Juan 8:28 - Nuevo Testamento Toba Sur

²⁸ Qaq ÿoqo'oyi so Jesús 'enapego' somayipi, 'eeta': –Qami' qom ivita da qanauaxaÿaxañiishiguem nam shiÿaxaua llalec, nachi huaña qome, qaq ishit da qauaÿajñi da aÿim mayi nachaÿimta, qataq da sa ishit da chochi maichi ñalligoxottela't ca so'ot, chaqdata da aÿim sa'axat cam aÿim ÿapaxaguenec ñi ita'a.

Nuevo Testamento Toba Sombrero Negro

²⁸ Qo'che' ñe'me Jesús enapegalo: —Qomle jayem auañiyajeguem da'me male jayem auep'eñiyajeguem, queda'me naqayem jo'ne jayem Jiyaĝaua Lec'oĝot, qama'le yemta da'me auayachiñe da'me eja naqayem. Nataq'aen auayachiñe qomle da'me qaya'te ta'le ja'uo ga'me ch'e yelnataĝac; onolec da'me ja'aĝatetac da'me jo'ne jayem yapaĝaguenec ñe'me Taĝadena'.

La'aqtaqa Ñim Lo'onatac 'Enauacna 2013

²⁸ Ỹoqo'oye So Jesús 'enapego' somayepi, 'eeta': –Qami' qom ivita da qanauaxaỹaxañiisheguem na Shiỹaxaua Llalec, nache huaña, qaq ishet da qauaỹaañi chaq negue't Aỹem, qataq saishet da maiche ñallegoxottela't ca so'ot, nachaqrata da Aỹem sa'axat cam Aỹem ỹapaxaguenec Ñim Ita'a.

Juan 8:28 Referans Kwoze

Juan 5:30

Aÿim sa ishit da maichi aÿim chigoqchigui da huo'otaq huo'o ca so'ot. Cha'ayi da huo'otaq so'ot ca lasouaxashit ca shiÿaxaua, qalaq aÿim selotelec ca ñi'aqtac, nachi sa ishit da depe'enaxan cam so'ot. Cha'ayi aÿim sa ishit da so'ot cam maichi shiitapeguec, cha'ayi chaqcata ca 'eetapeguec ñi ita'a mayi aÿim namaq, nachica so'ot.

Juan 5:19

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da ne'ena llalec ñi Dios, namayi sa ishit da huo'o ca i'ot da huo'otaq maichi ndojlec, cha'ayi namayi i'ot cam ÿauaachigui da i'ot ñi lta'a. Qaq ÿoqo'oyi 'enauac nam i'otpi ñi lta'a, qaq nataq'en i'ot nam llalec.

Juan 6:38

Cha'ayi aÿim sa ishit da sachigoqtot na piguem da ñanac da so'ot ca maichi shiitapeguec, chaqdata da ñanac da so'ot ca 'eetapeguec ñim aÿim namaq.

Juan 3:14

Qaq de'eda 'eetec co'ollaxa so Moisés da nauaxaÿaxaashiguem so l'enaqtac n'adaxanaq co'ollaq hualec so tojlec 'alhua, qaq nachida da 'eetec nataq'en na shiÿaxaua llalec da namayi taÿa'a da qanauaxaÿaxaashiguem,

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Hechos 4:4

Qalaxayi ÿataqta qalota na shiÿaxauapi nam n'axaÿaxaatega se'eso n'aqtaxanaxac na da'amqajnataxan. Qaq yim lcata so dalaxaic da'amqajnataxan huac da ivi' ca cinco mil ndoteec na ÿallippi.

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

Juan 19:18

Qaq huaña yimayi, nachi qaiuaxaneuo somayi, nataq'en soua lÿa't dos. So 'oonolec soomayi pa'ata'ague da aloic, qaq so lÿa pa'ata'ague da n'emaq. Nachi so Jesús pa'atangui na laiñi.

Juan 16:10

qataq namayipi qome ishit da ÿaÿaten da huo'o ca nqa'aic ÿaÿamaqchiguiñi, cha'ayi aÿim saigue da neta'ague ñi ita'a, nachi qami' qome sa ishit da aÿim qauloÿa'a;

Juan 11:42

Qaq aÿim saÿaten da 'am nachi 'eetai' naxa da aÿim 'au'aqtega. Qalaxayi aÿim shinapec de'eda souaxat nam shiÿaxauapi mayi hueta'a ne'ena, yaqto' namayipi ishit da i'amaqten da 'eesa da aÿim 'adamaxashic.

Juan 8:24

Qaq ÿoqo'oyi aÿim shinapec da qami' qaulliviitañito qome naua qadasouaxashi'chilli'. Cha'ayi da sa ishit da qau'amaqchiñi da aÿim mayi nachaÿimta, nachi qami' qaulliviitañito naua qadasouaxashi'chilli'.

Juan 3:11

Aja', qalaxayi ÿataqta 'eesa de'eda 'am sa'axatem, da qomi' sa'axataqtac cam saÿajnaq qataq cam sauanaqchigui, qalaxayi qami' sa ishit da qomi' qau'amaqchiñi'.

Mateo 24:5

Cha'ayi ÿataqta qalota qome na chochi n'enaqchingui da i'enaxat, 'eeta': “Aÿim mayi nachaÿim qadta'ai qadca'alaxaquii,” nachi ÿataqta qalota qome na ÿatenachit.

Marcos 13:6

Cha'ayi ÿataqta qalota qome na anac da nactaigui da i'enaxat, nachi 'eeta': “Nachaÿim mayi aÿim qadta'ai qadca'alaxaquii;” nachi ÿataqta qalota qome na ÿatenachit.

Lucas 21:8

Nachi so Jesús 'enapeco': –Maxatchaxa qome, qadvichiÿai'. Qataq sa ishit qome da huo'o ca chochi qami' ÿatenachi't. Cha'ayi qalota qome na anac da anactaigui da i'enaxat, nachi 'eeta': “Aÿim mayi nachaÿim nta'a nca'alaxaqui;” huo'otaq 'eeta': “Nagui mashi ivita yi naloqnec.” Qalaxayi sa ishit qome da qauca'achiigue.

Juan 4:26

Nachi so Jesús 'enapega asomayi, 'eeta': –Que'eca 'au'axattac, nachaÿim mayi 'am setaqtague'.

Juan 8:27

Qalaxayi namayipi sa ishit da ÿaÿajneguet da somayi nachiñi ñim lta'a ñim detaqtega.

Juan 8:58

Nachi so Jesús 'enapeco': –Aÿim ÿataqta 'eesa de'eda qami' sa'axatema, da co'ollaq saxanaqca da huo'o so Abraham, qalaq nal'ena da aÿim huo'o.

Juan 13:19

Qaq aÿim qami' sa'axatema de'eda, yaqto' qom ivita da ipacchigui, nachi qami' ishit da qau'amaqchiñi da aÿim mayi nachaÿimta.

Juan 18:32

Huaña, nachi ÿataqta ipacchigui da 'enapec so Jesús co'ollaq i'axata'a da 'eetec qome da nalaataguec.