Juan 9:34 - Nuevo Testamento Toba Sur

³⁴ Nachi qoÿinapego' somayi, qoÿiita': –'Am mayi ÿataqta 'ananacteueegue' na 'adasouaxashitpi, qalaq ¿tá'ainco' yi 'anshitaique da qomi' 'auapaxague'n? Huaña, nachi qaÿamaqhuec somayi asom laponaxaqui namayipi.

Nuevo Testamento Toba Sombrero Negro

³⁴ Qama'le male qo'enapega joñe'me: —Am jo'ne chiyoqochiñe joca'li aniyiñe da'me am loeco lo'o, qama'te ¿toqoch'e jetaque qo'mi auapaĝague'n? Qama'le ua'a ca'li male qoyamaĝaye qoyen ca'e ga'me lemaĝaiqui' jogaa'me judiopi.

La'aqtaqa Ñim Lo'onatac 'Enauacna 2013

³⁴ Nache somayepi 'enapego' somaye, 'eeta': –'Am maye ỹataqta 'ananacteueegue' da 'am 'etaxaloxoic, ¿qaq huotaique da qomi' 'auapaxague'n? 'Am mashe sa 'am seuenaq da 'aualectaigui nam nategueua'a ana qanapaxaguenaxaqui.

Juan 9:34 Referans Kwoze

Juan 9:22

Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Juan 9:2

Nachi soua lapaxaguenataqa inatta'pe somayi, 'eeta': –'Am mayi 'auapaxaguenataxaatac, ¿chaq tá'ainco' ñi'iñi shiÿaxaua yi nacteueegue' da lqanamaxa? ¿Peta'a souaxat da huo'o ca lasouaxashi't caua lta'al, loqo' chaq souaxat ca maichi lasouaxashit ñimayi?

Lucas 18:17

Cha'ayi aÿim shinapec da ca ÿaconguet da l'onataxanaxac ñi Dios da ilo'ogue 'enauacna, da huo'otaq sa ishit da 'eeta'am ca nogotolec, nachi camayi sa ishit da ÿañoxot da inoxoneuo.

Apocalipsis 13:17

Huaña, nachi sa ishit da huo'o ca deshijnaxana qataq da huo'o ca imen cam sa ishit da huo'o aca n'anaqte, huo'otaq cam l'enaxat som shiguiÿac, huo'otaq yi ivi' so l'enaxat.

3 Juan 1:9

Qaq aÿim shiyiñi co'ollaxa aso ÿide da samaxa na 'amqajnataxanaxaicpi. Qalaxayi ca Diótrefes sa ishit da ÿaconguet da qadamaxasoxonaxac, cha'ayi camayi nshitaique da nachicata lataxala' namayipi.

1 Pedro 5:5

Qaq nachi 'en'am nataq'en qami' nsoxotpi ÿataqta qaualaqaiguet qome ca 'enapec na ÿi'axaiquipi. Qataq 'enauac na shiÿaxauapi iuen da ñi 'oonolec ÿataqta nañanguet da ÿalaxaguet ca lÿa qataq sa n'amaqten. Cha'ayi naua ñiyigui'shi n'aqtaqa 'eeta': Ñi Dios nachaata'aguet ca n'amqajnaxaic, qalaxayi nqouaguec da itauan ca sa n'amaqten.

Efesios 2:3

Qaq nataq'en 'enauac da shinaqta nachi shinaqta'am namayipi som hua'a'u vi'iyi, da qolaqtague' nam maichi shinaqtapeguecpi, qataq so'otaqtac dam lqopitaxanaqtaic da qadapachiyaxac qataq nam maichi qadhuennataxacpi. Qaq ÿoqo'oyi ÿataqta 'itchiguiñi da qomi' huetalguete da qaica ca 'en'am lchic lalemataic ñi Dios da shinaqta'am 'enauac nam laÿipi shiÿaxauapi.

Gálatas 2:15

Qomi' na qadta'alpi judío l'ecpi, qaq sa ishit da shinaqta'am nam ÿotta'a't shiÿaxauapi mayi 'itaxaloxoicpi.

Juan 9:40

Qaq huo'o na fariseopi na ÿalectauo, nachi hua'aqchigui de'eda, nachi denataxaatac, 'eeta': –¿Qomi' peta'a nataq'en sa ishit da ñauanaxañi?

Juan 9:35

Qaq so Jesús l'axaÿaxac da qaÿamaqhuec som qanamaic co'ollaxa. Nachi co'ollaq nauane', nachi 'eetega, 'eeta': –¿'Am peta'a 'au'amaqten so llalec ñi Dios?

Juan 8:41

Qami', qalaxayi nachi qau'enaxachiichigui nam i'otpi so qadta'ai. Nachi somayipi 'enapeco': –Qomi' sa ishit da chochi qomi' n'aalec ñalqa; qomi' 'oonolec ñi qadta'a Dios.

Juan 6:37

Qaq 'enauac nam aÿim ÿami' ñi ita'a, namayi aÿim nau'a; qaq nam aÿim nau'a, qalaq sa ishit da semaqa'aguet.

Lucas 14:11

Cha'ayi ca nshitaique da n'amaqten, qaq nachica ca saq 'amaqtaq qanqoÿin, qaq cam sa n'amaqten, qaq nachica ca 'amaqtaq qanqoÿin.

Lucas 11:45

Nachi ÿasat som 'oonolec nam dapaxaguenataxaatapeguec na nqataxacpi, 'eeta': –'Am mayi 'auapaxaguenataxaatac, de'eda 'anasaxauec nataq'en ivida'alo qomi' da qomi' i'aloqchi't.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

3 Juan 1:10

Qaq ÿoqo'oyi da ivita da ashic, qaq ÿataqta ñi'axatshiguem damayi, souaxat da aÿim quetapeguelec camayi qataq souaxat da latenataxanaxac. Qataq saqdata de'eda i'ottac, nataq'en sa ishit da ÿaconguet na qadqaÿañicpi. Qataq nam huotaique da ÿaconguet namayipi ÿataqta sa ÿashinem qataq ÿamaqhuec da ca'ai naq'en na 'amqajnataxanaxaicpi.