Juan 4:34 - Nuevo Testamento Toba Sur

³⁴ Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Nuevo Testamento Toba Sombrero Negro

³⁴ Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

La'aqtaqa Ñim Lo'onatac 'Enauacna 2013

³⁴ Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Juan 4:34 Referans Kwoze

Juan 6:38

Cha'ayi aÿim sa ishit da sachigoqtot na piguem da ñanac da so'ot ca maichi shiitapeguec, chaqdata da ñanac da so'ot ca 'eetapeguec ñim aÿim namaq.

Juan 5:30

Aÿim sa ishit da maichi aÿim chigoqchigui da huo'otaq huo'o ca so'ot. Cha'ayi da huo'otaq so'ot ca lasouaxashit ca shiÿaxaua, qalaq aÿim selotelec ca ñi'aqtac, nachi sa ishit da depe'enaxan cam so'ot. Cha'ayi aÿim sa ishit da so'ot cam maichi shiitapeguec, cha'ayi chaqcata ca 'eetapeguec ñi ita'a mayi aÿim namaq, nachica so'ot.

Juan 17:4

Qaq aÿim ÿataqta 'am shi'oxodeetac nagui da soota'a ana 'alhua, qataq ÿataqta sematta da aÿim 'auamaxalec da so'ot.

Juan 19:30

Nachi so Jesús nÿomgui se'eso lataxa 'iuaxaic. Ime, nachi 'enapeco': –Nagui ime 'enauac nam qai'otpi. Huaña, nachi naqchiguiñi na lqaic, nachi ileu.

Mateo 26:39

Nachi so Jesús taÿa ca qaÿata'a, nachi ÿataqta nqapaxanguet na 'alhua. Nachi nqouagaxaunot ñi Dios, 'eeta': –'Am ita'a, da 'aushit, qaq no'on da sa ishit qome da aÿim 'aupagaqna'aguet de'eda que'ejnaxac mayi 'eeta'am da qanÿomgui ca deshinataxan. Qalaxayi sa ishit qome da 'au'ot cam maichi shiitapeguec, chaqcato' ca maichi qonetapeguec.

Juan 5:36

Qalaxayi aÿim huo'o da ñi'aqtaguec mayi ÿataqta napacalec da l'aqtaxanaxac so Juan. Cha'ayi nam so'otpi, nachina na aÿim ÿamaxalecpi ñi ita'a. Qaq nachina na ÿoqta ichoxot da 'eesa da aÿim namaq ñimayi.

Juan 4:32

Qalaxayi so Jesús 'enapeco': –Aÿim huo'o da anoq mayi qami' sa qauaÿajñi.

Lucas 19:10

Cha'ayi ne'ena shiÿaxaua llalec, namayi anac da nmitaique qataq nca'alaxateec nam shiÿaxauapi mayi isomtac.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Lucas 15:10

Qaq aÿim shinapec nataq'en da ÿataqta huo'o da ntonaxac nam Dios lamaxashicpi piguem l'ecpi, da huo'otaq ÿaxaadeec naua n'onataxaco ca shiÿaxaua 'itaxaloxoic.

Hechos 20:35

Qaq nachi 'eetai' da qami' sapaxagueetapegueeque de'eda, da ca shiÿaxaua do'onataxan, yaqto' ishit da itauan cam huo'o da lhuenaxanaxa. Qaq ñitounaqta'ac qome da l'aqtac co'ollaxa so qadataxala', mayi 'eeta': “Ÿataqta machiguiñi ca shiÿaxaua qom dachitaqtaxan, qaq saq 'en'am cam chochi qaÿachit.”

Juan 6:33

Cha'ayi acam pan mayi ÿan ñi Dios, nachaca acam chigoqtot na piguem mayi anac da ÿanem da lca'alaxa na shiÿaxauapi.

Mateo 3:15

Qalaxayi so Jesús 'enapeco': –Qalaxayi nagui no'on da 'auauaqta'a da nachi shinaqtec de'eda. Cha'ayi ÿaÿamaqchiguiñi da qomi' so'otaq 'enauac nam 'eetapeguecpi ñi Dios. Nachi so Juan ÿaÿamaxadeeta.

Lucas 2:49

Nachi so Jesús 'enapeco': –¿Tá'ainco' yi aÿim qanmichiitaique? ¿Sa qauaÿajñiÿo' da aÿim iuen da souapegue' na l'onataxanaxacpi ñi ita'a?

Juan 8:29

Cha'ayi ñim aÿim namaq, ñimayi aÿim hueta'aguet; ñim ita'a sa ishit da aÿim ndoqteeteec, cha'ayi aÿim sa i'atai' da so'ot cam ÿaÿamaxadeeta ñimayi.

Juan 19:28

Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco': –Huo'o na ÿaquip.

Mateo 9:19

Nachi so Jesús ñishiguem da ca'ategue somayi, qaq nnaictagueto soua nale't.