Juan 7:19 - Nuevo Testamento Toba Sur

¹⁹ ¿Sa ishito' peta'a da 'eesa so Moisés da qami' ÿanema so lqataxacpi? Qalaxayi ñaqaiyita sa ishit da huo'o ca 'oonolec da qoñiita da ÿalaxalec se'eso nqataxacpi. Cha'ayi ¿tá'ainco' yi qanshiitaique da aÿim qaualauachi?

Nuevo Testamento Toba Sombrero Negro

¹⁹ “Da'me ami, ñe'me Moisés ami yanema da'me lamaĝajoĝonaĝac ñe'me Dios. Qalaĝaja da'me ami qaya'te ta'le onolec jo'ne yoqo'cha. Qama'te ¿toqoch'e jetaque jayem aualachi?”

La'aqtaqa Ñim Lo'onatac 'Enauacna 2013

¹⁹ So Moisés qami' ỹanema co'ollaxa na lqataxacpi, qalaxaye ñaqaiyeta saishet da qaualaqaiguet. ¿Ta'ainco' da huotaique Aỹem qaualauache?

Juan 7:19 Referans Kwoze

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Juan 11:53

Huaña, nachi se'eso na'a'q chigoqchiguiña da na lataxala'pi na judiopi detaxaÿapigui ca lataxac, da yaqto' qaÿalauat so Jesús.

Juan 7:1

Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

Mateo 12:14

Nachi so fariseopi huenoxoneec da detaxaÿapigui ca lataxac da qaÿalauat so Jesús.

Gálatas 6:13

Cha'ayi ivida'a nam shiÿaxauapi mayi nañanguet da qaÿauo'o na n'anaxat na l'oc, namayipi sa ishit da i'ot 'enauac nam 'enapec na nqataxacpi. Qalaxayi namayipi chochi nshitaique da qami' qaÿauo'o na qan'anaxachi, yaqto' namayipi ishit da n'amaqten da ishit da qami' ÿile'n da yaqto' qaÿauo'o ca qan'anaxachi.

Gálatas 3:19

Nachi ¿negue'to' qone' cam naigui na nqataxacpi mayi chigoqo'ot so Moisés? Qomyi namayipi ÿaqa'aguet qanqoÿin, da yaqto' ishit da ÿachaxan na nasouaxashitpi. Nachi namayi do'onataxan, chochi ivitta'a da nvi' que'eca ñalec mayi taÿa'a de'eda qaÿachaxanapec. Ne'ena nqataxacpi co'ollaq qai'axat, qalaq chigoqchigui qanqoÿin so namaxashicpi piguem l'ecpi. Qaq so Moisés qalaq taiguet da ntaxaÿaxanaxanec.

Hechos 7:38

Qataq nachiso so Moisés som huetaigui so shiÿaxauapi co'ollaq huaña so tojlec 'alhua. Qataq nachiso so detaqtague' so namaxashic piguem l'ec co'ollaq huaña aso qasoxonaxa l'enaxat Sinaí, qataq hueta'aguet som hua'au qadta'alpi. Qataq nachiso so ÿaconguet co'ollaxa da n'aqtac mayi chigaqaigui da nca'alaxa, da yaqto' qomi' ÿanema.

Juan 10:39

Huaña, nachi qaltaq qanshitaique da qaÿaconeu'a da qaicoñi', qalaxayi so Jesús naneltaxan.

Juan 7:25

Nachi huo'o na netaña yi Jerusalén na denataxaatac, 'eeta': –¿Sa ishito' peta'a da nachida dam da' dam qanmittaique da qaÿauotaique da qaÿalauat?

Juan 5:45

Qaq sa ishit qome da qaupi'itaxañiitega da nachaÿim mayi sa'aqtaxanem qome ñi ita'a da chaq negue't ca qadasouaxashichi, cha'ayi som Moisés mayi nachiso so i'axat ca qadsomaxaqui, som qami' qauachiito'ot da qanaquitaxaqui.

Juan 5:18

Qaq ÿoqo'oyi na judiopi nquicteec da nshitaique da ÿalauat so Jesús, cha'ayi sa ishit da chaqdata da sa ÿalaxalec da lataxac yi na'a'q mataxaqui, cha'ayi nataq'en 'eetega da 'en'am ñi Dios co'ollaq 'eetega da ÿataqta lta'a ñimayi.

Juan 5:16

Qaq ÿoqo'oyi na judiopi icaatac so Jesús da nshitaique da ÿalauat, souaxat somayi da datannataxangui so na'a'q mataxaqui.

Marcos 3:6

Huaña, nachi so fariseopi jec da nqo'ona nam quetague'pi so Herodes da qaitaxaÿapigui ca lataxac da qaÿalauat so Jesús.

Marcos 3:4

Ime, nachi inat so shiÿaxauapi, 'eeta': –¿Chaq négue't ca qaÿashiita da qai'ot yi na'a'q mataxaqui, peta'a ca ÿaÿamaqchiguiñi, huo'otaq ca qauem? ¿Da qanca'alaxateec ca shiÿaxaua, qalqo' qaÿalauat? Qalaxayi somayipi ÿataqta ÿi'imaqtom.

Mateo 21:38

Qalaxayi co'ollaq qaila'aguet se'eso llalec, nachi so 'onataxanaxaicpi detaxaÿapega't, 'eeta': “'Ena cha'aguet nam talec qome qanqoÿin da lsallaxa so qan'aco'. Namayi salauataq, yaqto' qomi' talguete qome na nma'.”

Marcos 11:18

Nachi hua'aqchigui de'eda nam lataxala'pi na ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi. Nachi namayipi nmittaique ca lataxac da yaqto' ÿalauat somayi souaxat da ñi'itega, cha'ayi 'enauac na shiÿaxauapi ÿataqta huo'o da l'aalaxa somayi naua lapaxaguenataxanaxaco.