Juan 5:18 - Nuevo Testamento Toba Sur

¹⁸ Qaq ÿoqo'oyi na judiopi nquicteec da nshitaique da ÿalauat so Jesús, cha'ayi sa ishit da chaqdata da sa ÿalaxalec da lataxac yi na'a'q mataxaqui, cha'ayi nataq'en 'eetega da 'en'am ñi Dios co'ollaq 'eetega da ÿataqta lta'a ñimayi.

Nuevo Testamento Toba Sombrero Negro

¹⁸ Chane'eja nach'eda da'me dojo' yajouaĝat jogaa'me judiopi lajoĝola'te ua'ajopa da'me ma'ejama'le yediaĝadelegue da'me jetaque yala't joñe'me Jesús, qa'a ja nach'edata da'me t'onataĝañgui ga'me nolo' jo'ne niyamaqatac, dite da'me eetapela't ena'am ñe'me Dios ca'li eetapega ñe'me Dios nach'eñe jo'ne yataqachiñe Let'a.

La'aqtaqa Ñim Lo'onatac 'Enauacna 2013

¹⁸ Qaq ỹoqo'oye na lataxala'pi na judiopi nquictec da lyaxa da ỹalauat So Jesús, cha'aye saishet da nachaqrata da sa ỹalaxalec da lataxac ye na'a'q mataxaqui, cha'aye nataqa'en 'eetega da ỹataqta Lta'a Ñim Lo'onatac 'Enauacna, qaq ỹoqo'oye da lataxac 'eeta'am Ñimaye.

Juan 5:18 Referans Kwoze

Juan 10:33

Nachi nam judiopi 'enapeco': –Sa ishit da 'am sasaxasoq na coma' da souaxat cam ÿaÿamaqchiguiñi 'au'ottac. Mayi 'am sasaxasoq, souaxat naua 'ad'aqtaqa ÿataqta npa'agueneto ñi Dios. Qamaq 'am chochi 'am shiÿaxaua, qalaq qonetega da 'am Dios.

Juan 10:30

Aÿim qataq ñi ita'a qomi' 'oonolec da qadataxac.

Juan 19:7

Qalaxayi na judiopi 'enapeco': –Qomi' huo'o dam nqataxac mayi qomi' qoÿanema co'ollaxa, qaq damayi 'enapec yi ishit da qaÿalauat ca shiÿaxaua, cha'ayi damayi yi 'eetega da llalec ñi Dios.

Juan 8:58

Nachi so Jesús 'enapeco': –Aÿim ÿataqta 'eesa de'eda qami' sa'axatema, da co'ollaq saxanaqca da huo'o so Abraham, qalaq nal'ena da aÿim huo'o.

Juan 14:23

Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

Juan 5:23

yaqto' 'enauac na shiÿaxauapi ishit da ÿi'oxoden na llalec, 'eeta'am naq'en da 'eetec da ÿi'oxoden ñi lta'a. Qaq cam sa ishit da ÿi'oxoden na llalec, qaq camayi sa ishit nataq'en da ÿi'oxoden ñim lta'a mayi namaq namayi.

Filipenses 2:6

Cha'ayi somayi nai'ctaxa co'ollaxa da 'eeta'am da lataxac ñi Dios, qalaxayi sa ishit da ÿictega da 'eeta'am da lataxac ñimayi.

Apocalipsis 22:3

Huaña yimayi, nachi sa ishit da huo'o ca qaÿauo'o ca nhuaxanaguec. Qaq aca nso'onaxaqui ñi Dios qataq so qagueta llalec nachi netaña yimayi. Nachi nam lamaxashicpi ñimayi nachi ÿi'oxodeetac.

Apocalipsis 22:1

Nachi so namaxashic aÿim ÿachaxana so tala mayi chigoqtapoigui da nca'alaxa na l'ec 'etaxat. Somayi 'eeta'am na chauec, ÿataqta yi'oqchiguiñi. Qaq somayi chigoqteu'a ca nso'onqa' ñi Dios qataq so qagueta llalec.

Juan 8:54

Nachi so Jesús 'enapeco': –Da aÿim maichi ñi'oxodeetapeguela't, nachi de'eda ñi'oxonnaxac, damayi qaica ca naigui. Qalaxayi ñim aÿim ÿi'oxodeetac, nachiñi ñi ita'a ñi qami' qoñiitega nataq'en da qadta'ai Dios.

Juan 7:19

¿Sa ishito' peta'a da 'eesa so Moisés da qami' ÿanema so lqataxacpi? Qalaxayi ñaqaiyita sa ishit da huo'o ca 'oonolec da qoñiita da ÿalaxalec se'eso nqataxacpi. Cha'ayi ¿tá'ainco' yi qanshiitaique da aÿim qaualauachi?

Juan 7:1

Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

Juan 5:16

Qaq ÿoqo'oyi na judiopi icaatac so Jesús da nshitaique da ÿalauat, souaxat somayi da datannataxangui so na'a'q mataxaqui.

Juan 14:9

Nachi so Jesús 'enapego' somayi, 'eeta': –Felipe, aÿim mashi huo'oi soua na'axa'te da qami' soota'agueta, ¿qalaq ñaq saxanoxo' da aÿim 'auauatton? Cha'ayi ca aÿim ila'a, camayi nataq'en ila'a ñi ita'a, qaq ¿tá'ainco' yi aÿim 'auÿaxaatacot da qami' salloxonaxanguilo ñi ita'a?

Mateo 12:5

Qataq qami' ¿sa ishit peta'a da qautaxaÿaxañiÿa'pe naua lqataxaco so Moisés da na ltaxaÿaxanaxanecpi na shiÿaxauapi da qaitaxaÿapegue' ñi Dios mayi do'onataxaatapoigui aso n'onaxanaxaqui da namayipi sa ishit da nmateec yi na'a'q mataxaqui, qalaq ñaqyita sa ishit da huo'o ca lasouaxashit?

Juan 1:19

Na judiopi mayi lma' yi Jerusalén ÿamaq na ntaxaÿaxanaxanecpi da qaitaxaÿapegue' ñi Dios qataq nam Leví llalaqpi mayi ltaua namayipi da nnataxana so Juan da chaq negue'tso somayi.

Juan 5:15

Nachi se'eso shiÿaxaua jec da da'aqtaxanem na judiopi da nachiso so Jesús som nataden somayi co'ollaxa.

Juan 5:17

Qalaxayi so Jesús 'enapega somayipi, 'eeta': –Ñi ita'a nachi 'eetai' naxa da do'onataxaatac, qaq ÿoqo'oyi aÿim nataq'en so'onataxan.