Juan 8:20 - Nuevo Testamento Toba Sur

²⁰ Qaq so Jesús 'enapec de'eda co'olla ñaq huetaigui aso n'onaxanaxaqui da dapaxaguenataxaatac, hueta'a yim naña aso laÿi' ana nachitaqtaxanaqte. Qalaxayi sa ishit da huo'o ca ÿañoxot da ÿaconeu'a somayi da icoñi', cha'ayi somayi saxanaxa da ivita ca laloqo'.

Nuevo Testamento Toba Sombrero Negro

²⁰ Jesús nenaĝategue jenjo' ca'li da'me cha'li dapaĝaguenataĝatapegoue joga'me tamenaĝaiqui, ga'me jo'ne na'ña jaga'me najaqaje lae't. Qalaĝaja qaya'te ta'le yaqanatet ta'le yacona louaq qaedi yecoñe', qa'a maliaĝa ja yovita da'me mach'e laloqo'.

La'aqtaqa Ñim Lo'onatac 'Enauacna 2013

²⁰ Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.

Juan 8:20 Referans Kwoze

Juan 7:30

Huaña, nachi qanshitaique da qaÿaconeu'a somayi da qaicoñi'. Qalaxayi sa ishit da huo'o ca nañoxota da ÿaconeu'a, cha'ayi somayi saxanaxa da ivita ca laloqo'.

Juan 7:8

Qauesomiÿa qome, qanqo'oñiu'a que'eca naponaxac. Aÿim, qalaxayi sa ishit da ñoqo'ona, cha'ayi saxanaxa da ivita yi ÿaloqo'.

Marcos 12:41

Huo'o so na'a'q so Jesús huetau'a aso n'onaxanaxaqui, nso'ootañi, sa qaÿapeque aso laÿi' ana nachitaqtaxanaqte. Nachi imeteetac na shiÿaxauapi mayi ÿasaqtapiguiñi ana lachitaqtaxanaqte. Qaq ÿataqta qalota nam sallaxanecpi mayi ÿaatapegueuo ana alom.

Juan 7:44

Qataq huo'o na huotaique da ÿaconeu'a somayi da icoñi', qalaxayi sa ishit da huo'o ca nañoxota da ÿaconeu'a.

Marcos 12:43

Nachi so Jesús iÿaxanoiguilo soua lapaxaguenataqa, nachi 'enapegalo, 'eeta': –Ÿataqta 'eesa de'eda qami' sa'axatema, da asa'aso pa'ai mayi choxodaq, asomayi ÿataqta ÿagueec aso ÿasaxañi, napacalec 'enauac na laÿipi mayi huo'o ana ÿasaxañi lachitaqtaxanaqte.

Mateo 27:6

Nachi som lataxala'pi na ntaxaÿaxanaxanecpi nachi ÿacona aso anom. Nachi 'enapeco': –Qomi' sa seshitaq da sachaqangui añi laÿi' ana nachitaqtaxanaqte ana plata, cha'ayi anamayi lashiue soua ntago'q.

Juan 10:39

Huaña, nachi qaltaq qanshitaique da qaÿaconeu'a da qaicoñi', qalaxayi so Jesús naneltaxan.

Juan 8:59

Huaña, nachi qaÿacona na coma' da qaÿauotaique da qaÿasaq so Jesús. Qalaxayi somayi nqañoxojñi, ca'ai aso n'onaxanaxaqui, taigui se'eso shiÿaxauapi, nachi jec.

Lucas 20:19

Nachi so lataxala'pi nam ntaxaÿaxanaxanecpi da qaitaxaÿapegue' ñi Dios qataq so dapaxaguenataxaatapeguec na nqataxacpi, somayipi nshitaique da nachi ÿaconeu'a se'eso na'a'q so Jesús, cha'ayi ÿaÿaten da nachiso somayipi ÿalamaqchigui de'eda qaÿaloqnaxaatega. Qalaxayi qañi'itega som shiÿaxauapi.

Mateo 26:55

Nachi so Jesús 'enapego' so shiÿaxauapi, 'eeta': –¿Tá'ainco' qami' yi qauauoita'alo naua qainaqalli' qataq naua qanpo'ñilli', da aÿim qañi'iguiñiÿauga, 'eeta'amo' da aÿim cachaxaic? Qamaq 'enauaque naua na'axa'te ñiso'ootanguilo qami', sapaxaguenataxaatac da sootaigui añi n'onaxanaxaqui late'edai, qalaq ¿tá'ainco' yi aÿim sa qauacoñiu'a da aÿim qaucoñiyi?

Lucas 21:1

Qaq co'ollaq ñaq hueta'a aso n'onaxanaxaqui late'edai so Jesús, nachi imeteetac nam sallaxanecpi mayi ÿasaqtapiguiñi ana lachitaqtaxanaqte.

Juan 2:4

Nachi so Jesús 'enapega asomayi, 'eeta': –'Am 'alo, ¿tá'ainco' yi qonetec de'eda da aÿim qonapega? Yi aÿim saxanaxa da ivita yi ÿaloqo'.

Juan 7:14

Qalaxayi co'ollaq mashi laiñi so naponaxac, nachi so Jesús taigui aso n'onaxanaxaqui, nachi quetot da dapaxaguenataxaatac.

Juan 8:2

Qaq so ña nte'etom so lÿa na'a'q, nachi somayi qaltaq ÿi'iguelaxau'a aso n'onaxanaxaqui. Nachi 'enauac na shiÿaxauapi nquigueu'a somayi, nachi somayi nso'ooñi, nachi quetot da dapaxaguenataxaatac.