Juan 6:2 - Nuevo Testamento Toba Sur

² Qaq ÿataqta qalota na shiÿaxauapi ca'attague' somayi souaxat da ÿauaatapigui na i'ottac n'anecpi mayi sa qaÿauanapega da natadeetac na sa no'onpi.

Nuevo Testamento Toba Sombrero Negro

² Jalcote ga'me jiyaĝadipi 'me quetapegue', qa'a qoyauana ga'me laloĝonataĝanaĝaco jo'ne di'yo't 'me yauo'oe, e'n yemedegue joga'me leuaĝayaqa.

La'aqtaqa Ñim Lo'onatac 'Enauacna 2013

² Qaq ỹataqta qalota na shiỹaxauapi ca'attague' Somaye, souaxat da ỹauaachigui na ỹo'ottac na'anecpi maye sa qaỹauanapega, qataq natareetac na sa no'onpi.

Juan 6:2 Referans Kwoze

Mateo 12:15

Qaq so Jesús co'ollaq ÿaÿaten de'eda, nachi ca'ai yi'iyi hueta'a. Nachi ÿataqta qalota som shiÿaxauapi mayi ca'ategue somayi. Nachi somayi nataden 'enauac nam sa no'onpi.

Juan 2:11

Qaq de'eda i'ot so Jesús huaña yi Caná mayi huaigui yi 'alhua Galilea. Qaq damayi nachida da hua'auchiguiñi nam i'otpi n'anec mayi sa qaÿauanapigui co'ollaq ÿachaxan da lli'oxoyic. Nachi so lapaxaguenatacpi ÿataqta i'amaqten somayi.

Marcos 6:33

Qalaxayi qalota co'ollaxa na ÿauaategue somayi co'ollaq jec qataq qaÿauatton so Jesús. Nachi hua'aua ca qotaÿa'a 'alhua 'enauac nam chigoqchiguiñalo naua puebloyi, nachi hua'auñi da ivi' co'ollaq saxanaxa da ivilyi' soomayi.

Mateo 14:14

Nachi co'ollaq huenoteeguesop aso barco so Jesús da le'ego, nachi chochi ilaigui so shiÿaxauapi ÿataqta qalota, nachi ÿataqta qalota da lchoxonnataxanaxa somayipi. Huaña, nachi nataden na sa no'onpi mayi qandotauo.

Mateo 8:1

Qaq co'ollaq chigoqtalec aso qasoxonaxa so Jesús, nachi ÿataqta qalota so shiÿaxauapi quetague'.

Mateo 13:2

Nachi ÿataqta qalota na shiÿaxauapi laponeu'a cam hueta'a somayi. Nachi so Jesús huenojñigui aso barco, nachi 'enauac se'eso shiÿaxauapi hueto'ot na loigue aso lapel.

Marcos 1:45

Qalaxayi se'eso shiÿaxaua co'ollaq jec, nachi quetot da da'aqtaxanem 'enauac na shiÿaxauapi dam huaigui co'ollaxa. Qaq ÿoqo'oyi so Jesús nachi sa ishit da nachaxaneu'a na pueblopi. Chaqdata da huetaugalo naua tojleguete 'ale'u. Qalaxayi nachi 'en'am chigoqteguelo na anac da anaÿa somayi.

Juan 2:23

So Jesús co'ollaq hueta'a yi Jerusalén da ÿalectaigui so na'a'q mayi huetoigui da qaiuennate co'ollaq qanayica'ai yi Egipto, nachi ÿataqta qalota na i'amaqten somayi, souaxat da ÿauaatapigui na i'otpi n'anecpi mayi sa qaÿauanapigui.

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Juan 6:14

Nachi som shiÿaxauapi mayi ÿauaachigui de'eda n'anec mayi sa qaÿauanapega mayi i'ot so Jesús, nachi somayipi 'enapeco': –Ÿoqta 'eesa da nachida damayi dam l'aqtaxanaxanec ñi Dios mayi qai'axatta'aguet co'ollaxa da naÿa'a ana 'alhua.

Juan 6:22

Nachi so lÿa na'a'q, nachi na shiÿaxauapi mayi n'ona'atague da le'ego aso lapel, namayipi nomta'a da soua lapaxaguenataqa so Jesús ndotreec co'ollaq huenojyingui aso 'oonole barco, qaq so Jesús sa ishit da nnaictagueto soomayi.

Juan 6:26

Qalaxayi so Jesús 'enapega somayipi, 'eeta': –Ÿataqta 'eesa de'eda qami' shinapegalo, da qami' aÿim qanmichiitaique, cha'ayi qami' qauqui'ii, nachi qami' comadaxaiqa, qaq sa ishit da souaxat da qami' qauaÿajñi ca naigui na n'anecpi mayi sa qaÿauanapega.

Juan 6:30

Nachi qainat somayi, qoÿiita': –Qaq ¿négue'to' ca n'anec ishit da qomi' 'auachaxanalo, da yaqto' seloxogui, nachi ishit da 'am sa'amaqtenaq? Qaq ¿négue't cam 'au'ot?

Juan 11:47

Nachi nam fariseopi qataq nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi i'ot so laponaxac, huaxaiguet na loicnatac na lataxaguesat da detaxaÿapega't. Nachi somayipi 'enapeco': –¿Huá'ague ca shinaqtec? Cha'ayi se'eso shiÿaxaua ÿataqta qalota na i'ot n'anecpi mayi sa qaÿauanapega.

Juan 12:18

Nachi na shiÿaxauapi huaqata'aguet so Jesús, cha'ayi qaÿaÿaten dam i'ot n'anec mayi sa qaÿauanapega.

Juan 12:37

Qaq nai'ctaxa da so Jesús ÿataqta qalota na i'ot n'anec mayi sa qaÿauanapega da ÿauaachigui naq'en somayipi, qalaxayi ñaqaiyita sa ishit da qai'amaqten somayi.

Juan 20:30

So Jesús nataq'en qalota na i'ot n'anecpi mayi sa qaÿauanapega da ÿauaachigui naq'en so lapaxaguenatacpi da sa ishit da qoÿittalec ana'ana nede.