Juan 8:26 - Nuevo Testamento Toba Sur

²⁶ Aÿim ÿataqta ña qalota na i'aqtacpi da qami' shinapegalo qataq da ñimit na qadasouaxashichi. Qalaxayi ñim aÿim namaq, ñimayi ÿataqta 'eesa dam l'aqtac, qaq 'enauac nam sa'axatem nam huetalec ana 'alhua, nachina na sa'aqchigui l'aqtacpi ñimayi.

Nuevo Testamento Toba Sombrero Negro

²⁶ Qa'a da'me jayem maliaĝa jalcote da'me jo'ne jetaque ami ja'aĝatema nataq'aen da'me jec'ate'n naa'me adaviyaĝaje'chedi'. Qalaĝaja ñe'me jo'ne jayem namaĝaquena eja da'me 'laqatac, qama'le da'me jo'ne joote jayem 'yaĝatem joñe'me, nach'eda da'me jo'ne ami ja'aĝatema da'me joue'ta jenjo' aleua.

La'aqtaqa Ñim Lo'onatac 'Enauacna 2013

²⁶ Aỹem ỹataqta qalota na ỹa'aqtacpi da sa'axat 'enauac nam qauemsat maye qauo'ocheetac. Qaq Ñim Aỹem namaq, Ñimaye ỹataqta 'eesa dam la'aqtac, qaq 'enauac nam sa'axatem nam huetalec ana 'alhua, nachena na sa'aqchigui la'aqtacpi Ñimaye.

Juan 8:26 Referans Kwoze

Juan 15:15

Nagui sa ishit da qami' samata'aque da qami' nlataqa, cha'ayi ca chochi nlatac sa ishit da ÿaÿaten cam i'ot ca n'aco'. Qaq nagui qami' samata'aque da qami' ñauochaxa'u, cha'ayi qami' sauattonaxanaxanque 'enauac nam l'aqtacpi ñi ita'a mayi aÿim ÿami'.

Juan 8:40

Qalaxayi qami', nai'ctaxa da huo'otaq qami' sa'axattapeguema nam 'eesa lataxacpi mayi aÿim ÿapaxaguenec ñi ita'a Dios, qalaq ñaqaiyita qanshiitaique da aÿim qaualauachi. ¡Qamaq so Abraham ÿataqta sa ÿauango' da huo'o ca i'ot da 'eeta'am de'eda!

Juan 17:8

cha'ayi mashi sanem dam 'ad'aqtac mayi aÿim 'ai'anem. Qaq namayipi ÿaconguet, qataq ÿaÿateeta da ÿoqta 'eesa da 'am sachigoqtot, qataq i'amaqten da aÿim 'adamaxashic.

Juan 7:28

Qaq co'ollaq hua'aqchigui de'eda so Jesús mayi dapaxaguenataxaatapoigui aso n'onaxanaxaqui, nachi ÿataqta n'axannec da l'aqtac, 'eeta': –¡Qachi aÿim qauauattoñiÿo', qataq qauaÿajñi cam sachigoqta'ague! Qalaxayi aÿim sa ishit da maichi ñalligoxottela't da ñanac, cha'ayi aÿim lamaxashic ñim ÿataqta 'eesa, ñim qami' sa ishit da qauauattoñi.

2 Corintios 1:18

Qalaxayi ñi Dios qomi' ÿaÿateete' da sa ishit da saq ÿataxalec ca qad'aqtac da qami' sa'aqtaxanaxama.

Juan 16:12

Qaq aÿim qalota na i'aqtacpi da qami' sa'axatema, qalaxayi sa ishit da qauaÿajñi nagui.

Juan 7:16

Nachi so Jesús 'enapeco': –Da ÿapaxaguenataxanaxac, damayi sa ishit da ÿalamaxat, damayi chigoqo'ot ñim aÿim namaq.

Juan 3:11

Aja', qalaxayi ÿataqta 'eesa de'eda 'am sa'axatem, da qomi' sa'axataqtac cam saÿajnaq qataq cam sauanaqchigui, qalaxayi qami' sa ishit da qomi' qau'amaqchiñi'.

Juan 8:25

Nachi qainattac somayi, qoÿiita': –¿Négue't 'am? Nachi so Jesús 'enapeco': –Mashi sogote mque' da qami' sa'aqtaxaatapeguema so hua'auchiguiñi.

Juan 8:27

Qalaxayi namayipi sa ishit da ÿaÿajneguet da somayi nachiñi ñim lta'a ñim detaqtega.

Juan 18:20

Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi.