Juan 9:17 - Nuevo Testamento Toba Sur

¹⁷ Nachi qaltaq qaÿi'iguelaxalec da qainattac se'eso shiÿaxaua mayi qanamaic co'ollaxa, qoÿiita': –Qaq 'am, ¿huá'ague ca 'eetec ca 'ad'aqtac som shiÿaxaua mayi ÿauo'oi naua 'ad'ai'te? Nachi somayi 'enapeco': –Qomyi aÿim shinapec da somayi l'aqtaxanaxanec ñi Dios.

Nuevo Testamento Toba Sombrero Negro

¹⁷ Qama'le yitaĝa 'viyelaĝadelegue da'me yena't ñe'me jiyaĝaua jo'ne qanam joca'li: —Da'me am, ¿jach'e ga'me qo'mi a'uaĝatema jo'me jo'ne en aneloye q'aen? Qama'le 'yategueta: —Da'me ami ja'aĝatema: nach'ejo jo'me Dios 'laqataĝanaĝanec.

La'aqtaqa Ñim Lo'onatac 'Enauacna 2013

¹⁷ Nache somayepi ỹe'eguelaxalec da inattac se'eso ỹale maye qanamaic co'ollaxa, 'eeta': –Qaq 'am, ¿hua'ague ca 'eetec ca 'ara'aqtac som ỹale maye 'anauaañi naqa'en? Nache somaye 'enapeco': –Qomye aỹem, Somaye 'eeta'am ñaqa'en da la'aqtaxanaxanec Ñim Lo'onatac 'Enauacna.

Juan 9:17 Referans Kwoze

Juan 6:14

Nachi som shiÿaxauapi mayi ÿauaachigui de'eda n'anec mayi sa qaÿauanapega mayi i'ot so Jesús, nachi somayipi 'enapeco': –Ÿoqta 'eesa da nachida damayi dam l'aqtaxanaxanec ñi Dios mayi qai'axatta'aguet co'ollaxa da naÿa'a ana 'alhua.

Juan 4:19

Qaq co'ollaq hua'axaÿa de'eda aso 'alo, nachi 'enapeco': –'Am ÿataxala', aÿim sela'a da ÿoqta 'eesa da 'am l'aqtaxanaxanec ñi Dios.

Hechos 10:38

Qataq qami' qauaÿajñiita da 'eetec ñi Dios da ÿanem co'ollaxa so Jesús mayi Nazaret l'ec da l'añaxac so Espíritu Santo, qataq da 'eetec co'ollaq somayi queuotac nachi i'otec da ÿaÿamaqchiguiñi 'enauac na shiÿaxauapi mayi huetaigui da lque'ejnataxanaxac so shiÿaxaua lma'na. Qaq i'ot de'eda, cha'ayi ñi Dios hueta'aguet somayi.

Hechos 2:22

Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi.

Lucas 24:19

Nachi somayi 'enapeco': –¿Négue'to' camaxa? Nachi soomayi 'ena'po': –Qomyi dam huaigui so Jesús mayi l'ec yi Nazaret som l'aqtaxanaxanec ñi Dios. Se'eso shiÿaxaua qaica ca ÿaqalanapec cam l'aqtac qataq cam i'ot, qaq ÿataqta ÿaÿamaxadeeta somayi ñi Dios qataq 'enauac na shiÿaxauapi.

Mateo 21:11

Nachi som shiÿaxauapi 'eeta': –Qomyi nachiso so Jesús mayi l'aqtaxanaxanec ñi Dios, som chigaqa'ague da Nazaret mayi huaigui yi 'alhua Galilea.

Juan 9:15

nachi na fariseopi qaltaq ÿi'iguelaxalec da inattac so shiÿaxaua da chaq hua'ague ca 'eetec da ishit da nauaañi. Nachi somayi 'enapeco': –Somayi i'ameelguete naua i'ai'te so nshaxa. Ime, nachi ñiÿo, nachi nagui ishit da ñauaañi.