Juan 8:37 - Nuevo Testamento Toba Sur

³⁷ Aÿim mashi sogote da saÿaten da maichi qami' llalqa so Abraham. Qalaxayi chaq ta'ainec da qanshiitaique da aÿim qaualauachi souaxat da sa qau'amaqchiñi dam shinapec.

Nuevo Testamento Toba Sombrero Negro

³⁷ Jayem joote jayaten da'me auachiyoqoya'aguet di'me Abraham, qalaĝaja jetaque jayem aualachi da'me aueñi yaviyaĝajet da'me jo'ne ami ja'aĝatema.

La'aqtaqa Ñim Lo'onatac 'Enauacna 2013

³⁷ Aỹem mashe sogote da saỹaten da maiche qami' llalqa so Abraham. Qalaxaye qami' qansheetaique da Aỹem qaualauache, cha'aye saishet da qauacoñiigueta naua ỹapaxaguenataxanaxaco.

Juan 8:37 Referans Kwoze

1 Corintios 2:14

Qaq ca shiÿaxaua mayi sa ishit da netanguit so Espíritu, sa ishit da ÿaconguet cam i'ot so n'Espíritu ñi Dios. Cha'ayi camayi da n'axaÿaxaatega, qalaq 'eeta'am naq'en da 'ico' chochi 'oopashic. Sa ishit da ÿaÿaten damayi, cha'ayi da qanmit, qalaq qaiuen da ltaunaxanaxac so Espíritu.

Romanos 9:7

Cha'ayi na llalaqpi so Abraham sa ishit da 'enauac namayipi da llalaqpi ñi Dios. Chaqdata da ñi Dios 'eeta': “Chigoqchigui qome ñi Isaac ca 'ai'alaqpi.”

Juan 7:1

Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

Juan 8:59

Huaña, nachi qaÿacona na coma' da qaÿauotaique da qaÿasaq so Jesús. Qalaxayi somayi nqañoxojñi, ca'ai aso n'onaxanaxaqui, taigui se'eso shiÿaxauapi, nachi jec.

Hechos 13:26

Qaq qami' ÿaqaÿa't mayi qami' llalaqpi so Abraham qataq 'enauac da qoñiita mayi ÿataqta qayi'iÿai ñi Dios, de'eda qai'axattac nca'alaxa, damayi nachi qadalamaxachi.

Juan 8:43

Qaq ¿tá'ainco' qami' yi sa ishit da qauaÿajñi da qami' sa'axattapeguema? Cha'ayi souaxat peta'a da sa ishit da qan'axaÿaxañiÿa dam i'aqtaxanaxac.

Juan 11:53

Huaña, nachi se'eso na'a'q chigoqchiguiña da na lataxala'pi na judiopi detaxaÿapigui ca lataxac, da yaqto' qaÿalauat so Jesús.

Juan 7:19

¿Sa ishito' peta'a da 'eesa so Moisés da qami' ÿanema so lqataxacpi? Qalaxayi ñaqaiyita sa ishit da huo'o ca 'oonolec da qoñiita da ÿalaxalec se'eso nqataxacpi. Cha'ayi ¿tá'ainco' yi qanshiitaique da aÿim qaualauachi?

Juan 10:31

Nachi na judiopi qaltaq ÿacona na coma' da qaÿasaq somayi.

Juan 8:6

Qaq somayipi 'enapec de'eda, da chochi ÿi'iguen so Jesús, da yaqto' ishit da qaÿauo'o ca lasouaxashit. Nachi so Jesús nqollimñi, nachi ÿittac ana 'alhua, huota'a ana llaxaata.

Juan 7:25

Nachi huo'o na netaña yi Jerusalén na denataxaatac, 'eeta': –¿Sa ishito' peta'a da nachida dam da' dam qanmittaique da qaÿauotaique da qaÿalauat?

Juan 5:44

Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

Mateo 13:15

Cha'ayi da lquiyaqteÿaxac ne'ena shiÿaxauapi ÿi'iguelaxalec da ÿataqta qadamchigui, qataq sa ishit da ÿoqta hua'aqa, qataq naua l'ai'te ÿamaqta'a't; da yaqto' sa ishit da huo'o ca ila'a, qataq sa ishit da huo'o ca hua'axaÿa, qataq sa ishit da huo'o ca ÿaÿaten da lquiyaqteÿaxac, qataq sa ishit da aÿim ÿi'iguelaxa da yaqto' ñataden.

Juan 8:33

Nachi somayipi 'enapeco': –Qomi' maichi qomi' llalaqpi so Abraham, qaq ÿataqta sa ÿauango' da huo'o ca qomi' l-lataqa. Qalaq ¿tá'ainco' da 'am qonapec da ishit qome da qomi' huesochiyiñi?

Mateo 3:9

Qaq sa ishit qome da tatapigui qadvilli da qoñiita': “Qomi' maichi qomi' llalaqpi so Abraham.” Cha'ayi qami' shinapegalo da ñi Dios ishit da ivida'a da ÿachigoxotaigui ne'ena coma'pi ca ÿataqta llalaqpi so Abraham.

Juan 8:56

Som Abraham mayi qadta'ai, somayi co'ollaxa ÿataqta huo'o da ntonaxac da ilogui ca na'a'q mayi ÿaloxoqui. Qaq co'ollaq ilogui, nachi somayi ÿataqta nlaqchigui da ntonaxac.

1 Juan 2:14

Qaq qami' ÿi'axaiquipi, qami' samaxalo ana ÿide, cha'ayi mashi qauauattoñiita som nal'ena da huo'o co'ollaq saxanaxa da huo'o ana 'alhua. Qataq qami' nsoxotpi, qami' samaxalo ana ÿide, cha'ayi ÿataqta qami' 'añaxaiqa, qataq qauacoñiiguet da l'aqtac ñi Dios, qataq cha'ayi sogote qodoxonqui so shiÿaxaua lma'na.