Juan 5:17 - Nuevo Testamento Toba Sur

¹⁷ Qalaxayi so Jesús 'enapega somayipi, 'eeta': –Ñi ita'a nachi 'eetai' naxa da do'onataxaatac, qaq ÿoqo'oyi aÿim nataq'en so'onataxan.

Nuevo Testamento Toba Sombrero Negro

¹⁷ Jesús male 'yategueta: —Ñe'me Taĝadena' nach'e eta't t'onataĝan, nataq'aen jayem nach'e ena'am jo'onataĝatac.

La'aqtaqa Ñim Lo'onatac 'Enauacna 2013

¹⁷ Qalaxaye So Jesús 'enapegalo soomaye, 'eeta': –Ñi Ita'a, saishet da ỹaxaañi da lo'onataxanaxac, qaq nache 'eetec nataqa'en Aỹem.

Juan 5:17 Referans Kwoze

Juan 14:10

Qaq ¿sa ishito' peta'a da 'au'amaqten da ñi ita'a aÿim hueta'aguet qataq aÿim soota'aguet ñimayi? Naua i'aqtaqa mayi ñanoldeec, naamayi sa ishit da maichi ñalligoxottrela't, cha'ayi ñi ita'a mayi aÿim nachattaigui, nachiñi ñim i'ot cam maichi l'onataxanaxac.

Juan 9:4

Cha'ayi llaxatemallaxa nagui da ñaq huo'o na na'a'q, nachi aÿim ishit da so'ot da l'onataxanaxac ñim aÿim namaq. Cha'ayi anata cam pe mayi huaigui da sa ishit da huo'o ca qai'ot.

Colosenses 1:16

Qaq ÿachigoxotchigui somayi co'ollaq i'ot 'enauac nam hueto'ot na piguem qataq nam huetalec ana 'alhua, qataq 'enauac nam sa ishit da qaila'a, qataq nam ishit da qaila'a. Nataq'en nam nta'alpi, damaxasoxonapecpi, nataxala'pi qataq na 'añaxaicpi mayi saq cha'a, 'enauac chigoqchigui somayi. Qaq 'enauac maichi lalamaxatpi.

1 Corintios 12:6

Qataq saq 'en'a't da lataxac da l'onataxanaxac na shiÿaxauapi, qalaxayi nachiñi ñi Dios mayi i'onataxanaxan 'enauac namayipi.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Hechos 17:28

Cha'ayi ñim Dios nachiñi ñi huo'o mshi yica'alaqtauec, qataq sedaqtapigui', qataq ñachaataqtac. Qaq damayi nataq'en nachi l'aqtac som ÿajnaxanaxaicpi da qoñiita, 'eeta': “Qomi' maichi qomi' llalaqpi ñi Dios.”

Hechos 14:17

Qalaxayi ñaqaiyita ñimayi ÿataqta qomi' nachaxaatalo, da qomi' i'oteque da ÿaÿamaqchiguiñi, da qomi' namaxalo na auot, qataq 'onaxaic naq'en na qodanguishic, qataq sa qoue naq'en na qonoq, da yaqto' samaqchiguiñi.

Mateo 10:29

Cha'ayi ishit da qaishijnaxanalo caua dos qoÿolqa da lashiue qanqoÿin aca 'oonole lcatole. Qalaxayi sa ishit da huo'o ca 'oonolec namayipi da chochi talec ana 'alhua naq'en ñim qadta'ai.

Juan 5:16

Qaq ÿoqo'oyi na judiopi icaatac so Jesús da nshitaique da ÿalauat, souaxat somayi da datannataxangui so na'a'q mataxaqui.

Juan 5:18

Qaq ÿoqo'oyi na judiopi nquicteec da nshitaique da ÿalauat so Jesús, cha'ayi sa ishit da chaqdata da sa ÿalaxalec da lataxac yi na'a'q mataxaqui, cha'ayi nataq'en 'eetega da 'en'am ñi Dios co'ollaq 'eetega da ÿataqta lta'a ñimayi.

Juan 10:36

Qaq da huo'otaq ñim Dios aÿim iÿotauga co'ollaxa, nachi aÿim namaxa ana 'alhua, qaq ¿tá'ainco' qami' yi qoñiitega da npa'agueneto naua i'aqtaqa ñimayi, souaxat da shiitega da aÿim llalec ñimayi?

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.