Juan 6:53 - Nuevo Testamento Toba Sur

⁵³ Nachi 'enapega somayipi so Jesús, 'eeta': –Aja', ÿataqta 'eesa de'eda qami' sa'axatema, da huo'otaq sa ishit da qolliqui da l'oquiaxac na shiÿaxaua llalec, qataq da sa ishit da qanÿomiiguilo naua ltago'q, nachi sa ishit da huo'o ca qadca'alaqai.

Nuevo Testamento Toba Sombrero Negro

⁵³ Jesús male enaac: —Eja da'me ami ja'aĝatema, da'me jayem jo'ne jayem Jiyaĝaua Lec'oĝot: qom ja aualiqui jenjo' yapat, nataq'aen da'me ja aniyomiyigui jana'me yetauo', qama'le ja auañiya da'me nec'alaĝa jo'ne qaya'te loiquiaqa'.

La'aqtaqa Ñim Lo'onatac 'Enauacna 2013

⁵³ Nache So Jesús, 'eeta': –Aja', ỹataqta 'eesa de'era qami' sa'axatema, da huo'otaq saishet da qolliqui da lo'ocỹaxac na Shiỹaxaua Llalec, qataq da saishet da qanỹomiiguilo naua ltago'q, nache saishet da huo'o ca qarca'alaqai chochaq tatec.

Juan 6:53 Referans Kwoze

1 Juan 5:12

Qaq cam n'attau'a so llalec ñi Dios, qaq camayi nataq'en hueto'ot de'eda nca'alaxa. Qaq cam sa ishit da n'attau'a somayi, qaq sa ishit da hueto'ot de'eda nca'alaxa.

Juan 6:55

Cha'ayi da i'oquiaxac, nachida da ÿoqta 'eesa nallic, qataq naua itago'q, nachinaua na ÿoqta 'eesa naquip.

Juan 15:4

Qaq nachi 'eetai' qome da aÿim qan'ayiitau'a, 'eeta'am da 'eetec da aÿim qami' ñi'atta'agueta. Cha'ayi acam lcoue sa ishit da maichi huo'o ana ala, da sa ishit da ÿoqta n'attau'a acam lamo. Qaq nachi 'eetec nataq'en da sa ishit da maichi huo'o ca alaÿaxac da qoñiita, da huo'otaq sa ishit da aÿim qan'ayiitau'a.

Juan 6:47

Qaq ÿataqta 'eesa de'eda qami' sa'axatema, da cam aÿim i'amaqten, nachi ishit da huo'o da lca'alaxa mayi chochaq tateec.

Juan 3:3

Nachi so Jesús 'enapega somayi, 'eeta': –Aja', ÿataqta 'eesa de'eda 'am sa'axatem, da ca shiÿaxaua da sa ishit da ÿi'iguelaxalec da qaltaq ñiguiñi, qaq sa ishit da ila'a da l'onataxanaxac ñi Dios da ilo'ogue 'enauacna.

Apocalipsis 2:17

Qaq ÿoqo'oyi ca ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi aÿim sanem da chic ca nallic saq cha'a mayi chigoqo'ot ñi Dios, qataq nataq'en sami' ca coma' lapagaxaic. Qaq que'eca coma' nanettalec ca dalaxaic l'enaxat mayi sa ishit da huo'o ca ÿaÿaten, chaqcata cam ÿaconguet mayi ÿaÿaten.”

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Mateo 18:3

Nachi 'enapeco': –Ÿoqta 'eesa de'eda qami' shinapegalo da huo'otaq qami' sa ishit da qavi'iguelaqÿa da qau'enaxachi ca nogotolec, nachi qami' sa ishit da qaunoxoñiu'a da l'onataxanaxac ñi Dios mayi neta'ague da piguem.

Juan 3:5

Nachi so Jesús 'enapeco': –Aja', ÿataqta 'eesa de'eda 'am sa'axatem, da ca sa ishit da nañan da qanachilaxan qataq da nañanot so Espíritu da nadalaxat, nachi camayi sa ishit da inoxoneu'a da l'onataxanaxac ñi Dios da ilo'ogue 'enauacna.

Lucas 13:5

'A'i, sa ishit. Qami' nataq'en da sa ishit da qai'axañiideec naua qan'onataxacolli', qaq nataq'en 'enauac da qoñiita qadellivi.

Lucas 13:3

'A'i, sa ishit. Qami' nataq'en qom sa ishit da qai'axañiideec naua qan'onataxacolli', qaq nataq'en 'enauac da qoñiita qadellivi.

Juan 13:8

Qalaxayi so Pedro 'enapeco': –'A'i, sa ishit da 'am sashinem da 'auÿoi' naua ÿapia'te. Nachi so Jesús 'enapega somayi, 'eeta': –Da sa ishit da 'am seÿo, nachi 'am sa ishit qome da 'am ÿapaxaguenatac.

Mateo 5:18

Cha'ayi qami' shinapegalo da huo'otaq ñaq huo'o na piguem qataq ana 'alhua, qalaq sa ishit da huo'o ca qanqat nam saq 'amaqtaq ledaxatpiolec nam nqataxacpi, nato' qom mashi ipacchigui 'enauac nam taÿa'a da yi'oq.

Apocalipsis 2:7

Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Juan 6:51

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Juan 6:62

Qaq ¿huá'ago' ca qoñiitec qone' da huo'otaq qami' qauloÿa'a na shiÿaxaua llalec da ÿi'iguelaxashiguema yim hueta'a co'ollaxa?