Juan 7:31 - Nuevo Testamento Toba Sur

³¹ Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

Nuevo Testamento Toba Sombrero Negro

³¹ Chane'eja jalcote gaa'me jiyaĝadipi jo'ne 'uo da'me 'lamaqatenataĝanaĝac joñe'me qama'le enapega't: —Ga'me Dios Liquiyac, qom novi', ¿qo'li yauo'oe qayoĝode' gaa'me 'nanaqa 'me yaloĝo'n ta'le napacalegue da'me dojo' jiyaĝaua?

La'aqtaqa Ñim Lo'onatac 'Enauacna 2013

³¹ Qalaxaye ỹataqta qalota na ỹa'amaqten Somaye. Nache namayepi 'eeta': –Ca Lca'aguishec Ñim Lo'onatac 'Enauacna qom nvi', qalaq ivira'a sa ỹañoxot da ỹo'ot na na'anecpi maye ỹo'ot de'era ỹale.

Juan 7:31 Referans Kwoze

Juan 12:42

Qalaxayi ñaqaiyita ÿataqta qalota na judiopi na i'amaqten so Jesús, ivida'a nam ÿataqta 'amaqtaqaicpi. Qalaxayi namayipi sa ishit da ÿataqta nachaxaata, souaxat da ñi'itega na fariseopi da huo'otaq ÿamaqhuec namayipi da huo'otaq huaigui ana naponaxaqui,

Mateo 12:23

Nachi 'enauac na shiÿaxauapi ÿataqta huo'o da l'aalaxa, nachi 'eeta': –¿Nachida peta'a dam llalec so David de'eda?

Hechos 8:13

Nachi nataq'en ÿalecteuo so Simón da da'amqajnataxan, nachi qanachilaxan. Huaña, nachi ca'attague' so Felipe, ÿataqta huo'o da l'aalaxa da imeteetac nam lta'adaicpi mayi sa qaÿauanapega qataq nam n'anecpi mayi i'ottac somayi.

Juan 11:45

Huaña, nachi ÿataqta qalota nam i'amaqten so Jesús nam judiopi mayi anaÿa aso María da i'añaqchit co'ollaq ÿauaachigui dam i'ot so Jesús.

Juan 9:16

Nachi huo'o na fariseopi na 'eeta': –Se'eso shiÿaxaua mayi i'ot de'eda, somayi sa ishit da chigoqtot ñi Dios, cha'ayi sa ishit da huo'o ca ÿanaigui yi na'a'q mataxaqui. Qalaxayi huo'o na 'eeta': –¿Huá'ago' ca 'eetec da ishit da i'ot de'eda n'anec mayi sa qaÿauanapega, da huo'otaq somayi 'itaxaloxoic? Huaña, nachi nÿodacachi da lhuennataxac se'eso shiÿaxauapi.

Santiago 2:26

Qaq ÿoqo'oyi ca npi'iÿaxac, da saqca ca ÿaÿamaqchiguiñi l'onataxanaxac, nachi 'ico' leuaxaic. 'Eeta'am da qad'oquiaxac da saqca som capegue' lqui'i, nachi ileu.

Juan 12:11

cha'ayi souaxat da chigoqchigui somayi da ÿataqta qalota na judiopi na ca'ai somayipi da i'amaqten so Jesús.

Juan 6:2

Qaq ÿataqta qalota na shiÿaxauapi ca'attague' somayi souaxat da ÿauaatapigui na i'ottac n'anecpi mayi sa qaÿauanapega da natadeetac na sa no'onpi.

Juan 4:39

Qaq ÿataqta qalota nam lma' yi pueblo Samaria nam i'amaqten so Jesús souaxat de'eda l'aqtaxanaxac asa'aso 'alo co'ollaq 'eeta': “I'axatau'a 'enauac nam so'otpi co'ollaxa.”

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Juan 2:11

Qaq de'eda i'ot so Jesús huaña yi Caná mayi huaigui yi 'alhua Galilea. Qaq damayi nachida da hua'auchiguiñi nam i'otpi n'anec mayi sa qaÿauanapigui co'ollaq ÿachaxan da lli'oxoyic. Nachi so lapaxaguenatacpi ÿataqta i'amaqten somayi.

Lucas 8:13

Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Juan 4:29

–Ña qauanaqui qome, ña qamejnaxañiuga da shiÿaxaua mayi i'axatau'a 'enauac nam so'otpi co'ollaxa. ¿Peta'a nachida da nta'a nca'alaxaqui?

Juan 7:26

Cha'ayi damayi ÿataqta nachaxaata da detaqtac, qalaq qaica ca ishit da 'enapega damayi. ¿Ÿoqta peta'a da nataq'en na nta'alpi da i'amaqten damayi, da nachida dam nta'a nca'alaxaqui?