Juan 8:46 - Nuevo Testamento Toba Sur

⁴⁶ ¿Négue't ca 'oonolec da qoñiita da ishit da i'axat da huo'otaq huo'o ca ÿasouaxashit? Cha'ayi da huo'otaq sa'axattac dam 'eesa lataxac, qalaq ¿tá'ainco' yi sa ishit da aÿim qau'amaqchiñi?

Nuevo Testamento Toba Sombrero Negro

⁴⁶ Da'me ami, ¿jach'e ga'me yaqanatet ta'le jayem naloĝona queda'me 'uo ga'me yoec? Da'me ja'aĝatetac da'me eja, qama'le ¿toqoch'e ja jayem 'te auep'iiya'a?

La'aqtaqa Ñim Lo'onatac 'Enauacna 2013

⁴⁶ ¿Negue't ca 'oonolec da qoñiita da ishet da ỹa'axat da huo'otaq huo'o ca ỹasouaxashet? Cha'aye da huo'otaq sa'axattac dam 'eesa lataxac, qalaq ¿ta'ainco' ye saishet da Aỹem qaua'amaqchiñi?

Juan 8:46 Referans Kwoze

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.

Juan 14:30

Qaq nagui sa ishit da qalota na sa'axat da qami' sa'axatema, cha'ayi mashi anac nam damaxasoxonapec ana 'alhua. Qalaxayi namayi sa ishit da huo'o ca l'añaxac da aÿim ÿaconeu'a.

Juan 8:7

Qalaxayi somayipi nachi queto'ot da denataxaatac. Nachi somayi nqollimshiguem, nachi 'enapega somayipi, 'eeta': –Da huo'o ca 'oonolec da qoñiita da qaica ca lasouaxashit, qaq nachica qome ca l'auaxanec da ÿasaq ca coma' adamayi.

Marcos 11:31

Nachi somayipi jec da maichi ncotatega't, 'eeta': –Da qomi' shinaqpec da nachiñi ñi Dios ñi ÿamaxalec, nachi ÿoqta qome da qomi' 'enapegalo da 'eeta': “Qalaq ¿tá'ainco' qone' yi sa qau'amaqchiñi?”

Mateo 21:25

Da inataxanaxac 'eeta': ¿Chaq négue't ca ÿamaxalec so Juan da dachilaxanataxan? ¿Peta'a nachiñi ñi Dios, huo'otaq ca chochi shiÿaxaua? Nachi somayipi maichi nqalligottega't, 'eeta': –Da qomi' shinaqpec da nachiñi ñi Dios da ÿamaxalec somayi da dachilaxanataxan, qaq ÿoqta qome da 'eeta': “¿Tá'ainco' qone' yi sa qau'amaqchiñi?”

1 Pedro 2:22

Somayi sa ishit da huo'o ca lasouaxashit, qataq sa ÿauango' da huo'o ca ÿatenachit.

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Juan 18:37

Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

Juan 16:8

Qaq qom ivita da anac camayi, nachi ÿaÿajnaxanaxanec nam shiÿaxauapi mayi huetalec ana 'alhua da 'itaxaloxoicpi, qataq da huo'o ca nqa'aic mayi ÿaÿamaqchiguiñi, qataq da ñi Dios ÿauo'o qome ca nhuaxanaguec namayipi.

Juan 15:10

Qaq da qaualaqaiguet na ÿamaxasoxonaxacpi, nachi qami' ishit da qoquiitegue da 'eetec da qami' sauoteque, 'eeta'am da shiitec da ÿataqta salaxaguet na lamaxasoxonaxacpi ñi ita'a, qataq shictegue da 'eetec da lauotaxanaqtaic aÿim ñimayi.

Juan 8:47

Ca chigoqtot ñi Dios, camayi n'axaÿaxanalo naua l'aqtaqa ñimayi. Qalaxayi qami' yi sa ishit da qauachigoqoitot ñimayi, ÿoqo'oyi sa ishit da qan'axaÿaxañi.