Juan 6:50 - Nuevo Testamento Toba Sur

⁵⁰ Qalaxayi aÿim sa'axattac aso pan mayi chigoqo'ot na piguem, da ca chic asomayi, nachi sa ishit da ileu.

Nuevo Testamento Toba Sombrero Negro

⁵⁰ Qalaĝaja jaga'me pan jo'ne chiyaqaje'ma di'me piyem, ga'me jo'ne yalic joñe'me ja yeleu.

La'aqtaqa Ñim Lo'onatac 'Enauacna 2013

⁵⁰ Qalaxaye Aỹem sa'axattac aso nauole maye chegoqo'ot na piguem, da ca chec asomaye, nache saishet da ileu.

Juan 6:50 Referans Kwoze

Juan 6:33

Cha'ayi acam pan mayi ÿan ñi Dios, nachaca acam chigoqtot na piguem mayi anac da ÿanem da lca'alaxa na shiÿaxauapi.

Romanos 8:10

Cha'ayi so Cristo da mashi qami' nachattaiguilo, nachi nca'aleec som qoquiÿapegue' qadqui'ii, cha'ayi mashi ime da qami' ÿaÿamaxadeete' ñi Dios, qaq nai'ctaxa da huo'otaq de'eda ñi'itaxaloxo ishit da ÿalauat da qad'oquiaxaqui.

Juan 6:58

Qaq aÿim sa'axattac aso pan mayi chigoqo'ot na piguem. Qaq asa'aso pan, asomayi sa ishit da 'eeta'am aso maná mayi chictac co'ollaxa som hua'au qadta'aipi, qalaxayi nachi 'en'am 'enauac somayipi ileu. Qaq cam chic asa'aso pan mayi sa'axattac, nachi camayi nachi 'eetai' da nca'altauec.

Juan 6:51

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Juan 8:51

Qaq ÿataqta 'eesa de'eda qami' sa'axatema, da ca ÿalaxaguet dam shinapec, nachi camayi sa nauane' da ileu.

Juan 6:42

Nachi somayipi 'eeta': –¿Damayi sa ishito' da nachida da Jesús, dam llalec so José? Qomi' sauattonaq so lta'a José qataq aso late'e. Qaq ¿táloxochiyo' da 'enapec chigoqo'ot na piguem?

Juan 3:13

Cha'ayi sa ishit da huo'o ca taigue da piguem, chaqcata cam chigaqa'ague da piguem, mayi nachina nam shiÿaxaua llalec, mayi nachi 'eetai' da neta'ague da piguem.

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Juan 6:47

Qaq ÿataqta 'eesa de'eda qami' sa'axatema, da cam aÿim i'amaqten, nachi ishit da huo'o da lca'alaxa mayi chochaq tateec.