Juan 3:36 - Nuevo Testamento Toba Sur

³⁶ Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Nuevo Testamento Toba Sombrero Negro

³⁶ Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

La'aqtaqa Ñim Lo'onatac 'Enauacna 2013

³⁶ Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 3:36 Referans Kwoze

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Juan 1:12

Qalaxayi ñaqaiyita huo'o na ÿaconguet qataq i'amaqten somayi, qaq nachina na ÿanem da ÿoqta 'itchiguiñi da llalaqpi ñi Dios.

1 Ts 5:9

Cha'ayi ñi Dios sa ishit da qomi' lca'agui'shi da ÿauo'o ca qanhuaxanaguec ca pa'ateec na'a'q. Chaqdato' da saconaxaguet da nca'alaxa mayi chigoqo'ot so qadataxala' Jesucristo.

Efesios 5:6

Qataq sa ishit qome da huo'o ca qami' ÿatenachi't da qami' idolguete naua napaxaguenataxanaxaco mayi qaica ca naiguilo. Cha'ayi ne'enaua sa ÿaÿamaxayiñi, nachinaua na chigoqchiguilo dam qaica ca 'en'am da lchic layiloxo ñi Dios, da ÿauo'o da nhuaxanaguec nam sa ishit da ÿalaq.

Romanos 5:9

Qaq nagui da mashi qomi' ÿaÿamaxadeete' ñi Dios da sachigoxosoqchigui da l-leuaxa so Cristo, nachi ÿoqta 'itchiguiñi qone' da qomi' nca'alaxateeguesopa somayi cam nhuaxanaguec na shiÿaxauapi mayi ñaq naÿa'cna.

Juan 8:51

Qaq ÿataqta 'eesa de'eda qami' sa'axatema, da ca ÿalaxaguet dam shinapec, nachi camayi sa nauane' da ileu.

Juan 10:28

Qaq aÿim sanem da lca'alaxa mayi chochaq tateec anamayipi. Huaña, nachi sa ishit da ileu, qataq sa ishit da huo'o ca ishit da nqateeguesop da iuaqÿaxac anamayipi.

Juan 3:3

Nachi so Jesús 'enapega somayi, 'eeta': –Aja', ÿataqta 'eesa de'eda 'am sa'axatem, da ca shiÿaxaua da sa ishit da ÿi'iguelaxalec da qaltaq ñiguiñi, qaq sa ishit da ila'a da l'onataxanaxac ñi Dios da ilo'ogue 'enauacna.

Apocalipsis 21:8

Qaq nam shiÿaxauapi mayi colanqaic, qataq nam sa da'amqajnataxan, qataq nam nqaigaxatpi, laataxanaxaicpi, qataq nam quishiguetaxaicpi, qataq nam ÿi'en ca lÿa, qataq nam natameetacot ca nqolac, qataq 'enauac nam tenataxanaxaicpi, qaq 'enauac qome namayipi qoÿami' da qaÿasaxangui ca lta'adaic nodec mayi huaña da ÿavictaigui na quiquiaxadaic. Mayi nachica ca ÿaqa'aguet nleuaxa.

1 Ts 1:10

Nataq'en namayipi n'aqtaxaatapigui da qami' qauachiitaique nagui da ñi'iguelaq so Jesús som llalec ñi Dios mayi nca'aleec naq'en co'ollaq mashi ileu. Somayi mayi nachiso so qomi' nca'alaxateeguesopa qome da lchiquiaxac ca nhuaxanaguec na shiÿaxauapi mayi naÿa'cna.

Gálatas 3:10

Qaq ÿoqo'oyi nam ÿachito'ot da lpi'iÿaxac nam nqataxacpi mayi chigoqo'ot so Moisés, namayipi huetalec da lta'adaic nhuaxanaguec. Cha'ayi naua ñiyigui'shi n'aqtaqa 'eeta': “'Enauac nam sa ishit da ipaguelec nam 'enapecpi nam 'enauac nanettalec anam nanedaxalate na nqataxacpi, nachi namayipi huetalec da lta'adaic nhuaxanaguec.”

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

Lucas 3:6

yaqto' 'enauac na shiÿaxauapi ila'a da nca'alaxa mayi ÿan ñi Dios.”

Hebreos 10:29

Qaq ¿táloxochiyictoxo' da saq taÿapigui yi qadvilli qami' da ÿataqta 'itchiguiñi da ÿacteec qome da nhuaxanaguec cam 'ico' petapigui so llalec ñi Dios, qataq ÿataqta saqca ca ÿanaiguilo soua ltago'q, qataq da ishiuen so n'Espíritu ñi Dios mayi ÿauotec camayi? Cha'ayi se'esoua ltago'q nachisoua soua ÿataqta 'itchiyiñi naq'en dam aÿamaxataxac dam chigoqchigui da qui'itta qanqoÿin namayipi.

Hebreos 2:3

Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

Romanos 4:15

Cha'ayi nam nqataxacpi ishit da i'ot ca nhuaxanaguec ca shiÿaxaua. Qalaxayi cam huetaña da qaica na nqataxacpi, nachi sa ishit da huo'o ca sa ÿalaxalec namayipi.

Lucas 2:30

Cha'ayi aÿim ñima'ai' nagui da sauaachigui nam qadca'alaxaqui

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Marcos 16:16

Qaq ca da'amqajnataxan, nachi qanachilaxan, qaq nachica qome ca qanca'alaxateec; qaq cam sa ishit da da'amqajnataxan, nachi camayi nachi 'eetai' qome da netagui da lasouaxashit.

Juan 4:36

Qaq cam daqataxaatac, camayi ÿaconguet ca nshiitenaguec. Qaq nam ala na nanguishic mayi nqattac, namayi naigui ca nca'alaxa mayi chochaq tateec, yaqto' cam danaxaatac qataq cam daqataxaatac ishit da 'eeta'a't da ntootapigui'salo.

Juan 6:58

Qaq aÿim sa'axattac aso pan mayi chigoqo'ot na piguem. Qaq asa'aso pan, asomayi sa ishit da 'eeta'am aso maná mayi chictac co'ollaxa som hua'au qadta'aipi, qalaxayi nachi 'en'am 'enauac somayipi ileu. Qaq cam chic asa'aso pan mayi sa'axattac, nachi camayi nachi 'eetai' da nca'altauec.

Hechos 14:2

Qalaxayi nam judiopi mayi sa da'amqajnataxan, namayipi ÿilen nam saq judiopi, da yaqto' nquiÿalo soomayi.

Hebreos 3:18

Qataq ¿chaq négue't som detaxaÿa co'ollaxa ñi Dios da yaqto' sa ishit da inoxoneu'a ca nmataxac ñimayi? Qomyi som sa ishit co'ollaxa da ÿalaq.

Hebreos 3:19

Qaq qomi' seloqchigui da somayipi sa ishit co'ollaxa da inoxoneuo, souaxat da sa da'amqajnataxan.