Judas 1:3 - Nuevo Testamento Toba Sur

³ Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

Nuevo Testamento Toba Sombrero Negro

³ Ami yaqaya'olqa, jayem jalcote da'me yamaic ta'le jediñe joda'me lajoĝoc da'me qat'oyaĝac 'me dalaĝaic jo'ne joote ena'uaque qo'mi uetauelo. Qalaĝaja nayi male jela'a da'me qoyouetaque da'me ami jamaĝalo da'me dojo' qaedi ami ñachoĝodenouelo da'me aueloquiaĝanaĝañi da'me adepi'i, da'me jo'ne qoye'uauaĝanouelo joca'li ga'me lec'oqo'tepi joñe'me Dios.

La'aqtaqa Ñim Lo'onatac 'Enauacna 2013

³ Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

Judas 1:3 Referans Kwoze

1 Timoteo 6:12

'An'añaxajleco' qome da 'adpi'iÿaxac, yaqto' ishit da 'anauec da achaalataxac mayi chochi tateec. Cha'ayi de'eda achaalataxac nachida da huo'o mshi Dios 'am iÿaxana, qataq mashi ime da 'anachaachisop da 'au'axat da 'adpi'iÿaxac, qataq saqalota na 'am ÿauaachigui.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

Judas 1:20

Qalaxayi qami' ñauochaxa'u ÿaqaÿa't, ÿataqta qauaÿamaxachiitec qome dam qui'itta qad'amqajnataxanaxaqui. Qataq da qanqouagaxauñi, qalaq nachida da l'añaxac so Espíritu Santo.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Tito 1:4

'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

2 Timoteo 1:13

Qoquetelco' da lliquiaxac da 'am sami' napaxaguenataxanaxac mayi no'on. Qouetaiguio' da npi'iÿaxac qataq da nsoxoyic mayi qomi' qoÿanema, cha'ayi mashi ñi'adaqtau'a so Cristo Jesús.

1 Timoteo 1:18

'Am ÿalec Timoteo, 'am sami' da ÿaqataxac, cha'ayi ñishitaique da qoquetalec da 'auloctapeguelec da 'ad'onataxanaxac, qalaxayi nachida da 'adpi'iÿaxac, qataq da ÿaÿamaqchiguiñi 'advilÿaxac. 'Aupactelco' qome da 'an'aqtaguec mayi chigaqaigui na Dios l'aqtaxanaxanecpi.

Gálatas 2:5

Qalaxayi qomi' ÿataqta sa ishit da cada'acolec da ña shinaqta da qolaxague namayipi. Cha'ayi sauoqtaique da qami' nachi 'eetai' da qami' hueto'oto dam 'eesa n'aqtaxanaxac mayi chigaqaigui da nca'alaxa.

Hebreos 13:22

Qami' ÿaqaÿa't, qami' ñachoxodeetoiguilo da ÿataqta qan'añaxachiiguet da ÿaqataxac da qoñiita, cha'ayi saq 'amaqtaq da shiyiñi i'aqtac mayi qami' samaxalo.

Hechos 9:22

Qalaxayi so Saulo lamaaxa nquigaxatteec da l'añaxac da ÿachaxaatac so Jesús da nachiso so nta'a mayi qadca'alaxaqui, chochi ivitta'a da ÿataqta sa ÿaÿaten ca 'eetec naq'en na judiopi mayi netaña yi Damasco.

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

1 Corintios 15:3

Da sa'auaxaachiguiñi qami' sapaxaguenque dam nataq'en aÿim qoÿanem, damayi 'eeta': So Cristo ileualec da qayi'itaxaloxo, qaq damayi ipacchigui da 'enapec naua ñiyigui'shi l'aqtaqa ñi Dios.

Hechos 4:12

Qaica ca lÿa ishit da chigoqchigui da nca'alaxa. Cha'ayi ñi Dios qaica ca lÿa n'enaxat da qomi' ÿanema ana 'alhua, da yaqto' ishit da qomi' nca'alaxatreec.

Hechos 18:28

Cha'ayi ÿataqta i'axattem 'enauac na lsomaxacpi na judiopi. Qaq somayi ÿataqta sa ishit da huo'o ca ÿoqolguet. Cha'ayi somayi ÿaconalo naua ñiyigui'shi n'aqtaqa, nachi i'axattac so Jesús da nachiso so nta'a qadca'alaxaqui mayi iuattaique namayipi.

Hechos 17:3

Qaq ÿacona ana huetalguete naua ñiyigui'shi l'aqtaqa ñi Dios, nachi i'axattac da ca nta'a nca'alaxaqui mayi qaiuattaique, camayi qome ÿataqta huo'o da nque'ejnaxac. Qaq qom ime, nachi qaÿalauat, nachi camayi qaltaq nca'aleec. Nachi 'enapeco': –Qaq ÿoqo'oyi se'eso Jesús mayi qami' sa'axattapeguema, somayi nachiso som nta'a mayi qadca'alaxaqui.

Judas 1:17

Qalaxayi qami' ñauochaxa'u ÿaqaÿadolqa, qauennachiÿa'a da nal'ena co'ollaxa soua lamaxa'shi so qadataxala' Jesucristo,

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

1 Pedro 5:12

Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

Colosenses 1:2

qaq aÿim qami' ÿaqaÿañicpi mayi qoñiitaña yi la ciudad Colosas, qami' samaxalo ana ÿide, qami' qau'amaqchiñiitac so Cristo, qataq qami' lalamqa'te ñi Dios. Ñishitaique da qami' qauacoñiiguet qome da lqouagaxanaqtaic ñi qadta'a Dios qataq da l-lagaxayic.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Gálatas 6:11

Ña qauloÿa da ÿataqta lta'al naua maichi ÿidaqa mayi shilyiñi nagui da qami' samaxalo.

Hechos 28:28

Qaq nagui qami' qauaÿajñi, da de'eda qotaÿa'ague, nachi de'eda nca'alaxa mayi chigoqo'ot ñi Dios, damayi qoÿami' qome nam sa ishit da judío l'ecpi. Qaq namayipi qome ÿataqta n'axaÿaxana.

Hechos 20:27

Cha'ayi aÿim ÿataqta sa'axatta 'enauac nam 'eetapeguecpi ñi Dios, qaica ca soxottapiguiñi.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Hechos 9:13

Nachi co'ollaq hua'aqchigui de'eda so Ananías, nachi 'enapeco': –'Am ÿataxala', ÿataqta qalota na aÿim da'aqtaxanem que'eca shiÿaxaua qataq 'enauac nam qauem mayi i'otec nam netaña yi Jerusalén mayi 'am i'amaqteetac.

Hebreos 6:9

Qami' ÿaqaÿadolqa, qomi' nai'ctaxa da huo'otaq 'eetec de'eda da qadtaxaÿaxac, qalaxayi qomi' saÿajnaqta da qoñiita dam lta'adaic qanchoxonnataguiiqui mayi chigaqaigui da nca'alaxa.

2 Pedro 2:21

Cha'ayi namayipi no'ónctaxa da sa ishit co'ollaxa da ÿauatton da lliquiaxac da achaalataxac mayi qui'itta. Cha'ayi l'axaso' da mashi ÿauatton damayi, ime, qataq ca'ai dam qoÿanem napaxaguenataxanaxac mayi qui'itta.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.