Juan 7:30 - Nuevo Testamento Toba Sur

³⁰ Huaña, nachi qanshitaique da qaÿaconeu'a somayi da qaicoñi'. Qalaxayi sa ishit da huo'o ca nañoxota da ÿaconeu'a, cha'ayi somayi saxanaxa da ivita ca laloqo'.

Nuevo Testamento Toba Sombrero Negro

³⁰ Qama'le ua'a da'me jetaque qoyaconeuo'o qaedi qoyecoñe', qalaĝaja qaya'te ta'le onolec jo'ne nodegue ga'me louaq qaedi yaconeuo'o, qa'a maliaĝa jona'li yovita da'me mach'e laloqo'.

La'aqtaqa Ñim Lo'onatac 'Enauacna 2013

³⁰ Huaña, nache qanshetaique da qaỹaconeua'a Somaye da qaicoñe'. Qalaxaye saishet da huo'o ca nañoxot da ỹaconeua'a, cha'aye Somaye saxanaxa da ivita ca laloqo' da qaỹaỹaten da chaq negue't Somaye.

Juan 7:30 Referans Kwoze

Juan 10:39

Huaña, nachi qaltaq qanshitaique da qaÿaconeu'a da qaicoñi', qalaxayi so Jesús naneltaxan.

Juan 8:20

Qaq so Jesús 'enapec de'eda co'olla ñaq huetaigui aso n'onaxanaxaqui da dapaxaguenataxaatac, hueta'a yim naña aso laÿi' ana nachitaqtaxanaqte. Qalaxayi sa ishit da huo'o ca ÿañoxot da ÿaconeu'a somayi da icoñi', cha'ayi somayi saxanaxa da ivita ca laloqo'.

Juan 7:6

Nachi so Jesús 'enapeco': –Aÿim saxanaxa da ivita yi ÿaloqo'. Qami', qalaxayi camachica na'a'q nachi 'en'am 'onaxaic qanqashiñi.

Juan 7:32

Na fariseopi co'ollaq hua'aqtapoigui na shiÿaxauapi da 'eetega so Jesús, nachi namayipi qataq nam lataxala'pi na ntaxaÿaxanaxanecpi namaq so huataxanaq mayi ilotague' aso n'onaxanaxaqui, da yaqto' ÿaconeu'a somayi da icoñi'.

Juan 11:57

Na fariseopi qataq na lataxala'pi na ntaxaÿaxanaxanecpi da qaitaxaÿapegue' ñi Dios, namayipi ÿan da l'aqtac da huo'otaq huo'o ca ÿaÿaten ca hueta'a so Jesús, nachi ishit da i'axat, da yaqto' qaÿaconeu'a somayi da qaicoñi'.

Juan 9:4

Cha'ayi llaxatemallaxa nagui da ñaq huo'o na na'a'q, nachi aÿim ishit da so'ot da l'onataxanaxac ñim aÿim namaq. Cha'ayi anata cam pe mayi huaigui da sa ishit da huo'o ca qai'ot.

Juan 8:59

Huaña, nachi qaÿacona na coma' da qaÿauotaique da qaÿasaq so Jesús. Qalaxayi somayi nqañoxojñi, ca'ai aso n'onaxanaxaqui, taigui se'eso shiÿaxauapi, nachi jec.

Juan 8:37

Aÿim mashi sogote da saÿaten da maichi qami' llalqa so Abraham. Qalaxayi chaq ta'ainec da qanshiitaique da aÿim qaualauachi souaxat da sa qau'amaqchiñi dam shinapec.

Juan 7:19

¿Sa ishito' peta'a da 'eesa so Moisés da qami' ÿanema so lqataxacpi? Qalaxayi ñaqaiyita sa ishit da huo'o ca 'oonolec da qoñiita da ÿalaxalec se'eso nqataxacpi. Cha'ayi ¿tá'ainco' yi qanshiitaique da aÿim qaualauachi?

Juan 7:8

Qauesomiÿa qome, qanqo'oñiu'a que'eca naponaxac. Aÿim, qalaxayi sa ishit da ñoqo'ona, cha'ayi saxanaxa da ivita yi ÿaloqo'.

Lucas 22:53

Qami' soota'agueta soua na'axa'te añi n'onaxanaxaqui late'edai, qalaq ¿tá'ainco' yi sa ishito' da aÿim qauacoñiu'a? Qalaxayi mashi ivita yi laloqo' da qau'onataxañi qataq da do'onataxan da l'añaxac na napalaxa.

Lucas 20:19

Nachi so lataxala'pi nam ntaxaÿaxanaxanecpi da qaitaxaÿapegue' ñi Dios qataq so dapaxaguenataxaatapeguec na nqataxacpi, somayipi nshitaique da nachi ÿaconeu'a se'eso na'a'q so Jesús, cha'ayi ÿaÿaten da nachiso somayipi ÿalamaqchigui de'eda qaÿaloqnaxaatega. Qalaxayi qañi'itega som shiÿaxauapi.

Marcos 11:18

Nachi hua'aqchigui de'eda nam lataxala'pi na ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi. Nachi namayipi nmittaique ca lataxac da yaqto' ÿalauat somayi souaxat da ñi'itega, cha'ayi 'enauac na shiÿaxauapi ÿataqta huo'o da l'aalaxa somayi naua lapaxaguenataxanaxaco.

Mateo 21:46

Nachi somayipi ÿauotaique da icoñi' so Jesús. Qalaxayi huo'o da lcolanaxa na shiÿaxauapi, cha'ayi namayipi 'eetega da so Jesús ÿataqta 'eesa da l'aqtaxanaxanec ñi Dios.

Juan 10:31

Nachi na judiopi qaltaq ÿacona na coma' da qaÿasaq somayi.

Mateo 12:14

Nachi so fariseopi huenoxoneec da detaxaÿapigui ca lataxac da qaÿalauat so Jesús.