an'añaxat qome, qataq 'ai'axaadeec naua 'an'onataxaco.

Hebreos 6:18

Qaq 'eda da 'eetec da huo'oi naua dos mayi sa ishit da qanqochinaxa't, nam huo'o mshi sa ishit da datenataxan ñi Dios, qaq nachinaua naua ÿachigoxotchiguilo ñi Dios da qomi' ÿanema da qad'añaxac, qomi' mayi shi'iguenqot ñimayi qataq sa'amaqtenaq dam aquitaxac mayi qomi' ÿanema.

Lucas 1:22

Qaq co'ollaq nnoxoneec so Zacarías, nachi sa ishit da detaqa. Huaña, nachi qaÿaÿaten da somayi huo'o ca lauanaqtaguishic na pa'auo aso n'onaxanaxaqui. Nachi somayi da'aqtaxanem somayipi, qalaxayi huota'ai naua llaxaatal, cha'ayi qaicaua naua l'aqtaqa.

Tito 1:2

qataq ÿauattoota nataq'en da aquitaxac da achaalataxac mayi chochaq tateec. Qaq ñim Dios mayi sa datenataxan ñimayi ÿachaxanapec co'olloxochiyi de'eda achaalataxac co'ollaq saxanaqaca ana 'alhua.

2 Timoteo 2:13

Da ÿapagaqlec ca qad'aqtac, qalaxayi somayi sa ishit da napacalec ca l'aqtac, cha'ayi ñi Dios sa ishit da nqochin, qataq sa nadalaxat da lataxac.

Lucas 1:45

Qaq ÿataqta 'auamachiguiñi, cha'ayi 'au'amaqten de'eda qoÿinapec, cha'ayi ÿataqta ipacchigui qome da 'enapec ñi qadataxala'.

Marcos 16:14

Qaq co'ollaq qaÿata'ague de'eda, nachi so Jesús nachaxanalo soua once lapaxaguenataqa, co'ollaq soomayi nso'ootrañi, datatalguete ca nqui'axala'. Nachi somayi nlaxaiguilo soomayi, souaxat da qaica ca lpi'iÿaxa'c qataq da ÿataqta qadamchiguilo naua lquiyaqte, cha'ayi sa ishit da i'amaqte'n nam nauane' somayi da mashi qaltaq qanca'alaxateec.

Marcos 9:19

Nachi so Jesús 'enapeco': –¡Aicoue nam na' shiÿaxauapi yi sa da'amqajnataxan! ¡Mashi huo'oi soua na'axa'te da qami' sootaiguilo, qataq mashi huo'oi soua na'axa'te da qami' ñiualaxaueetapegueto! Ñaq aÿim qanaviquiÿa na nsoq.

Romanos 3:3

Qalaxayi ¿huá'ague ca 'eetec namayipi da huo'otaq sa ipaguelec de'eda n'aqtac? Qaq ¿peta'a ñi Dios nachi ÿaxaañi da sa ishit da ipaguelec da l'aqtac?

Lucas 1:19

Nachi so namaxashic 'enapeco': –Aÿim mayi nachaÿim Gabriel, mayi sooto'ot ñi Dios. Qaq ñimayi aÿim namaq da 'am setaxaÿapegue', qataq da 'am sa'axatem de'eda no'on 'ad'axaÿaxac.

Lucas 1:21

Qaq nam shiÿaxauapi mayi pa'atauec, iuattaique so Zacarías, namayipi ÿataqta huo'o da lqochoxo souaxat da qaÿaloqta da nnoxoneec somayi, da ca'ai aso n'onaxanaxaqui.

Lucas 1:64

Nachi huaña, co'ollaq so Zacarías qaltaq ÿi'iguelaxalec da huo'oi naua l'aqtaqa, nachi ÿi'oxodeetac ñi Dios.