Juan 9:22 - Nuevo Testamento Toba Sur

²² Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Nuevo Testamento Toba Sombrero Negro

²² Chane'eja naq'aeta da'me 'laqataĝanaĝa'j gaa'me jo'ne mach'e let'al, qa'a 'uo da'me loqolanaqa', yajouaĝat jogaa'me judiopi lajoĝola'te queda'me joote 'uo da'me nomachidi: ga'me jo'ne 'yaĝatetac ñe'me Jesús da'me naqaeñe ñe'me Dios Liquiyac, nach'ega jo'ne qoyamaĝaye, ca'e qoyen ga'me nemaĝaiqui.

La'aqtaqa Ñim Lo'onatac 'Enauacna 2013

²² Qaq 'enapec de'era soua lta'al, souaxat da ñe'etrega na lataxala'pi na judiopi, cha'aye namayepi mashe nasachigui da saishet da ỹalegoigui naqa'en nam tategueua'a aso napaxaguenaxaqui nam judiopi, 'enauac nam ỹa'amaqten qataq 'eetega da So Jesús, nacheso So Lca'aguishec Ñim Lo'onatac 'Enauacna.

Juan 9:22 Referans Kwoze

Juan 16:2

Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Juan 7:13

Qalaxayi namayipi sa ishit da ÿoqta i'axaÿaqchit 'enauac na shiÿaxauapi da 'eetega somayi, souaxat da ñi'itega na judiopi.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

Juan 9:34

Nachi qoÿinapego' somayi, qoÿiita': –'Am mayi ÿataqta 'ananacteueegue' na 'adasouaxashitpi, qalaq ¿tá'ainco' yi 'anshitaique da qomi' 'auapaxague'n? Huaña, nachi qaÿamaqhuec somayi asom laponaxaqui namayipi.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

Hechos 5:40

Nachi 'enauac somayipi ÿaÿamaxadeeta da 'enapec se'eso Gamaliel. Nachi qaiÿaxaneugalo soua Jesús lamaxa'shi, nachi qaiuaxaata'pe qataq qoÿinapegalo da sa ishit da i'axattrac da l'enaxat so Jesús. Ime, nachi qaisodeec.

Hechos 5:13

Qalaxayi huo'o na laÿipi shiÿaxauapi na sa ishit da ÿalegoigui namayipi, qalaxayi 'enauac ne'ena sa ÿalegueuopi ÿataqta ÿi'oxodeetac namayipi.

Hechos 4:18

Nachi qaltaq qaiÿaxaneugalo soomayi, nachi qoÿinapegalo da nachi tachiguiña da sa ishit da da'aqtaxa'n qataq sa ishit da dapaxaguenataxaadec da l'enaxat so Jesús.

Juan 20:19

Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

Juan 19:38

Qaq co'ollaq ime de'eda, nachi so José mayi lma' yi Arimatea, somayi iÿaxanot so Pilato da yaqto' idouec da l'oquiaxac so Jesús. Qaq se'eso José, somayi quetague' so Jesús, qalaxayi sa ishit da ÿoqta nachaxaata, souaxat da ñi'itega na judiopi. Nachi so Pilato ÿanem somayi dam iÿaxaneu'a, nachi jec so José da idouec da l'oquiaxac so Jesús.

Juan 1:19

Na judiopi mayi lma' yi Jerusalén ÿamaq na ntaxaÿaxanaxanecpi da qaitaxaÿapegue' ñi Dios qataq nam Leví llalaqpi mayi ltaua namayipi da nnataxana so Juan da chaq negue'tso somayi.

Juan 9:18

Qalaxayi na judiopi sa ishit da i'amaqten se'eso shiÿaxaua da qanamaic co'ollaxa qalaq nagui ishit da nauaañi. Nachi ivida'a da qaiÿaxaneugalo som lta'al som qanamaic co'ollaxa mayi qanataden.

Juan 9:21

Qalaxayi qomi' sa ishit da saÿajnaq chaq hua'ague ca 'eetec da nauaañi nagui, qataq sa ishit da saÿajnaq chaq negue't cam natade'n naua l'ai'te damayi. Qaq no'on da qaunachii damayi, cha'ayi damayi mashi ÿi, damayi ishit da maichi qami' da'aqtaxanema.

Juan 9:35

Qaq so Jesús l'axaÿaxac da qaÿamaqhuec som qanamaic co'ollaxa. Nachi co'ollaq nauane', nachi 'eetega, 'eeta': –¿'Am peta'a 'au'amaqten so llalec ñi Dios?