Judas 1:13 - Nuevo Testamento Toba Sur

¹³ Qataq namayipi 'eeta'am ana late'edai lapaxa na 'etaxat mayi maichi nmalaxattashiguem nam qaica ca lyac lcochi. Qataq namayipi 'eeta'am ana huaqajñipi mayi ca'ai cam ÿoqta llic, nachi qaiuaxanec da quetaigui nam chochaq tateec napalaxa.

Nuevo Testamento Toba Sombrero Negro

¹³ Nach'egaua ena'ama gaa'me lepa' let'al ga'me noĝop, qa'a ena'am ta'le ya'uo 'lali nale, nach'egaua 'lonataĝanaĝaco jo'ne ja nepocoĝolo'te. Nataq'aen ena'ama ga'me uaqachiñipi jo'ne yejomateda'ague ga'me dajotegue, qa'a queda'e da'me yoqochiñe jo'ne 'laqatac joñe'me Dios, qama'le qoyecoñe't qaedi tadoue ga'me jo'ne ja 'naidena'a 'me yataqachiñe yeda'at jo'ne 'lalaĝa.

La'aqtaqa Ñim Lo'onatac 'Enauacna 2013

¹³ Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

Judas 1:13 Referans Kwoze

2 Pedro 2:17

Ne'ena shiÿaxauapi 'eeta'am aca ñi'illoxoqui mayi qaica ca l'ec 'etaxat, qataq 'eeta'am ca l'oc mayi chochi ÿachitac na l'at. Namayipi taÿa'a da qaicoñida'aguet cam chochaq tateec napalaxa.

Filipenses 3:19

Qaq cam loga't qom ivita namayipi, qalaq qanlaxajñi. Cha'ayi namayipi chochi do'onataxaatacot da lamanaxanaqtaic da l'oquiaxac, qataq ñi'oxodeetapigui nam ishíttaxa da i'ot da l'aloxo, qataq ndoteec da iuennatapega nam huetalec ana 'alhua.

Apocalipsis 20:10

Qaq som shiÿaxaua lma'na mayi ÿatenachit somayipi, qaÿasaxangui so lta'adaic nodec mayi huaña da ÿavictac na quiquiaxadaic, som huaña da qaÿasaxangui co'ollaxa so shiguiÿac qataq so 'eetega da l'aqtaxanaxanec ñi Dios. Huangui se'eso nodec, nachi huo'o da nque'ejnaxac chochaq tatreec 'enauaque naua na'axa'te.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

Judas 1:6

Qataq som lamaxashicpi piguem l'ecpi ñi Dios mayi sa ishit co'ollaxa da ÿaÿamaxatec da l'onataxanaxac, chaqdata da ca'ai cam lalamaxat lma', nachi ñi Dios chochaq tateec naq'en da icoñitta'aguet na napalaxa somayipi, da iuatta'aguet naq'en ca pa'ateec na'a'q qom nmit 'enauacna.