Juan 5:36 - Nuevo Testamento Toba Sur

³⁶ Qalaxayi aÿim huo'o da ñi'aqtaguec mayi ÿataqta napacalec da l'aqtaxanaxac so Juan. Cha'ayi nam so'otpi, nachina na aÿim ÿamaxalecpi ñi ita'a. Qaq nachina na ÿoqta ichoxot da 'eesa da aÿim namaq ñimayi.

Nuevo Testamento Toba Sombrero Negro

³⁶ Qalaĝaja 'uo da'me 'naqataĝanaĝac jo'ne yataqachiñe napacalegue da'me 'laqataĝanaĝac ñe'me Juan, nach'eda da'me jo'ne ja'uo; joda'me jo'ne ñe'me Qadet'a jayem nachoĝonaĝanec qaedi je'et, qama'le da'me dojo' jo'ne auañiya yechoĝot da'me yataqatelegue da'me jayem namaĝaquena ñe'me Qadet'a.

La'aqtaqa Ñim Lo'onatac 'Enauacna 2013

³⁶ Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye.

Juan 5:36 Referans Kwoze

Juan 10:25

Nachi so Jesús 'enapeco': –Mashi ime mque' da qami' sa'aqtaxaatapeguema, qalaxayi sa ishit da aÿim qau'amaqchiñi. Nam so'ottacpi, namayi nachina na aÿim ÿamaxalecpi ñi ita'a, qaq nachina na 'eeta'am da qami' da'aqtaxanema.

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Juan 2:23

So Jesús co'ollaq hueta'a yi Jerusalén da ÿalectaigui so na'a'q mayi huetoigui da qaiuennate co'ollaq qanayica'ai yi Egipto, nachi ÿataqta qalota na i'amaqten somayi, souaxat da ÿauaatapigui na i'otpi n'anecpi mayi sa qaÿauanapigui.

1 Juan 5:9

Qaq qomi' ishit da sa'amaqtenaq da l'aqtaxanaxac ca chochi shiÿaxaua. Qalaxayi da l'aqtaxanaxac ñi Dios ÿataqta ÿacteec, cha'ayi damayi i'axat da n'aqtaguec so llalec.

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Juan 3:17

Ñi Dios sa ishit da namaxa na llalec ana 'alhua, da yaqto' ÿauo'o ca nhuaxanaguec na shiÿaxauapi. Chaqdata da anaga da nca'alaxateec namayipi.

Mateo 11:4

Nachi so Jesús 'enapeco': –Qauesomiÿa, qau'aqtaxañiim qome ca Juan 'enauac nam qami' qauauañiichigui qataq nam qau'aqaichigui.

Hechos 2:22

Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi.

Juan 5:32

Qalaxayi huo'o ñim lÿa mayi aÿim i'axattac, qaq aÿim saÿaten da ca 'enapec ñimayi, camayi ÿataqta 'eesa.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Juan 17:4

Qaq aÿim ÿataqta 'am shi'oxodeetac nagui da soota'a ana 'alhua, qataq ÿataqta sematta da aÿim 'auamaxalec da so'ot.

Juan 11:37

Qalaxayi somayipi huo'o na 'eeta': –De'eda shiÿaxaua yi ishit da ÿauo'oi naua l'ai'te na sa nauaañi, qalaq ¿táloxochiyictoxo' da saq huo'o ca 'eetec da yaqto' sa ipaca'aguet naq'en da l-leuaxa co'ollaxa yi Lázaro?

Lucas 2:49

Nachi so Jesús 'enapeco': –¿Tá'ainco' yi aÿim qanmichiitaique? ¿Sa qauaÿajñiÿo' da aÿim iuen da souapegue' na l'onataxanaxacpi ñi ita'a?