Juan 9:39 - Nuevo Testamento Toba Sur

³⁹ Ime, nachi so Jesús 'enapeco': –Aÿim ñanaÿa ana 'alhua, da yaqto' ishit da qaÿauo'o ca lasouaxashit ca shiÿaxaua, yaqto' cam sa nauaañi, qalaq ishit da nauaañi, qataq cam nauaachiguiñi, qalaq sa nauaañi qanqoÿin.

Nuevo Testamento Toba Sombrero Negro

³⁹ Qama'le yitaĝa enaac ñe'me Jesús: —Da'me jayem ñec'ata jenjo' aleua qaedi ja'uo da'me yec'atenaĝanaĝac qaedi jogaa'me qana'mi male nelodegue, nach'e ena'ama jogaa'me jo'ne te'me nelotedaye qaedi 'uo da'me laqanamaĝa'j.

La'aqtaqa Ñim Lo'onatac 'Enauacna 2013

³⁹ Ime, nache So Jesús 'enapeco': –Aỹem ñanaỹa ana 'alhua, da sami' da nauaañi nam saq nauaañipi, qaq nam 'eetega da nauaachiguiñipi qalaq sanauaañi ñaqa'en. Qaq 'era da sheetec da ñimit 'enauacna.

Juan 9:39 Referans Kwoze

Juan 3:19

Nam sa ishit da da'amqajnataxan, nachi qaÿauo'o ca nhuaxanaguec. Cha'ayi co'ollaq anac som yi'oqchiguiñi da anaÿa ana 'alhua, qalaq namayipi ÿagaqnauec da lqopichi na napalaxa, cha'ayi namayipi i'otta'pe naua qauema.

Juan 12:46

Aÿim mayi aÿim lcoÿadaqte ana 'alhua. Ñanaÿa anamayi, da yaqto' ca aÿim i'amaqten, nachi camayi sa ishit da huetaigui na napalaxa.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Juan 8:12

Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

1 Juan 2:11

Qaq cam nquiÿata'ai' ca lqaÿa, qalaq camayi nachattaigui na napalaxa, qataq sa ÿaÿaten cam tata'ague, cha'ayi nam napalaxa sa ishit da nauaañi naq'en camayi.

Lucas 4:18

So n'Espíritu ñi qadataxala' aÿim netanguit, cha'ayi aÿim qoÿanagui da yaqto' sa'axatem da no'on l'axaÿaxac nam choxodaqpi, qataq aÿim qaÿamaxalec da ñataden na huo'o da laquicoxo, qataq da yaqto' sa'axatem da qaisouec na ncoñitaguishicpi, qataq da sanem da nauaañi ñaq'en na qaicaua naua l'ai'te, qataq da yaqto' sesouec nam qaica ca nyacnataguec,

Lucas 1:79

da yaqto' icoÿadelec nam huetaigui na napalaxa qataq da lchic da nleuaxa, qataq yaqto' qomi' ÿachaxaateguelo ca nqa'aic mayi nlagaxayic.

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

Efesios 5:14

Qaq ÿoqo'oyi dam n'aqtac 'eeta': 'Am mayi 'au'ochita, ña 'anlouec; qoñishiguem, qoca'ai nam leuaxaicpi, qaq so Cristo nachi 'am icoÿadelec.

2 Corintios 2:16

Qalaxayi nam ñaq huetaigui da lsomaxac, de'eda 'ico' nchinaxanaxat, damayi da alaitaÿaxac 'eeta'am ca dalaataxanapec. Qalaxayi na mashi nca'aleec, damayi 'eeta'am naq'en cam ama na laita mayi chigaqaigui da achaalataxac. Qaq ¿chaq negue'to' ca ishit da nalotau'a de'eda n'onataxanaxac?

Juan 9:25

Nachi somayi 'enapeco': –Aÿim sa ishit da saÿaten da somayi 'itaxaloxoic, huo'otaq jegatai'. Chaqdata da aÿim saÿaten da sa ñauaañi co'ollaxa, qalaxayi nagui ñauaañi.

Juan 8:15

Qami' da qanmichi ca nasouaxashit, qalaq qaupaquiichigui ca maichi lhuennataxac na yi'oqchigui shiÿaxauapi. Aÿim, qalaxayi sa ishit da ñimit ca nasouaxashit.

Juan 3:17

Ñi Dios sa ishit da namaxa na llalec ana 'alhua, da yaqto' ÿauo'o ca nhuaxanaguec na shiÿaxauapi. Chaqdata da anaga da nca'alaxateec namayipi.

Lucas 13:30

Huaña qome, qa nachi huo'o nam nagui nca'ataxaatauo, qaq nachina qome na l'auaxanec, qataq huo'o qome nam nagui l'auaxanec, qaq nachina nam qaipa'axaateec.

Lucas 7:21

Nachi co'ollaq chochi ivildeuo soomayi, nachi so Jesús ÿataqta qalota so shiÿaxauapi nataden na ÿotta'a't lalolaxacpi, nataq'en nataden nam huo'o na l'ec leguemaxaic, nataq'en qalota na nauaañi naq'en nam qanamaicpi.

Lucas 2:34

Nachi so Simeón ÿan da no'on l'aqtac. Ime, nachi 'enapega aso María asom late'e so Jesús, 'eeta': –Ña 'aumeten ne'enatai' nogotolec, namayi qoÿanagui da ÿataqta qalota qome naq'en na huañi huo'otaq ñishiguem na Israel llalaqpi. Namayi nachina na l'anaxat da ÿataqta qalota qome na sa da'amqajnataxan,

Mateo 11:5

Qau'axachiim camayi da na qaicaua naua l'ai'te, qalaq nlouec, qataq nam ñi'iidauo naua lchil, qalaq queuoÿapigui', qataq nam nchiga na l'oc, qalaq qaiÿouec da lalolaxa, qataq nam sa hua'aqa, qalaq ishit da hua'aqa, qataq na mashi ileu, qalaq nca'aleec qanqoÿin, qataq nam choxodaqpi, qalaq qai'axatem da n'aqtac mayi chigaqaigui da nca'alaxa.

Mateo 6:23

Qalaxayi naua 'ad'ai'te, da huo'otaq sa ÿaÿama'q, nachi 'enauac da 'ad'oquiaxac huetaigui na napalaxa. Qaq ÿoqo'oyi na yi'oqchiguiñi mayi 'am hueto'ot, da huo'otaq napalaxa, nachi ¡ÿataqta ÿapacteec na napalaxa mayi qouetaigui!

2 Ts 2:10

Do'onataxana 'enauac na ÿotta'a't sa ÿaÿamaxañisat da chochi ÿatenachit na shiÿaxauapi mayi taÿa'a da nhuaxanaguec chochi tateec, cha'ayi mashi sa ishit da ÿaconguet da 'eesa lataxac mayi ishit da qanca'algui.

Mateo 15:14

Qaq ÿoqo'oyi sa ishit qome da qauqochiÿa namayipi. Cha'ayi namayi sa nauaañi qataq lauegaxala' nam sa nauaañipi. Qaq cam sa nauaañi da huo'otaq ÿauecta'aguet cam 'eeta'am sa nauaañi, nachi caamayi ishit da tayingui acam nshide.

Juan 12:31

Nagui mashi ivita yi laloqo' da na huetalec ana 'alhua qaÿauo'o ca lasouaxashit, qataq da qaÿamaqhuec som damaxasoxonapec ana 'alhua.