Juan 6:38 - Nuevo Testamento Toba Sur

³⁸ Cha'ayi aÿim sa ishit da sachigoqtot na piguem da ñanac da so'ot ca maichi shiitapeguec, chaqdata da ñanac da so'ot ca 'eetapeguec ñim aÿim namaq.

Nuevo Testamento Toba Sombrero Negro

³⁸ Da'me jayem ja ja'uo ga'me jo'ne mach'e yelnataĝac, qa'a jachiyoĝogue di'me piyem qaedi ja'uo ga'me jo'ne lelnataĝac joñe'me Taĝadena' jo'ne jayem namaĝaquena.

La'aqtaqa Ñim Lo'onatac 'Enauacna 2013

³⁸ Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

Juan 6:38 Referans Kwoze

Juan 5:30

Aÿim sa ishit da maichi aÿim chigoqchigui da huo'otaq huo'o ca so'ot. Cha'ayi da huo'otaq so'ot ca lasouaxashit ca shiÿaxaua, qalaq aÿim selotelec ca ñi'aqtac, nachi sa ishit da depe'enaxan cam so'ot. Cha'ayi aÿim sa ishit da so'ot cam maichi shiitapeguec, cha'ayi chaqcata ca 'eetapeguec ñi ita'a mayi aÿim namaq, nachica so'ot.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Juan 3:31

Cam chigaqa'ague da piguem, camayi napacalec 'enauacna. Qaq cam chigaqalec ana 'alhua, camayi ipacchigui ca chochi 'alhua l'ec. Nachi da detaqa, qalaq i'axattac na huetalec ana 'alhua. Qalaxayi cam chigaqa'ague da piguem, camayi napacalec 'enauacna.

Juan 6:33

Cha'ayi acam pan mayi ÿan ñi Dios, nachaca acam chigoqtot na piguem mayi anac da ÿanem da lca'alaxa na shiÿaxauapi.

Juan 3:13

Cha'ayi sa ishit da huo'o ca taigue da piguem, chaqcata cam chigaqa'ague da piguem, mayi nachina nam shiÿaxaua llalec, mayi nachi 'eetai' da neta'ague da piguem.

Hebreos 5:8

Qaq so Cristo, somayi nai'ctaxa da ñalec, qalaxayi somayi napaxaguena da ÿalaq, souaxat da nque'ejnaxac.

Romanos 15:3

Cha'ayi so Cristo sa ishit co'ollaxa da maichi naÿamaxadeetapeguela't. Chaqdata da ipacchiguilo naua nanettrañi l'aqtaqa ñi Dios mayi 'eeta': “Da lshiunaxanaxac nam 'am ishiueetac 'enauac aÿim talec.”

Efesios 4:9

Qaq ¿huá'ague ca 'eetec ca naigui de'eda n'aqtac mayi 'eeta': “taigue da piguem?” Qomyi damayi naigui da somayi i'auaxaañi co'ollaxa da naÿa ana 'alhua mayi ÿataqta qaÿoqta.

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

Juan 3:17

Ñi Dios sa ishit da namaxa na llalec ana 'alhua, da yaqto' ÿauo'o ca nhuaxanaguec na shiÿaxauapi. Chaqdata da anaga da nca'alaxateec namayipi.

Juan 5:19

Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da ne'ena llalec ñi Dios, namayi sa ishit da huo'o ca i'ot da huo'otaq maichi ndojlec, cha'ayi namayi i'ot cam ÿauaachigui da i'ot ñi lta'a. Qaq ÿoqo'oyi 'enauac nam i'otpi ñi lta'a, qaq nataq'en i'ot nam llalec.

Juan 6:29

Nachi so Jesús 'enapeco': –Da 'eetapeguec ñi Dios nshitaique da qami' qau'amaqchiñi nam namaq ñimayi.

Juan 6:42

Nachi somayipi 'eeta': –¿Damayi sa ishito' da nachida da Jesús, dam llalec so José? Qomi' sauattonaq so lta'a José qataq aso late'e. Qaq ¿táloxochiyo' da 'enapec chigoqo'ot na piguem?

Juan 6:57

Ñim ita'a mayi aÿim namaq, ñimayi huo'o da lca'alaxa, nachi de'eda ica'alaxa chigoqo'ot ñimayi. Qaq nachi 'eetec nataq'en ca aÿim chic, nachi camayi aÿim ÿachigoxoto'ot da lca'alaxa.