Juan 7:26 - Nuevo Testamento Toba Sur

²⁶ Cha'ayi damayi ÿataqta nachaxaata da detaqtac, qalaq qaica ca ishit da 'enapega damayi. ¿Ÿoqta peta'a da nataq'en na nta'alpi da i'amaqten damayi, da nachida dam nta'a nca'alaxaqui?

Nuevo Testamento Toba Sombrero Negro

²⁶ Qa'a da'me dojo' joote ueta'ñena da'me dojetapegoue jena'me jiyaĝadipi ja nañoĝotetapiñe, qalaĝaja qaya'te ta'le onolec jo'ne yaqanatet da'me enapega. Qa'a ¿uotaĝa naa'me qadajoĝola'te e'n eja da'me naqaeda da'me jo'ne mach'e Dios Liquiyac?

La'aqtaqa Ñim Lo'onatac 'Enauacna 2013

²⁶ Cha'aye damaye ỹataqta nachaxaata da detaqtac, qalaq qaica ca ishet da 'enapega da de'enaxaatai'. ¿Yo'oqta da nataqa'en peta'a na qarta'alpi maye qomi' ilotegueto da ỹa'amaqten damaye, da nachera dam Lca'aguishec Ñim Lo'onatac 'Enauacna?

Juan 7:26 Referans Kwoze

Juan 7:48

¿Peta'a huo'o' ca 'oonolec na qadataxala'pi, huo'otaq nam fariseopi, da huo'otaq i'amaqten somayi?

Filipenses 1:14

Qaq can qaÿaÿaten da aÿim qaicoñittai', nachi huac da 'enauac na qadqaÿañicpi da n'añaxat da i'axat da l'aqtac ñi Dios, qataq ÿataqta pi'iÿa'a so qadataxala'. Qaica ca ñi'itaique.

Hechos 4:13

Nachi so nta'alpi co'ollaq ila'a da so Pedro qataq so Juan ÿataqta sa ñi'idelec da ltaxaÿaxa'c, qataq qaila'a da soomayi sa ishit da paxaguenaxaiqa, qataq nachina nam shiÿaxauapi mayi chochi huosoxoic, nachi huo'o da n'aalaxa. Qataq qaÿauatto'n da nachisoua soua nnaigaxa'u co'ollaxa so Jesús.

Juan 12:42

Qalaxayi ñaqaiyita ÿataqta qalota na judiopi na i'amaqten so Jesús, ivida'a nam ÿataqta 'amaqtaqaicpi. Qalaxayi namayipi sa ishit da ÿataqta nachaxaata, souaxat da ñi'itega na fariseopi da huo'otaq ÿamaqhuec namayipi da huo'otaq huaigui ana naponaxaqui,

Juan 9:22

Qaq 'enapec de'eda soua lta'al, souaxat da huo'o da lcolanqa', cha'ayi na judiopi mashi sogote da qanmachigui da ishit da qai'odauec da huo'otaq huetaigui aca laponaxaqui namayipi ca camachaqca shiÿaxaua da huo'otaq 'eetega so Jesús da nachiso so nta'a nca'alaxaqui.

Lucas 7:30

Qalaxayi nam ÿalectaigui na fariseopi, qataq nam dapaxaguenataxaatapeguec na nqataxacpi mayi sa ishit da lachilaxanatac so Juan, namayipi n'otane' dam Dios ÿauotaique da i'otec namayipi.

Mateo 22:16

Huaña, nachi huo'o na qanamaq nam lapaxaguenatacpi namayipi qataq nam ÿalectaigui na quetague' so nta'a Herodes, da yaqto' 'enapega so Jesús, 'eeta': –'Am mayi 'auapaxaguenataxaatac, qomi' saÿajnaq da 'am ÿataqta 'eesoda naua 'ad'aqtaqa, qataq 'auapaxaguenataxaatapeguec da llic da no'on nataxac mayi ÿaÿamaxadeeta ñi Dios, qataq sa ishit da 'auqochitega cam 'enapec na shiÿaxauapi, cha'ayi 'am sa ishit da 'aulotapigui da yi'oqchigui lataxac na shiÿaxauapi.

Lucas 23:13

Nachi so Pilato lapona't so lataxala'pi na ntaxaÿaxanaxanecpi qataq som nataxala'pi qataq na shiÿaxauapi.

Juan 3:1

Huo'o so ÿale ÿalectaigui na fariseopi, l'enaxat da Nicodemo. Somayi lataxala' na judiopi.

Juan 4:29

–Ña qauanaqui qome, ña qamejnaxañiuga da shiÿaxaua mayi i'axatau'a 'enauac nam so'otpi co'ollaxa. ¿Peta'a nachida da nta'a nca'alaxaqui?

Juan 7:25

Nachi huo'o na netaña yi Jerusalén na denataxaatac, 'eeta': –¿Sa ishito' peta'a da nachida dam da' dam qanmittaique da qaÿauotaique da qaÿalauat?

Juan 7:31

Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

Juan 18:20

Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi.