Judas 1:1 - Nuevo Testamento Toba Sur

¹ Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.

Nuevo Testamento Toba Sombrero Negro

¹ Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.

La'aqtaqa Ñim Lo'onatac 'Enauacna 2013

¹ Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.

Judas 1:1 Referans Kwoze

1 Pedro 1:5

Qataq souaxat da qami' huo'o da qadpi'iÿaxaqui ñi Dios, nachi ñimayi qami' npaxattalguete naq'en da l'añaxac, da yaqto' qaviyiÿa'aguet ca nca'alaxa mayi ÿaqataxaatapigui' ñimayi da qami' ÿauattonaxanaxanque caua pa'atreec na'axa'te.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

2 Timoteo 1:9

Ñim Dios mayi qomi' nca'alaxatreec, qataq iÿaxana da qanachaalataxac da yaqto' sanqot. Qaq de'eda qomi' i'oteque, damayi nachi 'eetai' da lhuennataxa. Sa ishit da huo'otaq chochi nqopita'a ca qadataxac no'on. Mayi souaxat da qomi' ÿauoteque, cha'ayi mashi ñi'adaqtau'a so Cristo Jesús. Qataq nal'eno' da qomi' ÿauoteque co'ollaq saxanaqaca ana 'alhua.

Juan 14:22

Qaq som Judas (som l'enaqteua so Iscariote) 'enapeco': –'Am qadataxala', ¿tá'ainco' da nachiqomaqta da qomi' 'anachaxanalo, qaq sa ishit da nataq'en 'anachaxana nam shiÿaxauapi mayi huetalec ana 'alhua?

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Juan 17:15

Qaq aÿim sa ishit da 'am seÿaxaatacot da yaqto' 'anqateeguesop namayipi ana 'alhua, chaqdata da 'am seÿaxaatacot da 'anpaxatalec namayipi, souaxat so shiÿaxaua lma'na.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

Romanos 8:30

Qaq nam lca'aguishicpi co'ollaxa ñi Dios, nachi nataq'en iÿaxana. Qaq nam lÿaxanataguishicpi ñimayi nataq'en ÿanagui da ÿataqta ÿaÿamaxadeeta qataq nhuanau'a naq'en da lli'oxoyic.

Romanos 6:22

Qalaxayi nagui da mashi qansoiueguesop da l-lataxanaxac da ñi'itaxaloxo, nachi qami' qaunoxoñiu'a da qami' l-lataqa ñi Dios. Qaq 'eda mayi ÿataqta huo'o ca naigui. Qaq dam naigui nachida da achaalataxac qui'itta mayi qoÿanot ñi Dios qataq dam achaalataxac mayi qaica ca loga't.

1 Pedro 1:2

Qami', mayi nal'ena da qami' lca'agui'shi ñi qadta'a Dios co'ollaq saxanaqaca ana 'alhua, da ÿachigoxotchigui naq'en so n'Espíritu da qami' iÿotaugalo, da yaqto' qaualaqaiguet ñimayi, qataq yaqto' ÿataqta qami' qui'itto' naq'en naua ltago'q so Jesucristo. Aÿim ñishitaique da qauacoñiiguet da chochaq huañi nqouagaxanaqtaic qataq da nlagaxayic.

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

2 Timoteo 4:18

Qaq nachi taÿaueegue da aÿim ntelaqna'aguet 'enauac na sa ÿaÿamaxañisat, chochi aÿim ividaxatta'a da aÿim inoxonaqchiteu'a ca l'onataxanaxac mayi hueta'ague da piguem. Qaq somayi mayi hueto'ot da qadyacnataxanaxac chochaq tateec. Aja', nachi 'eetec de'eda.

1 Ts 2:12

Qataq saqataqtapeguelec 'enauac da qoñiita da ÿataqta qoquiitelec da lataxac ca shiÿaxaua da quetague' ñi Dios mayi qami' iÿaxanalo da qoviito'ot naq'en da l'onataxanaxac da ilo'ogue 'enauacna qataq da lli'oxoyic.

Efesios 5:26

Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

Romanos 9:24

Cha'ayi ñi Dios da qomi' iÿaxanalo, qalaq huo'o na chigoqtoigui naq'en na judiopi, qataq na laÿipi huo'o na chigoqtoigui naq'en na saq judiopi.

Hechos 27:23

Cha'ayi ne'ena pe aÿim nachaxana so chigaqshiguem lamaxashic ñi Dios mayi sooto'ot qataq so'onataxaatacot.

Lucas 6:16

Judas som lqaÿa so Santiago, qataq so Judas Iscariote mayi ÿaneuo co'olloxochiyi so Jesús.

Hechos 20:32

Qaq nagui qami' ÿaqaÿa't, qami' sepataxagueta da ltelaxa ñi Dios qataq dam n'aqtaguec da lchoxonnataxanaxa mayi ÿataqta huo'o da l'añaxac, da yaqto' qami' 'añaxaiqa naq'en, qataq da yaqto' qauacoñiiguet cam ÿaqataxaatapigui' da ÿami' ñi Dios 'enauac nam lalamaxatpi.

Hechos 1:13

Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago.

Juan 17:19

Qataq souaxat namayipi nachi aÿim ÿataqta 'am ñañanot, yaqto' namayipi nataq'en ishit da 'am nañanot, chigoqchigui dam 'eesa lataxac.

Juan 17:17

Qaq 'auÿotauga qome namayipi, da yaqto' 'adalamaxatpi, 'auachigoxotchigui dam 'eesa lataxac; dam 'ad'aqtac mayi ÿataqta 'eesa.

Juan 15:16

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Juan 6:39

Qaq dam 'eetapeguec ñi ita'a mayi aÿim namaq nshitaique da aÿim qaica ca saqataqchit nam aÿim ÿanem ñimayi, chaqdata da qaltaq ñica'alaxateec qom iviteuga ca pa'ateec na'a'q.

Marcos 3:18

qataq so Andrés, Felipe, Bartolomé, Mateo, Tomás, Santiago som llalec so Alfeo; Tadeo, Simón mayi chigaqaigui na cananista,

Mateo 10:3

qataq so Felipe, Bartolomé, Tomás qataq so Mateo som ÿacootapeeguet co'ollaxa ana nshiitenaqte ca nta'a; Santiago som llalec so Alfeo; qataq Alfeo da lÿa l'enaxat Tadeo;

Mateo 13:55

Cha'ayi damayi nachida da llalec som qo'ipaq l'o, l'enaxat José. Qataq aso late'e l'enaxat María. Damayi nachi lqaÿa't soua Santiago, José, Simón qataq so Judas.

Marcos 6:3

Yi damayi chochi qo'ipaq l'o, llalec aso María, qataq lqaÿa so Santiago, José, Judas qataq so Simón. Qataq naua lqaÿa't 'alo souaqta'agueta. Nachi sa ishit da qai'amaqten.

Romanos 1:6

Qaq namayipi nataq'en qaualliquiitaigui da qami' iÿaxanalo ñi Dios, da yaqto' qami' lalamqa'te naq'en so Jesucristo.

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

Judas 1:21

Qataq sa ishit qome da qai'axañiiuec da lauotaxanaqtaic ñi Dios. Qataq qauachiÿa'aguet ca pa'ateec na'a'q qom so qadataxala' Jesucristo ÿachigoxotchigui da lchoxonnataxanaxa da qomi' ÿanema ca nca'alaxa mayi chochaq tateec.